Muslimkhi Eng Khrihca Baekim Sak Bom Hue U

Pakistan rhamna Gojra a kaeng oehkoe ni hulam oeh anim saer u, Khrihca baekim ce Muslimkhi eng Sak thlah a hamna May 06, 2016, cawnninga oeh ce thaa pe hue u. 

Ace Khrihca baekim ce 2009 oeh Khalsabad kho Gojra kaeng, Toba Tek Singh peng oehkoe Muslimkhi eng anim msaer u ni. Khrihca thlang 10 him noeh thlang 7 ce ak xingna mai eng ani imna anam mdoi hue u. 

A kaeng sam oehkoe ak chang baekim 4 awm xee hue u. Tuh oehtoe Muslim moe Khrihca ani pakhih eng sak thlah hamna caa hue u. 

Ref: Premier