Air Conditioner / Air Cooler (AC) Ni Sep Ve U

Air Conditioner / Air Cooler (AC) Ni Sep Ve U 

Khawhlohnaak kho rhamna nik awm thlang a hamna toe awh-ihnaak ammak lona khohlok noeh ih a awmna yawm amlaw hue. Boeikhi mangkhi eng Air Conditioner / Air Cooler ce tangka khawyah yah eng thlaa law usoe amnik thlaa tha eng ni khuikha hue. Ning yaap rhu soe yawm a hlok bak bak noeh ihnaak  hamna yawm amlaw hue. Ace a dawngoeh ak rhoei pohnaak (Air Conditioner / Air Cooler) ce nimoeh eng ni sep ve u. 

AC pohnaak a hamna ak ngah thaemkhi toe:

- Plastic pung ang sang mat moe a khuem mah(a khuem ak awm), Panka (Fan) ak yoica, Tui dawng boet, Cimcaa, A bennaak hlue tape moe Tui mtling (dry ice/ Yekhae) ce na taak oehtoe Air cooler(AC) ce ta hlue huek te. 

Ace mueihna na pohnak a hamna toe ve mueihna na cut ngah hue:

# Step 1: Plastic pung ce na khuem tha hamna ngah noeh ace plastic pung a khuem oeh ce Panka (fan) ce nukta noeh ak khoek boetna panka ce pung khuem ak khan oeh rhuen noeh, ace na rhuen a mueihna plastic pung a khuem ce Cimcaa eng aar bir bir kop te. 

‪# Step 2: A betnaak hlue tape eng ce pung a khuem ak khan oeh ce panka ak cekna pin kop te. Ace tape ak puen ce na panka ak cekna am mtunaak a hamna ak khui tungna koe eng ben kop te. 

# Step 3: Plastic pung ak khan oeh na panka ce a cek amma cek moe ak khuina amma tlaknaak a hamna ak dona poh kop te. 

# Step 4: Ace plastic pung khui tungna na panka ce ammak kang kawihna pung ce vutnoeh toe tui dawng ce bun. 

#Step 5: Tui dawng ce ang coepna, pakthumna boennoeh toe pung ak khui na vut oeh ce ak laekna bunnoeh khawhli uepsak kop te. 

#Step 6: Ace pung oeh ce Tui mtling (dry ice/yekhae) ce tanoeh, pung ce a khuem panka na bennaak oeh ce ak cekna num khoh noeh toe panka ce mhong lah. 

Ace mueihna na poh oehtoe tangka khawyah boeih noeh Air Conditioner(AC) ak thlaakhi a mueihna na im oeh ce a ding a seukna ngoi hlue hoi hoi hoh huek te. Mthan na ih hlue oeh awm a ding seukna ip hlue hoh huek te. 

Ve ak kai oehkoe mueihlip teok lah.