Amerika President Ang Dangnaak Mawtaw Ikoe Mueih Num A Lo

Amerika President eng ang dangnaak mawtaw ce ikoe mueih tlukna num a do, u eng ikoe sim eng a poh huvoei num, ni teok lah ve u. 

1. US president dangnaak Mawtaw ce President ang dangnaak rhoe ahamna ani pohna awmnoeh "The Beast Cadillac One" tinoeh khue hue u.  

2. Mawtaw ce Pe 18 sangnoeh, ak dang ce pe 5' 10" law hue. 

3. Mawtaw hlalang ve inches 5' (130mm)  na sahnoeh thlang eng a kah oehtoe maalung eng amma pah pluk hluena awmhue. 

4. Mawtaw chawmkaeng ve inches 8' (200mm) na sah   noeh thlang yap eng mhmawng tha hlue amninoeh animoehkhi doengdoeng eng (Secret Service) doeng eng mhawng thana awmhue. 

5. Mawtaw kho na ce khahler(tires) hona moe usoenum ace tires akkaana ce thii(steel) (aluminum, titanium moe Ceramic) eng pohsihna awmnoeh Khahler se soeyom thii cu a ser hamna kuei noeh khawktluk oeh dawngouei hluehue.

6. Mawtaw kho kaeng oeh ce Set ak laek soeih ani taak adawngoeh bomb, moe qih ak cu ahoei ce sim hlue tlaang tlaang hue. 

7. Mawtaw hulam President a ngawihnaak oeh ce Satallite moe Pentagon veok rhunaak awmnoeh ace eng ce Preisident eng kueinaak a huh oehtoe ning yaksakkhi tlaang hue. 

8. President aham rhoena pohna a awm adawngoeh kueinaak, laembainaak, natnoinaak President eng a huh oeh ce President ahamna thii ce taak pena awmnoeh, Oxygen amoeh moe amoeh eng a paek hlue toeih, moe sii ak laek soeih soeihkhi ce taak sihna awmhue. 

9. Mawtaw a hulam moe a hailam oeh ce mikphli bonaak a khu (gas) moe mthan oeh huhnaak tha camera moe ce taak pe usoe a kaengsam oehkoekhi boeih ce lonoeh anna khoem hue. 

10. Mawtaw ce khan kahnaak (missiles) moe bomb eng amma hehnaak ahamna chemical ce taak pe hue u. 

11. Mawtaw ak mawngkung a pum oeh ce (Chips moe GPS) ani ti ce taak pena awmnoeh a pum vuetna ang ploeih hlan khui oehtoe President ce hoena yawm amcehpuei hlue tha konhue. 

 

Acece amdo soe laek num President ahamna ti unoeh ace naak oeh ak laek soeih ce tuh seh pe huina awmhue. 

N-Peace Kutdonaak Hukung Chin Nu

Chin nukhi anglak oeh mkueihcah tueng Mai Cherry Zahau eng Myanmar rham angyuengna N-Peace Award 2017 ce do hue. 

Mai Cherry Zahau ve nimoeh Chin ming, a Nasen mingna toe Mai Tuan Cer Sung mingnanoeh, Kaly District Minhla kho oeh ak awmna awmhue. N-Peace kutdonaak ve ammak sim thlang ni awm huvoei soe, 2010 oehkoe eng UN akka oeh Development Programme's N-Peace ti unoeh Women Peace & Security ti unoeh awm  ming paekna ana awmlaw hue. Ace ce Asia rham khui oeh rhuirhoepnaak ak suikhi eng ani huhna awmhue. 

Mai Cherry Zathau ve nukhi anglak oeh rhan a awmnaak tungna cetnoeh awithang lokung(Journalist) thlang ni voetnaak a konglam oeh thamahnaak ana taak lo adawngoeh N-Peace kutdonaak paekna awmhue. 

Tuhhi kum 2017 oeh N-Peace kutdonaak ve thlang 7 avenna paekna awmhue. 

