Khoi Ak Luemna Toe Ve Mueih Hlue Ni

Ak khyuem oehtoe kho tloek ana luemna unoeh thingsona ak awm doeng amlo unoeh chengsona ang baangkhi ana lo heu kanglak hue u. Tuh oehtoe khoi loh hlue amom hlue voen na mueih hue.

Paletwa Mlueh Kum 140 A Kuepnaakna Uemnaak Poei Poh Hue U

Chin pyina khui oeh laung kaengna ak awm mlueh moe a rham ang xoi soeih Paletwa Mlueh eng, Paletwa mlueh ang dueihnaak kum 140 a kuepnaak ce tuhngoi November 30, 2016 oeh ce Tuicet ang duemnaak oehkoe Lam ce uemnaak poh doena Mlueh ang dueih cueknaak a cuna poh sih poehoei hue u. 

Ace uemnaak poei oeh ce Chin pyine Chief minister moe a xamcaakhi eng hona puei hue u. Ref:Tun Lin's Post

Nukdoem Su Su Ikoe Awm Poh Thawnglong Hlan Soe Rhankap Eng Uknaak Lo Vang Ti Hue

Nukdoem ve thawng a tlak a rhuet moe mee ang aung hlan tloek oehtoe thlang boeih eng mee ang aung amueih oeh a hoei a poh hlue boeih, Japan, Korea, Amerika rham amueihna ak awm toeih voeina nina poek rhip hue. Mee aung lawnoeh ang heup khum law keke, a hla boeih law keke soe ak cuen eng non law voeh voeh soe tuhdoe ikoe awm a poh tang ak cerna ni hu hlan hue. 

Mee ang aung hlan oehkoe moe tuh oeh thlang boeih a poeknaak ve lawha khinglik hoh hue.Ikoe mueih heu lang aw!

Tlang thlangkhi eng Pyinglong awi khyoepnaak amueihna ani huh ngah law ba u, ace mueihna a poh hlue num 2008 upade hak qih hoeh ba, 2008 upade a xer hlue num rhankap haih qih ba, ace amma xer oeh num tlang thlangkhi eng a kahna kap vong vong usoe Shan rham tung toe rhannuna tho hoh hue. 

Tuh doena Ta’ang National Liberation Army (TNLA), Myanmar National Democratic Alliance Army (MNDAA), Arakan Army (AA) moe Kachin Independence Army (KIA) tloek eng Sham rham tungna kap vong vong hue u. 

Yakhain rham tungna Rohingya moe ngcoh hue u. Ave mueih tlongna a awm hlue ve rhankap eng amngah law hue. Animoeh rhankap a uk oeh awm ave mueih cu ak lo ni ti unoeh.

"Tuh oehkoe amueihna a ning kah rhu bak bakna a tlak oehtoe rham khui oeh rhoepnaak amom hlue soe,2008 upade amueihna rhankap eng uknaak a loh tlah hamna awm hue" tinoeh rhankapboi Min Aung Hlaing eng National Defence College (NDC) oeh ce qoen hue. Min Aung Hlaing eng ave a kong ve hihvoei qoen hoh hue. 

Ace mueihna rhankap eng uknaak a loh tlahna a tlak oehtoe Myanmar rham ve ce ikoe mueih konna yawm amdo hlue voen hue. Mdekkhan a boet doena a kon a tang hlue hoh ni. 

Ref: The Irrawaddy 

Cuba Rham Ukkung Thi Soe Cubakhi Uemnaak Poei Poh Hue U

Thlangkhi ani rham ukkung a thih oehtoe kawsae unoeh mikphli hamcak eng awm usoe tuh oeh Cuba rham kum 60 khui oeh anak uk lo Fidel Castro, kum 90 ce November 25, 2016 oeh intestinal ailment natnaak ak cam eng thi soe Cuba thlangkhi uem unoeh laam unoeh awmhlue chim a lik hue u. Avang engtoe ukkung boi thi soe Khawsa ming am mkueihcah awm om hue. A rhawk ve heup 9 khui oeh rhawknaak hamna ti hue u.

