Bill Gates Ikoe Mueihna Num A Boei Lonak
Khawmdek khan oeh boei soeih ani ti u Bill Gates ve ikoe mueihna num a boei lo hue, ikoe bi bi noeh, ikoek poh eng ace mueihna ak boei lo lang huvoei aw!
Bill Gates ve Mdekkhan oeh ang xong soeih Computer oehkoe honak (Software) Microsoft ce Paul Allen moe ak pohkungna awm hue. Ace ak cam eng nawngvoei koel oeh Mdekkhan boei soeihna awm law hue.
Anih ve Seattle, Washington oeh 1955 oeh thang noeh a Nasen kum 13 oehkoe eng computer lam oeh ak kawpoek pe hue. Ace mueihna computer lamtung sim noeh thaem suinak, bi binak a sim lo a dawngoeh a bi bi puei Paul Allen moe ang Xoi soeih thaem suinak, Microsoft ce poh nih noeh Khawmdek khan oeh boeih soeihna a awm lo hue.
Gates ve Harvard University na sengim kaihna hu soe Paul Allen ce Washington State University na kai hue. Ace mueihna ani kaihnakna yawm computer doeng doeng ce luemna huenih. Gates moe Paul ce Harvard sengim oehkoe Computer oeh Computer honak a long a lam software a longlam ce hla 2 khui oeh yawk huenih. Paul eng a noeknak ani poh ce mhong soe laek law soeih hue, ace a dawngoeh Paul ce MITS oeh vat unoeh Gates ce Harvard oeh bi bi hue. Gates moe Paul ve 1975 oeh puei soeihna awm law nih soe " Microsoft- Computer, Software" ani poh a dawngoeh Microsoft ti unoeh khue hue u.
Ace mueihna Micsrosoft ani pohnak ak cam eng Gates ce 1979 oeh $2.5 million ta hoh hue. Software a poh ce hona vang ani ti oehtoe $ 50,000 pee u noeh hamna hue u.
1979 moe 1981 oeh Microsoft ce do law khyoer khyoer soe bi bi-khi awm thlang doem law khyoer khyoer hue. A coeh ce Gates $ 2.5 million oehkoe eng $ 16 million doena a tangka hunak awm law hue. Ace mueihna ce 1986 oehtoe Gates kum 31 oeh $ 24.7 million ak ta boeina awm noeh, ace mueihna ce boei law khyoer khyoer hue.
No comments:
Post a Comment