Amerika Tannamat Derek Mitchell Eng Myanmar Thlang A Huhnak 

Amerika Tannamat (ambassador) eng a ceh tom oeh Myanmar thlangkhi ak kawpoek ikoe mueihnun a lo ti ce a huhnak amueihna qoel hue. Myanmar thlangkhi ve ak do moe ak che doengni ani sim hue. Thlang mat ve a thawlh oehtoe thawlh hue a thuem oehtoe thuem hue ti doeng ni ani huh tha hue. 

A thuem moe ak thawlh ang lak oeh ikoe num a awm ti ve amsim hue u.  Ace ak thuem moe ak thawlh ang lak oeh yaksimnak ta noeh ak chang poh hlue, poek hlue awm huen hue tive amsim hue u. 

Tui-aum mat ve tui a awm oehtoe honak hamna awm noeh tui a boeih oehtoe honak hamna amdo voel hue ti doeng ni ani sim, ani huh aning yak hue u. Tui-aum ve tui boeih soeyom honak hamna a long a lam awm huen hue ti ce amsim hue u. Tui boeih moe soenum Tui-aum ce honak ham a long a lam khawyah awm hue hue. 

Pueipo ani taaknak oeh awm ace mueihna ni, thlang mat ce a saer oehtoe sae hue, a do oehtoe do hue ti doeng ni ani sim hue u. Anih ak thlang ce hoentloek oeh sae noeh hoentloek oeh ak don num ti ce ang mueihna ampoek tha hue u. 

Tuh oeh uknak lam oeh awm teok lah! matlam party eng a poh ce matlam ce ak chena huh pe noeh, matlam eng a poh ba ce mat eng ak do rhoena amhuh pe hue. Ak do ak che matna cet hue ti ce amsim rhoe hue u. 

Thaem pateng ni poh thlah noeh ni honak tha hluena a tlak oehtoe thlang cu, ak laekna ning puei ning po rhuna tha hue. Ref: Hnin Hnin Yu's Post

Dairamtlang News