Afnghanistan -Sayeeda Muradi.

Indonesia - Rahmatan

Nepal - Srijana Karki

Pakistan - Farhat J. Sarjjad

Philippine - Diocolano

Srilanka - Bernadine

Myanmar - Cherry Zahau tloek eng hu hue u.

Mai Cherry Zahau ve Chin nu khuioeh khawrham ahamna kho poek rhampoek noeh tha anak lona awmhue. 

Ref:http://n-peace.net/ 

Korea Rhamna Bibi Doena Sengim Kaih hamna Khue Hue

ေတာင္ကိုရီးယားႏိုင္ငံတြင္ ေက်ာင္းတက္ရင္း အလုပ္လုပ္ကိုင္လိုသူမ်ားအတြက္

South Korea rhamna bibi doena Sengim kaih ahamna khuena awmhue. December hla, 1, 2017 oeh ce  YEONSUNG UNIVERSITY oeh Sengim kaih ahamna cehna awmhlue hue.

Korea awi simnaak ahamna YEONSUNG UNIVERSITY eng a simpuei Korea awi congnaak Sengimak 

kai  boeih ce certificate paekna awmhlue hue. Ace mueihna  Korea awi cong ahamna ve camingpoei phi hamna amngah noeh kaih ahamna ak cet boeih eng bibi thana awmhlue hue. 

Alaeknaak 

*Sengim lutnaak Camingpoei amngahhue

* Am mtonna Korea Rhamna Sengim Kaih thanaak

* Sengim kai coeng oehtoe Diploma & bachelors degree of YEONSUNG UNIVERSITY pe hlue hue.

* Congpueikung (Professor) amoeh rhoe ce Mva kho na lawnoeh Sengim a konglamkhi tengtumnaak ta hlue hue. 

YEONSUNG UNIVERSITY oeh Sengim kaih ahamna ak ngah boeih eng Sim aham Sengim oeh ak thoehkhi toe: 

* Tangxa aung Lethmat (မူရင္း+ႏိုႀတီ)(ဘြ႕ဲ)

* Imkhui thlangmi noernaak (မိသားစု သန္းေခါင္စာရင္း)

* Passport cauk

* Cacong ang ming eng Bank Cauk (-ေက်ာင္းသား နာမည္ျဖင့္ ဘဏ္စာအုပ္)

* A kum 21 lawnoeh tangxa ang aung hoh moe Sengim kai hui, Boih ak huu hoh boeih eng kaih thana awmhue. 

Akcoeina simham ak ngah boeih ahamna doerthoehnaak hlue:

အေသးစိတ္အခ်က္အလက္မ်ားကိုသိ႐ွိလိုပါက
ေအာက္ပါဖုန္းနံပါတ္မ်ားသို႔ဆက္သြယ္စံုစမ္းႏိုင္ပါသည္။

👨‍🏫ကိုဇင္မိုးဦး (ကိုမိုးပ်ံ)
မန္ေနဂ်င္းဒါ႐ိုက္တာ
၀၉-၇၇၇၉၁၅၁၀၆

👩‍🏫မတင္ႏြယ္ဦး(ဒါ႐ိုက္တာ)
၀၉-၄၂၀၂၁၉၇၃၉
၀၉-၇၆၁၆၅၆၃၀၅
🏘🏢🏫တိုက္(၇)၊ေအာင္သေျပလမ္း၊ဝါဆိုရပ္ကြက္၊ေဒါပံုၿမိဳ႕နယ္။🏘🏢🏭

Alain Ngalani moe Aung La Nsang Thongrhunaak Hlue

Ning thongrhu cu naa law kom ni tinoeh thlang boeih eng ni qih soe a nat hlue awm amqih unoeh thongrhu nganga vang ak ti rhoi Alain Ngalani moe Aung La Nsang eng a ning thongrhunaak hlue yoe law hohhue. Thlang boeih eng kamoeh Ka Aung La Nsang naak mantoe amthong hlue nueng ti voeinueng ti rhiprhip hue u. Cenamoe Aung La Nsang engtoe kak thong hlue ni ti vik hue.