Kum 50 tluk oeh Amerika moe pateng rhanna ana awm law nih noeh a kut khui oeh Cuba rham ce a ngah amueihna uknaak (dictator) ana ta hue. Cuba rham ve US oehkoe eng Meng 90 doeng caa ni a hla hue. Cuba rham ve US rham hunnak a hamna rham ak laek soeih matna awm hue. 1962 oeh Cuba ukkung boi Castro eng Russia ce a rham oeh Nuclear missile a taaksak a dawngoeh Amerika moe kap rhu pit hue u. 

Cuba rham ve Myanmar rham amueihna Latin Amerika rham khui oeh ak khuikha soeih rham matna awm hue. Myanmar rham Ne Win eng kum 26 ana uk lo amueihna Cuba ce uk hue. 

Cuba thlangkhi rhamchang ak phakhi boeih eng Cuba ukkung boi a thih a ning yaak oeh uem soeih unoeh uemnaak poei ani pohna awm hue. Kum 26 Myanmar rham anak uk lokung Ne Win a thih oeh Mvakhi thlangvang eng uemnaak ani poh amueihna ni a awm hue.

Cuba rham ve Communist rham matna awmnoeh khawmdek khan oeh Communist rham ve  Taluk, Vietnam, North Korea, Laos moe Cuba rham tloek ni ani awm hue u. Ref: CNN

Amerika Eng Myanmar Thlang Rhancenkhi Khue Hlue Bak Bak Hue

Tuh oehkoe eng 2017 September hla a pha hlan oeh Amerika acoyah eng Myanmar rhancen(Refugee) thlangmi 14,000 khue hlue bak bak hue. Amerika na ak awmkhi Myanmar Organization mat BACI a bi binaak ak cam eng Chin thlangkhi Malaysia na ak awmkhi ce 14,000 khue hamna October 1, 2016 oehkoe eng September 30, 2017 anglak oeh thlangmi 14, 000 ak khue hluena awm hue.

Myanmar rhancen 14,000 khui oeh Malaysia na awm 8,000 tluk, Thailand na awmkhi 3,500 tluk moe India tung awmkhi 4,000 tluk khue a hamna caanaak awm huen hue tinoeh BACI Chairaman Dr. Pu Rodinga eng qoen hue. 

Amerika ceh hamna ang pongkhi a hamna toe ngaih-unaak awm huen hue.

Khristian Thlang 45 Him Hue U

Jesuh Khrih anik cangnaak a dawngoeh Khristian thlang 45 ce Afrika Mdeknu, Nigeria rhamna November 26,2016 him hue u. Veve Nigeria rham pyine  mat Kaura ani ti kho 5 oeh ce Muslim thlangchekhi Fulani Herdsmen ani ti ce lut unoeh November 13, 2016 oeh Khristian thlang 45 ani him unoeh Im 120 ce mai eng mdoi unoeh Baekim 8 awm mai eng mdoi sih hue u. 

Kaura pyine oehkoe kho pumhma toe Kigam, Kitakum, Unguwan, Ungunwan Rimi moe Kizipi kho tloek oeh Khristian thlangmi 2400 a awmnaak oeh  Muslim thlangchekhi eng phepphoeinaak naa soeih hue. 

Khawsa venna cuekcahnak eng ni sim rhip rhip ve u. Ref:  Christianheadlines.com 

Myanmar vs Malaysia

Myanmar moe Malaysia bolung msuihnaak oeh thlang boeih eng ikoe mueihna num Myanmar eng a noeng lah voei tinoeh teok usoe a boetnaak tung doe pha soe u eng om apchan kon kon soe thlang boeih ak kokhui oehkoe eng mat a hleng hleng eng chan nga nga voei tinoeh kawpoek ta hue u. 

A boetnaak tungna toe Mva eng ani sohnaak tang tang Chin pa David Thang eng mat haihchan xoer vik soe Mva awi a thona toe Shwe goal ani ti eng ce Myanmar eng Malaysia ce noeng hue. David Thang amma awm mantoe Mva toe dah bai hloe hla hue. Tuh toe Myanmar eng noeng hue ti unoeh oek rhu puei lor hla hue u.

