Orlong Na Nganu Phalaw Hue 

Orlong na Mahtu moe Sihhleh anglak oeh ikoe mueih a Nganu num khawxai tuikang oeh pha law soe Nasenkhi eng khit unoeh luemna usoe ang tahna yawm amtat noeh ngairhu capcap hue ti hue u. A dawngna dawng 20 lawnoeh Soeicaa tehna ang hawih puengpueng vamni.

Ikoe mueihna ak lo tangtang huvoei num Orlong oeh amkhoek noeh tui ak choeina ni a pum a awm ti hue u. 

Ni Kho Tungna Vueikhi Phalaw Xer Hue U

Ak qxuem oeh va ni Dai rham khuioeh Vuei ana pla khoei soe ana sun ana kap usoe, ti rhii yaakpha tuh oehkoe thlang engtoe amni hu law hue ni khona Vuei ak awm ce. Tuhngoi oeh hoenakoe Vuei num a sawngkit phalaw xer usoe, avang toe Mahtu moe Omsoi anglak Khawngyung tloek oeh awmnoeh avang toe Licang tlang a huma moe Mitu kho, Rhueng kho, Oici lii doena pha hue. 

Licang tlang oehkoe eng  Pawma tungna cet unoeh Plahrho kho tungna avang bee ba hue u. Ni Dai khawmdek pum a thetna thetna khinglik hue u ti hue u.

Bukdah Baeknak A Konglam

Myanmar rham ve khawmdek khan oeh Bukdah baeknak ang xoi soeih a awmnak moe kutseh Seti a daanak soeih rhamna awm hue. Ace Bukdah oeh ve ningnih Khristian baeknak oeh Roman Catholic moe Protestant tinoeh ang xoi soeih baeknak a kung pakhihna ana awmlo amueihna Bukdah baeknak awm om lor hue. 

Protestant Khristian oeh ve Fundamental, Liberal, Evangelical, Conservative, Pentecostal, Charismatic Pentecostal,.. tinoeh khawyah awmnoeh ace mat rhip ak khui baioeh Baptist, Presbyterian, Methodist, Anglican, AG,.. tinoeh a awm amueihna Bukdah baeknak oeh awm om lor hue. 

Bukdah baeknak ve Gautama eng Nepal rhamna B.C. 650 kum  huhang oeh anam mdueih lo cuekna awm hue. Bukdah baeknak ve Mahayana Bukdah moe Theravada Bukdah tinoeh pakhihna awm hue. Myanmar rham oeh ve ak tungna toe Theravada Bukdah baeknak ak baekkhina awm hue. Ace Theravada Bukdah Baeknak oeh awm ak kaai oeh ni huh amueihna Bukdah baeknakkhi khawyah awm hue.  

Myanmar Rham Kawpoekna Boet Hue

Yanoeh Thet Mon Myint eng Academy kutdonak a huh oeh ak ao ak aakhi eng ikoe mueihna num ani aok ani aa, ikoe mueihna num Myanmar rham a lo ti ce aning dangsaknak ve teok lor lah u. 

Thlangkhi khorhamna toe thlangmat rhip oeh simrhu poekrhu hue u. Ani aok ani aa oeh biikboi pairhap awm amkhong yap u, animoeh kut oehkoe ce animoeh eng ak laekna khong u, mkhoem usoe, Myanmar rham toe tuhdoena a sodah tloekna ni. Hoetuek oehtoe hailam nik pan hlue lor huvoei num.

Chin Mueidangnu Thet Mon Myint

Chin thlangkhui oeh Mueidangnu (Actress) Myanmar rham oeh mingthang toe Mueidangnu Thet Mon Myint na awm hue. 2016 kum oeh Myanmar rham pummoeh mueidangnak lamtung oeh ak laek soeih Mueidang Academy kutdonak ce paekna awm hue. 

Vetoe Ikoe Mueihna Ak Awm Vikba Num

A hai tungna phungqikhi awm usoe ace mueihna ak ngoi cu ambaek hue nik ti hlue bakbak lang huvoei aw? Pa Henry Van Thio, Vice President ve Gospel Baptist Church oehkoe Khristian thlang matna awm hue. Jesuh Khrih cangnak lammoeh ak thamah soeih ni, caathainak (Born again) thlang ni ti hue u. 

Cenamoe tuh ave mueihna phungqi hai oeh a kut buengnoeh ak awm ce ikoe mueihna ti hlue poek hlue huvoei num!

Myanmar Rham President, Chief Minister  Moe MP Ak Bi Hlue Tha

Myanmar rhamkhui oeh ukkung ahamna President moe Parliament (MP) ak bi hlue ve kum iyah ak lo thlang engnum a bi hlue tha ti ve 2008 upade eng rhii ani cehpuei amueihna toe ve mueihna awm hue.

 President Ak Bi Ham - Kum 45

Myanmar rham ukkung thlang mat President moe Vice President ahamna toe thlang mat kum 45 ak lo doeng doeng eng ni a bi hlue tha hue.

* Ace ak thlang ce rham khuioeh bibi lohlohnoeh kum 20 ak awm ak thlang a nii ngah hue. Rhamchangna cehnak tha pe usoe ava awm vik oeh awm ace ce rham khuioeh ak awmna poek peena awm hlue hue.