Alain Ngalani  ve qxihnin (7) thongrhunaak ana ta law hohnoeh thumvoei sungnoeh thumvoei noenghue. Anih ve ak tha-awmnoeh angtah lue noeh kho eng msuih ve lue hue. Cenamoe Aung La Nsang engtoe amqih rhoe rhoe huenueng ti toeng toenghue. Ikoe mueihna num a ning thongrhu lo hlue ti ce November 3, 2017 oeh Myanmar rham Yangon mluehnu, Thuwana Indoor Stadium na a ning thongrhu hlue ce nina teok lor lah kom u. 

Kachin Pyine moe Chin Pyine Oeh Mlueh Mxoina Awmhue

Kachin pyine na Mongeing mlueh oehkoe khokhi ce mlueh akkhui oeh hlumna awmnoeh ace mlueh ce Inndawgyi mlueh mingna hue. Ace mueih lorna Chin pyine Falam mluehna yawm kho 8 ce Falam mlueh oehkoe dueih 4 na ta hue u. 

Matupi khayaing Paletwa mluehna yawm ace mueihna Paletwa mlueh oehkoe dueih 1 mxoina awmnoeh kho 6 tluk ce Paletwa mlueh khuina hlumna awmhue.

Ace a konglam ce angcoeina Mva awina noer thana awmhue.

English/Thlangbaok Awi Kum 2 Ayoena Congthana Awmhlue Hue

Chin pyine mluehnu Hakha na thlangbaok/ English sim hamna ak ngahkhi ahamna kho kum 2 khui oeh tuh aklo hlue December hla oehkoe eng cutnoeh congnaak awmhlue hue. Ace thlangbaok awi congnaak oeh ve tangxa ak aung hoh, a kum 16 oehkoe eng 19 anglak oehkoe thlang eng ce kai thana awmhlue hue. 

Ayoena congpueina a awmhlue adawngoeh ani venna kum 2 awmnoeh ani cehcehnaakna angxui akcet hlue tha ak thlanng ce ngah hue u. 

Chin Pyine Thlangmi Iyah Ni Lo U

Myanmar rham khuioeh ak khawdeng soeih pyine moe thlangmi ak yawi soeih pyine pakhihnaak toe Chin pyine ni. Cenamoe Chin thlangmi ve Chin pyine oeh ak awm boeihnaak oeh Chin pyine athaalamna kho ak saakhi doem bet hue ana ti hue u. Thlang vang engtoe Chin pyine athaalamna ak awmkhi Chin thlangmi ve ting 10 law hue ti hue u. 

Chin thlangmi boeih ve Rohingya ani ti u Bangali thlangmi naak oeh awm ni yoi betna mueih hue. Rohingya ve ni hulam oeh Bangladesh tungna ak cenkhi thlangmi 4,00,000 hla law hue ana ti hue u. Ace ce ayingyah ni ani lo huen hue, ace yah xoh Arakan/ Yakhain pyine na awmhuet hue ti hue u. Ace mueihna a awm oehtoe Rohingya /Bangali thlangmi ve ting 8/ ting 9 tluk lut law unoeh Arakan pyine na awm hue u tinaak ni. 

Ak lut lo ace yah law soe Chin pyine oehkoe thlangmi ve toe ting 5 tluk doeng lawnoeh Bangali naak oeh awm ni yoi hue tinaak ni. Ace ce akkai oeh teok lor lah. 

Oxford Mlueh Eng Aung San Suu Kyi Am Mkueihnaak Lotlah Hue

Oxford mlueh eng Aung San Suu Kyi ce "Freedom of Oxford" mkueihcahnaak ani paek u ce mlueh oehkoe xuikungkhi eng lohpe tlah hue u. Ace mueihna ani lohpe tlahnaak a konglam toe Rohingya a kong oeh a bibinaak ce ani ngahnaak amueihna amma poh adawngoeh ani lohpe tlahna awmhue. 