Muemhla Hluek Mtukung

Khawsa ammani simnaak rham Yakhain, Maeletmuang kho oeh Khawsa eng Pastor Lian Cing Thang ce hona noeh tuhngoi  thlang khyuk (6) eng Baptisma hu hue tinoeh awithang yakna awm hue.

Ave mueihna Yakhain thlang ak kawpoek lung a thing a mueihna ak rhii eng Khawsa a sim tha ve Khawsa Amoeh a bi binak ak cam eng ni. Amoeh a boimangnak moe ang mingthangnakna awm seh.

Calvin Church, Matupi, Dairam Synod

Tuhtloek ve Dairam Synod khui oehkoe Calvin Church, Matupi mlueh oehkoe ce baekim sak huilina awm hue. Baekim ve Batu Mlueh anglung phek oeh ca channak im(Post office) ak choei oeh  awmnoeh ang thonna pupphli law hlue hue.

Tuhloek Calvin Church oehkoe a xamcaakhi Kalaymyo tungna awm huili hue u. Tuhngoi ngoichet oeh Canan khi oehkoe eng Khampat kho tungna cet hue u. A coeh ak cetkhi toe:

Rev. Hlo Poe (Calvin Church Pastor)

Upa Om Ngai (Calvin Church Upa)

Saya Ham Toe

Saya Rhing Long

Pa Laldingliana tloek ve pueipo a venna kutdonaak taak a hamna cet hue u.

Ikoe Awm Ti Yap U, Veni Ka Ngah Hue

Hoena kho ni pha soeyom Mvakhi eng Vawksa anik toeih ni ka ngah soeih hue. Vawksa ve thlangkhi engtoe am-aa usoe kai a hamna toe aisa nak oeh ka ngah soiehna awm hue. Vawksa a nii oeh awm a thaa ni ka ngah hue. Vawksa a sakchen ka aanaak a han oehtoe Aisa, Soeisa ce ngah bet hue nueng. A thaa ka aa deng oeh ni Vawksa kak aa ni ka ti hue.

Thlang vang engtoe a sakchen aa unoeh vawksa kak aa ti hue u. Kai a hamna toe a sakchen cu vawksa a mueihna awm ampoek rhoe hue nueng. A thaa ka aa deng oeh ni kang ngah khuep a ti hue.

Ikoe Awm Ti Yap U, Veni Ka Ngah Hue

Hoena kho ni pha soeyom Mvakhi eng Vawksa anik toeih ni ka ngah soeih hue. Vawksa ve thlangkhi engtoe am-aa usoe kai a hamna toe aisa nak oeh ka ngah soiehna awm hue. Vawksa a nii oeh awm a thaa ni ka ngah hue. Vawksa a sakchen ka aanaak a han oehtoe Aisa, Soeisa ce ngah bet hue nueng. A thaa ka aa deng oeh ni Vawksa kak aa ni ka ti hue.

Thlang vang engtoe a sakchen aa unoeh vawksa kak aa ti hue u. Kai a hamna toe a sakchen cu vawksa a mueihna awm ampoek rhoe hue nueng. A thaa ka aa deng oeh ni kang ngah khuep a ti hue.

November 23 Oeh KIA,AA,MNDAA moe TNLA Tloek Ak Awi Qoen

November 20 oeh Shan rham a xing tungna KIA, AA, MNDAA moe TNLA tloek eng Myanmar rhankap ani awmnaak ce ani kah a dawngoeh thlang ak thi moe ak laembai khawyah awm hue. Ace ce ikoe mueihna awm soe ani kah num ti ce tuh oeh animoehkhi eng ani kahnaak a konglam ce ang coeina qoen hue u. Ref: Kachin News

KIA/KIO Xuikung Ein Ban Lah Ak Awiqoen

KIA xuikung Ein Ban Lah eng Myanmar rham oeh amoeh moeh oeh kah rhunaak a awm a dawngoeh ace mueihna kah rhu hluena a awm oehtoe kai awm amqih rhoe hue nueng tinoeh Mva rhanlapkhi ani yueihnaakkhi aw.Ref:Kachin News

Na Kueinaak Oeh Bomkung

India rham Delhi Mluehnu oeh nimoeh Dai thlang kho ak saa moe ak cet con eng kueinaak mat mat nani huhna a tlak oehtoe ve Paliknu (Police) khi eng anik  bom hamna a oepchoehna awm hue u. Ve mueihlip oeh ve Mizo Nula pakthum awmnoeh nimoeh tung thlang kueikanaak ak huukhi boeih ni bomkhi vang ti hue u. Cenamoe tangka toe amni noeh na kueinaak oeh do a saer na huh oehkoe bomnaak a hamna ni.