(2008 upade S.59)

Chief Minister -Kum 45

Chief Minister ak bi ham thlang ve kum 35 ak lo hoh thlang eng ni a bi hlue tha hue.

*Ace ak thlang ce khawrham xuisoinak oeh kum 10 khui ak awm ak thlang a ni ngah hue. Rham eng ang hatlaknak amueihna rhamchangna a awm vik oehtoe ace ce rhamkhui oeh ak awmna poek peena awm hlue hue.

(2008 upade S.261/S.120)

Pyithu Hluttaw - Kum 25

Pyithu Hluttaw(MP) ak bi ham thlang ve kum 25 a lo ngah hue.

*Rham khuioeh bibi lohlohnak oeh kum 10 a yoi soeih a awm ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

(2008 Upade S.120)

Amyotha Hluttaw - Kum 30

Amyotha Hluttaw ak bi ham thlang ve kum 30 a lo ngah hue.

*Rham khuioeh kho a saknak kum 10 a yoi khuet a lo ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

(2008 Upade S.152/S.120)

Region or State Hluttaw - Kum 25

Pyine Hluttaw ak bi thlang mat ahamna kum 25 a lo ngah hue.

*Rham khuioeh bibi lohlohnak oeh kum 10 a yoi soeih a awm ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

Chin Affiars Minister (CAM) - Kum 25 

*Pyine khui oehkoe eng tuehna awm hue.

(2008 Upade S.161 (b) (c)/ S.262 (a) (iv)/S.169/ S.120)

Khawboei - Kum 25

Khawboei ak bi hlue thlang ve kum 25 a lo ngah hue. Kho khuioeh kho a saknak kum 5 a lo ngah hue. Coyah bibi a nii oehtoe kum 2 ace a bibi oehkoe eng connoeh kho khuioeh a awm ngah hue.

(2008 Upade S.5)

Chin Pyine Mdek Oeh Ve Dai Khawmdek Iteh Num A Lo Teok Lah 

Chin pyine oehkoe thlangphun a awmnak a huen Mdek ani nuen ce teok lor lah, nimoeh Dai khawmdek ve Southern Chin khui oeh iteh haihpa ak lo num, Chin pyine khuioeh thlangphun ak doemkhi moe ak yoikhi ve umueihkhi num ti ve ang coeina dang hue. 

Nigeria Nula Eng Korea Coyah Tangka Ting 200 Mrhunoeh Ting 400 Thoeh Ba Hue

Internet awm law soe online oeh ve a donak lamtung khawyah a awmnak amueihna a saernak lamtung amsava hue. Thaathang rhunak, mrhuk a rhainak moe soh ang net rhunak awm amsava hue.

Africa Mdek, Nigeria rham oehkoe Nula Sa Ron ce Korea rhamna sengim kai huili hue. Ace mueihna sengim a kaih aapu tangka ce online oehkoe eng sui hue. A tangka suinak mat toe Korea acoyah avenna ve mueihna ca yawk hue" Kaa ve Syria na ak awm USA rhankap boi na awm nueng soe tuh-oeh ka rhankapkhi moe Korea rhamna sot hamna awm hoh hue. Ace mueihna kaning sotnak ahamna tangka ting 200 angton betna ni pat law u" tinoeh ca pat hue. Ace ak ca ani huh oeh Korea coyah eng angtonna ting 200 pat hue u.

Ace tangka ting 200 a huh coengoeh ak kaw dawk-aa soe ting 400 thoeh tlah ba soe, ace ting 400 ak thoeh lo oehtoe Bank account ani paekkhi teok unoeh ang ming ani sui lo oehtoe anih ce Korea rhamna Sengim ak kai huina ana awm hue.

Ace mueihna tuh ve online oeh tangka ak sui, ak thaathaang ak thlang amsava rhoe rhoe hue. Dai thlang eng awm ak laekna ni sim hamna ngah hue.

Pa 11 Ak Rhosak Ce Mtu Hue U

Nula aomnaak amueihna aomnaa noeh Nula amueihna tlahtlaeng rhunoeh cadawng thlang 11 ak rhosak, tangka khawyah anik thaathangnakkhi Taluk pa ce Palik eng mtu hue u. 

Ace cadawng pa Sawng To eng thlang 11 ce internet online oehkoe eng nik khuekhi noeh ace 11 khuioeh cadawng mat moe toe chungvanak ta huenih. Sawng To ce ace mat moe Chungvanak ani taak coengoeh chungvanak oehkoe kutdoonakkhi, imkhui lutnak thaemkhi cehnoeh cenpuei soe anim mtuna awm hue. Ace mueihna anim mtu lo daengna ni ikoe mueihna num thlang a thaa a thaangnak, a rhaainak ti ce ani sim lo hue u.

Sawng To ce Palikkhi pateng eng Nu mat amueihna ni poek unoeh  mtu usoe a sawngsakhui na ani teok lo daeng oeh ni Nula hopainak thaemkhi moe Hmatpungtin ani huh lo daengna Sawng To ve pa ni ti ani sim lo hue u. Palik eng am mtu khoen oeh ce Sawng To eng tangka ammak sava thlangkhi venna koe online oeh a thaathangnak ce qoen hue. Ref: Lwin Pyin