Suu Kyi ve Democracy ahamna ang tattloh ti unoeh 1997 oeh "Freedom of Oxford" mkueihcahnaak ce paekna ana awmhue. Tuh oehtoe Suu Kyi eng ve mkueihcahnaak ve khoem ahamna amtueng amtlak voen hue ti unoeh ani lohpe tlahna awmhue.

Muslim Rohingya thlang 5 ting hla eng Bangladesh rhamna ani cen ce Suu Kyi eng rhankap amma khoikaem tha hue ti unoeh ani lohpe tlahna awmhue. Oxford University na Aung San Suu Kyi moe ang mueihna mueihlip poh unoeh ani tai awm khongpena awmhue. 

Ref:  #ဘီဘီစီျမန္မာပိုင္း

Dai Thlang UK Na University Oeh Sengim Kaina Cethue

Khawsa'm mrhennaak ak cam eng ni ti kanna toe ikoe ak chang ti hlue amom hue. Ni Dai thlang mat Chin National Development Party (CNDP) oeh a xamcaa (Secretary) binoeh Chin pyine ahamna moe ni mi nik thlang ahamna bi ak bi ce Khawsa yawkdonaak ak cam eng Chevening Scholarship 2017-2018 oehkoe ce hunoeh United Kingdom(UK) na London oehkoe University mingthang soeih mat Birkbeck Universty, University of London  oeh ce Master degree in Nationalism and Ethnic Conflict ce kum oet cong hlue hue. 

Anih ve Lawk-imnu kho, Kanpalet mlueh tungna awm ni Dai thlangna awmhue. Ang ming ve Mva mingna toe Salai Myo Chit mingnanoeh nimoeh Dai mingna toe Pa Chui Ca mingna hue. 

Thantlang Peng Vuichip Tlangna Khancet Duemnaak Poh Hlue Hue U

Chin pyine Thantlang peng oehkoe Vuichip tlangna ce Myanmar Vice President Henry Vanthio eng khancet duemnaak huen ce ni teoksakkhi hue. Ace ani teok oeh ang xoi a yoi, a yuung ak dang ce tahna awmhue. Ace ak teokkhi ve Chin rham Highways Deputy Director Pa Ttha Peng moe Engineer thlang pakhih moe Thantlang peng oehkoe a xamkhi eng teok pueina awmhue. 

Tuh ani teok ve poh hlue toeih toe amninoeh ani huhnaak huen amueihna ce ca pat unoeh coyah yaksak usoe do hlue hue a ti oehtoe hailam kum 2018 oeh tangka ani paekkhi tha oehtoe cutna awm hlue hue ti hue u.

World Bank Eng Myanmar Coyah Tangka Puu Xer Hue

Tuh-oeh World Bank eng Myanmar acoyah tangka ak puu xer ve Myanmar rham tlahtlaengnaak ahamna hopainaak hlue tangka na awmhue. Ace tangka ce a caa a awm kana kum 38 khuioeh punoeh  ဝန္ေဆာင္ခ ဝ.၇၅ ရာႏႈန္း doeng ni a paek hlue hue tinoeh Mdekkhan Bank (World Bank) oeh  bibikung Myanmar, Cambidia moe Lao rham ahamna ak bikung Miss Ellen Gostin eng tangka taan (သန္း) 200 ak puu ni tinoeh qoenhue.  

Ace tangka ce bibinaak pohnaak ahamna, bi hlue poh hlue thaem a awmnaak tha ahamna, khawrham ahamna laeknaak pohnaak ahamna tangka ve puu peena awmhue tinoeh World Bank eng qoen hue. Ref: BBC Burmese 

SEA Games Oeh Ak Noengkhi KBZ Eng USD 30,000 Pe Hue

Tuhhi kum 2017 SEA Games (South East Asia Haangnaak) voei 29 naak toe Malaysia rham Kuala Lampur mluehnu oeh ce honaakna awmhue. Ace mueihna haangnaak ani poh oeh Myanmar moe Singapore ce bolung msuih usoe Myanmar eng Singapore ce pak-hih(2) chan soe ace bolung msuih a boeih amueih oeh Kanbawza Baan (Kanbawza Bank) eng Amerika Dollars 30,000 (USD 30,000) eng ani uempueinaak hamna ni kutdokhi hue. 