Kueinaak na huhna a tlak oehtoe ka venna messenger oehkoe eng ni veok tha huek te.

Mdekkhan Nuetna Ak Awm Chungvarhoi

Brazil rhamna mdekkhan oeh ak toi soeih rhoi tinoeh poekna ak awmrhoi  Paulo Gabriel da Silva moe Katyucia Lie Hoshino ce kum khawrhuet oeh lung rhuna nih noeh ikoe eng awm a ning lung rhunaak ce amning qeng rhoi tha hue ti ce ani sim lo oehtoe, a kuei a yoei oeh awm xingkhui oeh khawsak a hamna chungva huenih. Vek rhoi ve ani dueng toe 71.42 inches sang huenih tinoeh "Guiness Book of World Record" oeh ce dangsakna awm hue. 

 Vek rhoi eng anik chungvanaak eng ve lungnaak ve a pum xoi, a pum yoi moe a dueng sang, a dueng toi ti ve amom hue ti ce dangsak hue.

Cadawng Paulo moe Nula Katyucia  ve MSN messenger oehkoe eng veok rhu nih noeh a coeh koe eng kum 10 khui oeh pueilaek soeihna ana awm law huenih. 

Mizoram Na Thlang Mrhuk-aa

Cadawng mat imkhuina mrhu vang tinoeh ana hangkai soe imkung eng hunoeh qumlaw tlah hlah tina soe kak kai hoh cu tinoeh mat lam tungna con kong tinoeh hangkai bak bak soe, ak conaak hlue chomkaeng ce ana khaih peek khoep usoe ak con hlue um-aak noeh imkhuina awm hue.

Ak pung tungna ak awmkhi eng haa rhah usoe "ni veuk law mat kong" tinoeh ni yueikhi hue.

Ang Thawng Rhu Hlue Mom Momrhoi

Tuhngoi muelam oeh November 20, 2016 05:16 GMT oeh WWE Brock Lesnar moe Bill Goldberg thawng rhu hlue mom mom huenih. A ningnih ve ni hulam 2004 oeh WrestleMania 20 oeh a nang thawng rhu nih noeh, tuh a ning thawng rhu hlue mom mom ve thih thih xing xing, thih oeh thih, xing oeh xing ti nih noeh ang thawng rhu hlue rhoina awm hue.

Tuh a ning thawng rhunaak hlue mom mom ve a huen toe Air Canada Centre Toronto Ontario oeh ni. Ak teok ak ngah a hamna Myanmar rham khawnoek ve Canada 5:16 pm oeh Myanmar khawnoek khawngoi ngoilam 7:30 am na awm hlue hue. Thawng rhu teoknaak hlue>>>http://www.ibtimes.co.uk/wwe-survivor-series-2016-live-stream-goldberg-returns-after-12-years-fight-brock-lesnar-rematch-1592470

Taluk A Awmh-ih Hoeih Hoeih Toe

Ni hulam oeh India tangka ₹1000 moe ₹500 thi hue ti unoeh thlang boeih eng bankna tangka lo rhip rhip usoe, ace mueihna tangka 1000 moe 500 thi soe ak thai ani poh yani animoeh India thlangkhi eng ak cer ak marna yawm hu khueng hlan usoe, ani tangka ak thai Rs. 1000 moe Rs. 500 ang mueihlip ce lonoeh Taluk eng tangka channaak a bawm ce pohnoeh India rham tungna Moreh moe Champhai thaemyawihnaakna nu taang boehloek hue. 

Ace ce ani poek oeh India engtoe ikoe mueih tlukna num Taluk eng thaem a suitha hue ti ve anik kawpoekna kuei hue. Animoehkhi India thlang pateng ikoe poh hlue awm simhlan usoe ace mueih tlukna thaem a poh ve Aw Taluk!