Kanbawza Baan ve 1995 oehkoe eng cutnoeh Myanmar rham oehkoe haangnaak lamtungoeh thaa anik peekhi moe anik bomcenkhina ana awmlaw hue. 

Evangelical Bible Sengimkhi moe Top Ten

Khawmdek khan oeh Khawsa awithang Baibun Sengim kaihnaak mingthangkhi moe ak laek soeih 10 (Top-10) sengimkhi dangsakna awmhue. Veve Evangelical/ Conservative Sengim khuioeh ak laek soeihkhi Khawsa awithang congnaak Baibun sengimkhina awmhue. 

Khawsa awithang cong hamna ang pongcaakhi ahamna sengim ak sui eng ikoe mueih a sengim huvoei aw, Evangelical Baibun Sengim aw, Fundamental aw, Liberal / Ecumenical Baibun Sengim aw, Roman Catholic Baibun Sengim aw, Penticostal Baibun Sengim aw ti ce simnaak ahamna voeh ve Evangelical Baibun Sengim khuioeh  mingthang betkhi dang losakna awmhue. 

A

• Adelaide College of Ministries
• Alliance College of Australia
• American Baptist College
• Asbury Theological Seminary
• Asia Graduate School of Theology
• Asian Theological Seminary
• Assemblies of God Theological Seminary

B

• Baptist Bible College Canada and Theological Seminary
• Berean Bible College
• Bible College of South Australia
• Biblical and Pentecostal College of Puerto Rico
• Biblical Graduate School of Theology
• Biblical Theological Seminary
• Biola University
• Boyce College

C

• California Pacific School of Theology
• Canada Christian College
• Charlotte Christian College and Theological Seminary
• China Graduate School of Theology
• Christian Leaders' Training College
• Covenant Theological Seminary
• Criswell College

D

• Dallas Theological Seminary
• Denver Seminary
• Detroit Baptist Theological Seminary

E

• Emmaus Bible College (Australia)
• Evangel Theological Seminary
• Evangelical Theological Academy
• Evangelical Theological Faculty

F

• Faith Theological Seminary
• FaithWay Baptist College of Canada
• Fiji College of Theology & Evangelism
• Fuller Theological Seminary

G

• Gateway Seminary
• Gordon–Conwell Theological Seminary
• Grace College & Seminary
• Grace Theological Seminary
• Great Lakes Bible College (Ontario)

H

• Heritage College & Seminary
• Highland College

I

• Indiana Wesleyan University
• International Baptist Theological Seminary of the European Baptist Federation
• Irish Bible Institute

J

• Japan Bible Seminary
• John Leland Center for Theological Studies
• Jordan Evangelical Theological Seminary

K

• Kawartha Lakes Bible College
• King's Evangelical Divinity School
• The King's University (Texas)
• Kingsley College, Melbourne
• Korea Presbyterian Theological Seminary

L

• Laidlaw College
• London School of Theology
• London Seminary

M

• Malyon College
• Martin Bucer Seminary
• Melbourne School of Theology
• Midwestern Baptist Theological Seminary
• Moody Bible Institute
• Moore Theological College

N

• Nazarene Theological Seminary
• Nazareth Evangelical College
• Near East School of Theology
• New Orleans Baptist Theological Seminary
• North Park Theological Seminary
• Northeast Institute of Biblical and Theological Studies
• Novi Sad Theological College

O

• Olivet University

P

• Pan African School of Theology
• Phoenix Seminary
• Portland Seminary

R

• Redcliffe College
• Redeemer Seminary
• Template:Reformed Seminaries in the United States
• Reformed Theological College
• Regent College
• Ridley College (Melbourne)