Taluk A Awmh-ih Hoeih Hoeih Toe

Ni hulam oeh India tangka ₹1000 moe ₹500 thi hue ti unoeh thlang boeih eng bankna tangka lo rhip rhip usoe, ace mueihna tangka 1000 moe 500 thi soe ak thai ani poh yani animoeh India thlangkhi eng ak cer ak marna yawm hu khueng hlan usoe, ani tangka ak thai Rs. 1000 moe Rs. 500 ang mueihlip ce lonoeh Taluk eng tangka channaak a bawm ce pohnoeh India rham tungna Moreh moe Champhai thaemyawihnaakna nu taang boehloek hue. 

Ace ce ani poek oeh India engtoe ikoe mueih tlukna num Taluk eng thaem a suitha hue ti ve anik kawpoekna kuei hue. Animoehkhi India thlang pateng ikoe poh hlue awm simhlan usoe ace mueih tlukna thaem a poh ve Aw Taluk!

Nasen Ak Awmthai Ang Xoi Soeih

Edward Memorial Hospital oeh Naa ak awmthai ve khawmdek khan oeh Naa ak awmthai anglak oeh ang xoi soeihna ce Siboikhi moe Nursekhi eng qoen hue u. 

Naacaa ve a awm cuek oeh pound 40 na rhihnoeh Kg 18 lawnoeh, Nasen a Nu ve pound 400 na rhih hue. Australia Khawtlak lamtungna awithang ak yawkkhi engtoe ve Nasen ve mdekkhan oeh ang xoi soeih ni ti hue u. A Nu pum beo unoeh naa ve lohna awm hue.

Ave hlan oeh Nasen ak awmcuek ang xoi soeih anina ti u toe pound 38 (17.2 kg) na ak rhih ce kum 1839 oeh South Africa na ana thang law hue.

Franklin Graham A Konglam(Franklin Graham Biography)

Khawsa awithang qoen mingthang Billy Graham a Capa Franklin Graham ve ikoe mueih hahpa num ti ce a konglam ak sim ak ngah a hamna a bet voeh ve teok thana awm hue. 

A Thangnaak (Born): July 14, 1952 in Asheville, N.C.

A Nupa (Parents): William Franklin “Billy” Graham Jr. and the late Ruth Bell Graham

A Yu (Married): Jane Austin Cunningham Graham, 1974

A Caakhi (Children): William Franklin “Will” Graham IV, 1975; Roy Austin Graham, 1977; Edward Bell Graham, 1979; Jane Austin “Cissie” Graham Lynch, 1986

Grandchildren: Ten

Ak Ca Congnaak (Education): Montreat College, (A.S.), 1974; Appalachian State University, (B.A.), 1978

Ordained: Grace Community Church, Tempe, Ariz., 1982

A Bi Binaak (Ministries):
Chairman, President, and CEO, Samaritan’s Purse (International Christian Relief Organization)
Chairman, President, and CEO, Billy Graham Evangelistic Association

Ak Ca Yawk (Author):
Operation Christmas Child: A Story of Simple Gifts (B&H Publishing, 2013)
The Sower: Finding Yourself in the Parables of Jesus (Worthy, 2012)
Billy Graham in Quotes (Thomas Nelson, 2011)
A Wing and a Prayer (Tommy Nelson, 2005)
All for Jesus (coauthored with Ross Rhoads, Thomas Nelson, 2003)
Kids Praying for Kids (Thomas Nelson, 2003)
The Name (Thomas Nelson, 2002)
Living Beyond the Limits: A Life in Sync with God (Thomas Nelson, 1998)
Rebel with a Cause: Finally Comfortable Being Graham (Autobiography, Thomas Nelson, 1995)
Miracle in a Shoe Box (Thomas Nelson, 1995)
Bob Pierce: This One Thing I Do (Word, 1983)

Mkueihcahnaak A Huhkhi (Honors):
Honorary Chairman, 2010 National Day of Prayer
William Booth Award, presented by the Salvation Army
1999 “Tar Heel of the Year” by The News & Observer (Raleigh, N.C.)
2002 “Daniel of the Year” by World magazine
2014 “Watchman Award,” Family Research Council

Mkueihcahnaak Doctor a huhkhi (Honorary Doctorates):
Whitworth College
Toccoa Falls College
LeTourneau University
Lees-McRae College
National University
Liberty University, Ref: Samaritan's Purse

Franklin Graham Eng Khawsa Awithang Ak Qoennaak

Franklin Graham eng Myanmar rham a hamna Khawsa awithang kho heupthuum November 18, 19, 20 doe ak khuepuei oeh thlang ang ngaikhi, Mva thlang Khristian ni seh, Bukda ni seh, nimoeh Khristian na ak awm ceekhi a culumna thlangmi 46,000 hlaa eng Myanmar Convention Center(MCC) oeh ce ngai hue u.

Khawsa eng Myanmar rham yoeksang vang tinoeh ak thlang a tueih lona awmna mueih hue. 

Myanmar Convention Center (MCC) Awithang Qoennaak

Dr. Billy Graham a capa Rev. Franklin Graham, Billy Graham Evangelistic Association xuikung eng tuh a hla, November 18, 19, 20 doe Khawsa awithang ak qoen oeh ce ikoe mueihna num thlang eng Khawsa awithanglaek tui a mueihna xainoeh ani pan u ti ve mueihlip ni teok oeh ni hu tha hue.

Myanmar Convention Center (MCC) Awithang Qoennaak

Dr. Billy Graham a capa Rev. Franklin Graham, Billy Graham Evangelistic Association xuikung eng tuh a hla, November 18, 19, 20 doe Khawsa awithang ak qoen oeh ce ikoe mueihna num thlang eng Khawsa awithanglaek tui a mueihna xainoeh ani pan u ti ve mueihlip ni teok oeh ni hu tha hue.

Kawpoekkuei 

Veve teok lor lah ikoe mueihna num na poek hue. Teok tuep tuep nueng soe, u eng ikoe mueihna hoetuek oeh a hangtaak huvoei num aw tinoeh kak kawpoekna kueisak hue nueng.

Imkaeng oeh awm amni, khawqong lakna ikoe mueihna ani hangtaak tang tang huvoei aw?

Jackie Chan Eng Oscar Kutdonaak Hu Hue

Khawmdek khan mingthang  mueidangpa (Actor) Jackie Chan ce Oscar kutdonaak ak peekung Organization eng Oscar kutdonaak pe hue tinoeh awithang yaakna awm hue.

Jackie Chan ve ang poeng hoh kum 23 oeh Hollywood mueidangpa Sylvaester Stallone a im ce a pha oeh ace mueidangpa eng a huhkhi Oscar kutdonaakkhi ce teoksak noeh Jackie Chan eng awm a huhnaak  lor a hamna a ngahnaak puei a kong ce qoen hue. 

Jackie Chan ve 56 khui oeh mueidang(Film) ce 200 tluk oeh ang dang khoen oeh November 12, 2016 oeh ce Oscar kutdonaak ce a takna hu hue. Oscar kutdonaak ak peekhi organization eng ve a xing khui oeh mueidang ak poh thlang mkueihcahnaakna ani paek ce Jackie Chan eng awm a huna awm hue. Ref: http://www.reuters.com/article/us-awards-governors-oscars-idUSKBN13808Z

Myanmar Hamna Rev. Franklin Graham

Evangelist Mingthang soeih Dr. Billy Graham a Capa Rev. Franklin Graham eng Myanmar rham oeh Khawsa awithanglaek buh a an a mueihna xai unoeh awmkhi a hamna Khawsa awithang ce November 18, 19, 20 (heupthum) khui oeh Tuh Wana haangnaak, Yangon  oeh ce qoen hlue hue.

Rev. Franklin Graham ve a pa Billy Graham eng a caakhi khui oeh a uepnaak soeih Khawsa awithang ak qoenna awm hue. Ace a dawngoeh a Pa Billy Graham eng "Billy Graham Evangelist Association (BGEA) oeh ce xuikung a hamna tuek hue. Ace mueihna uep-omna Khawsa awithang ak qoenkungna a awm a mueihna tuhhi kum Amerika president tuehnaak a hamna yom, Amerika rham khui oehkoe pyine 50 oeh ce cetkang noeh Khawsa venna cuekcahnaak ni taak pueikhi soe, ani cuekcahnaak ce ak xing Khawsa eng rhuihrhong soe Donald J. Trump eng tuehnaak oeh Amerika President ce hu hue. Ace mueihna Khawsa thlangkhi eng thoeh usoe Khawsa eng ani cuekcahnaak yanoeh Donald Trump president a paek ce ammak simkhi eng anik kawpoekna kueisak hue u.