S

• Seoul Theological University
• Singapore Bible College
• Southeastern Baptist Theological Seminary
• Southern Baptist Theological Seminary
• Southern Evangelical Seminary
• Southwestern Baptist Theological Seminary
• Stirling Theological College
• Sunshine Coast Theological College

T

• Tabor College Australia
• Takamoa Theological College
• Talbot School of Theology
• TCA College (Singapore)
• Theological College of Central Africa
• Theological Institute of Nîmes
• Toronto Baptist Seminary and Bible College
• Trinity Evangelical Divinity School
• Trinity International University
• Trinity Valley Baptist Seminary and College
• Tyndale Theological Seminary (Europe)

U

• Union School of Theology
• Urshan College
• Urshan Graduate School of Theology

W

• Waterloo Bible College
• Wesley Seminary
• Westmont College
• Wheaton College (Illinois)

Y

• Youthworks College

Top Ten Evangelical Bible Sengimkhi

1. Dallas Theological Seminary,  Dallas, Texas

2. Fuller Theological Seminary, Pasadena, California

3. Biola University/ Talbot School of Theology, Mirada, California 

4. Southern Baptist Theological Seminary, Louiscille, Kentucky

5. Westminster  Theological Seminary, Glenside, Pennsylvania

6. Gordon-Conwell Theological Seminary, Hamilton, Massacchusetts

7. Trinity Evangelical Divinity School/ Trinity University, Deerfield, Illinois

8. Liberty University/ Theological Seminary, Lynchburg, Virginia

9. Moody Theological Seminary and Graduate School, Chicago, Illinois

10. Southern Evangelical Theological Seminary, Matthews, North Carolina

Sengim Sang Kaihnaak Lam: Cadawng San Thang Ve Ikoe Num A Kaih Hlue Tha

Tuhhi kum ni Dai thlang khuioeh ak cuek soeihna 4-D anik huh peekhi Pantui Kho oehkoe, Pa Pam Hmah a Capa Cadawng San Thang ve ikoe mueih a lam num a kaih hlue tha, a hmat iyah num a huh tive simham ak ngah ahamna veok ve teok lor lah. 

Cadawng San Thang eng tuhhi 4-D a huh oehkoe aculumna a hmat boeih ve 469 law hue. Si lam oehkoe ikoe mueih oehtoe ak lut hlue tha huvoei num.

Fuller Theological Seminary Baibun Sengim Khaihna Awmhue

Khawsa awithang congnaak laek soeih Evangelical Baibun sengim mingthang Fuller Theological Seminary ce khaihna awm hlue hue. Fuller Theological Seminary ve Evangelical Baibun sengim khuioeh mingthang soeih moe mingthang ang hihnaak (top 2) naak oeh ana awm law hue. 

Ace mueihna Sengim khaihna a awmnaak hlue toe, kum 2013 oehkoe eng 2017 doena Cacong thlang Sengim khui oeh cong hamna ak ngah ve yoi law keke noeh, cana paekrhu (distance or online Education) ve thlang eng aktung lonaak adawngoeh ni tinoeh Joel Green engtoe qoen hue.  

Sengim khuina cong ve tangka a boeih doeng amkhoek soe ak kai hlue thlang ve amom law hue. Ace adawngoeh Rheng (degree) ani paekkhi M.Div., M.AT, MATM, moe MAICS khi Phoenix  oeh ce paekna amom hlue voenhue. 

Cadawng Yawng Man Eng Camingpoei Hmat Iyah Num A Huh

Amerika President Qxuem George Washington Bush eng buh am mcah Cadawng Yawng Man ve tuhhi kum oeh iyah num a hmat hu soe Amerika President rhir eng yanoeh buh am mcah hue ti ve teok ak ngah eng teok thana awm hue. 

Ave mueihna ni Dai thlang eng ca a simnaak awithang ning yak oeh ve uemham sarhina awm hue. Ni Dai thlang khuioeh Cadawng Yawng Man ve ak cuek soeihna Amerika President eng ming a sim moe buh am mcahna awm hue. Amerika doeng amni soe Mdekkhan pum oeh ni Dai thlangkhi khui oeh President eng ang ming a sim moe ang xumpuei, a ngawihpuei, buh a aapuei toe anih, Cadawng Yawng Man doeng ni.

Hailam oeh Pa Khawsa eng yawkdonaak pe soe a yo a kam awmnoeh ni kho ni rham ahamna bi a binaak tha ahamna cuekcahnaak eng ni simpuei ve u.

2016-2017 Cacong Kum Tangxa Ang Aungkhi

Tuhhi kum 2016-2017 cacong kum oeh ninang ngaih-u a mueihna ni Dai thlang eng tangxa a ning aung ni huh oeh a uem kana amni awmtha hue. Tangxa a ning aung doeng amkhoek soe 1-D, 2-D, 4-D khi ani huh lo tha ve Septakung Pa Khawsa am mrhennaak ak cam eng ni ti huenuneng. Ni Dai thlang ahamna Khawsa yawkdonaak phalaw toep toep hoh hue.Tuhdoe ni simna ni Dai thlang ang aung boeih ve 53 lawnoeh, thlang 8 eng  -D hunoeh , 3-D, 4-D ve ak sang soeihna awmhue.

 1. Omsoi Kho       - 6
* Cadawng Van San
* Nula Marry Zon
* Nula Marry Zin Da
* Nula Rhai Thak
* Nula Hnin Si
* Nula Monika         2- D ( Myanmar, Bio)

2. Mahtu Kho      - 9
* Cadawng Aung Thang
* Cadawng Thawng Cin Lian
* Cadawng Ha Khin
* Cadawng Luek Qxoi
* Nula Kim Thon
* Nula Hai Bin
* Nula Ci Ci
* Nula Thlung Thang
* Nula Sawm Pui    - 1-D 

3. Vueilu Kho      - 4
* Cadawng Xung Sue
* Cadawng  Xung Kuei
* Cadawng Caw Uk
* Cadawng Ling Nu

4. Sihleh Kho       - 4
* Cadawng Isaak
* Cadawng Then Nai
* Cadawng Om Yoe        1- D (Bio)
* Cadawng That Yin Myint    2- D (Geography, History)

5. Pantui Kho      - 3
* Cadawng Pa Ling
* Cadawng Pa Loei
* Cadawng San Thang       4- D (English,Chemistry,Physic,Biology)

6. Rhueng Kho       - 3
* Cadawng Tha Duh
* Nula Hlah Ci
* Nula Ming Sui

7. Danca Kho        - 2
* Nula La Ni
* Nula Thak Ting

8. Rhawkthang  Kho    - 2
* Nula Hlah Ni
* Nula Ying Thwe

9. Thungna   Kho      - 1
* Nula Nu Ii

10. Tuiship Kho      - 1
* Nula Blessing Par

11. Koica  Kho      - 1
* Nula Ding Par    -  2- D (---,----)

12. Buiship   Kho   - 1
* Cadawng David

13. Oici  Kho        -1
* Cadawng Cheng ma

14. Lungtui  Kho  - 1
* Nula Ti Da

15. Kanim   Kho   - 5
* Cadawng Cing Uk  -   1- D     (Biology)
* Cadawng Dai Oo
* Nula Khin Mue
* Nula Ngun Eng
* Nula Sui Can

16. Hantu   Kho    - 1
* Nula Hun Suel

17. Thingkong  Kho  - 1
* Cadawng Kee Tam

18. Kuepna  Kho   -1 
* Nula Si Si

19. Mitu  Kho  - 3
* Cadawng Solomon   - 3 -D (Math, Physic, Chemistry)
* Cadawng Joshua
* Cadawng Daniel

20. Suntui   Kho   -1
* Cadawng Uk Thang


21. Khengca  Kho  - 1
* Nula Nu El