Myanmar rham a hamna xaknaak pha seh tinoeh ka cuekcahnaak ni.

Ca Nak Noer Khoei Aw: India Pa Ak Awi Ti Ngailah

Ca noer ve cueihnaak a kung ni ana ti hue u. Cauk mat ve ikoe mueihna amdo soeyom na honaak tha oehtoe na hamna cueihnaak anik pee matna awm hue ani ti ve thuemna mueih hue ti hue nueng. 

India pa mat engtoe Ca a noer hamna ngaih chim a lik noeh Cauk-im (Library) na ngoinoeh a teok hlue awm ak cuen ampe tha, amoeh eng cauk ak hlah hlue num tangka amta, cenamoe ca a noer hamna toe ngah hue. Kut-oet oehtoe mingthang soeih Sengimsang (University) mat Andra University (Andra Sengimsang) na ce ca ak teokna cet hue. Cauk a ngah soeih mat hunoeh, vat vang a ti ce cauk-im ak rhehkhi eng ampe hue u. Ace ang heup oeh ce a imna voei tlah hue. Cenamoe ang ngah amrhep hue.

A yar voen oehtoe ace cauk ak noer a hamna Cauk-imna cet ba hue. Ace cauk ce ak cuek oeh a noernaak anglak oeh ak laek soeih a mueihna ngairhu hue. A vah hlue awm amvah u, a coeh a teok oeh num amnoer boeih noeh a boetnaak oehtoe ace Cauk ce am mrhukna mrhu hue. Ace am mrhuk ce a imna cehnoeh ace muelam moe mthan oehtoe noer lor hue. Cenamoe a khongoi kho a daa lo oehtoe bi bi daa lawnoeh, a aok a aa hlue a suui ngah law soe Cauk ce rheng law kom tinoeh ak keenaak aih uet oeh Ceongkhuina khoem hue.

Acoeh koe engtoe a bi bi awm noet noet bak bak noeh Ca a noernaak hlue ak cuen ampe tha voen hue. Ace mueihna amma hoeng a dawngoeh Sengimsang (University) na koe Cauk am mrhuk ce kut-oet awm a teok kaana  kum 45 khui oeh ak ceongkhuina khoem hue. A huna toe poek lawnoeh Sengimsang na koe Cauk ka loh ve kut-oet awm noer hlan nueng kum 45 law vik hue, ave anglak oeh thlangkhi eng Ca ani noer mantoe ikoe mueih tlukna phu a taak hlue tinoeh ace ang heup oeh ce Andra Sengimsang (University) na ce thak tlah hue.

A coeh ce Sengimsang oeh Cauk ak rhehkhi eng awi ana doer unoeh, "ve ak cauk ve khawrhuet oeh thlang a hoei eng anak thoem law hue u, acena nang eng na imna na khoem a dawngoeh thlangkhi ani ngah soeih ca amnoer tha voen hue u, kum 45 khui oeh irhuet num na noer boeih" tinoeh doer hue u. Kut-oet awm amnoer hue nueng. Cauk noernaak hlue ak cuen rhoe rhoe amta nueng soe ni ti hue.

Ningnih Dai thlang toe ikoe mueihna ya? Cauk ve iyah na noer hoh? Ikoe mueih ak cauk na noer? Amna hoeng a dawngoeh cueihnaak a kung cauk a noer kana na awm laek aw?

India rhamna ka sengim kainaak oehkoe Cauk-im ni. 

 Ca Noer Koehni Ngak Ve U

 Ca uk ve Pueilaek soeih ni

 Ca noernaak ve Cueihnaak ni

Rhamkho Ak Vookhi Toe Caang Ar Boeih Hoh Usoe Xingkho Ak Vookhi Toe Ar Hlan Hue U

Omdam hamna awm om hue. Ave mueih ni huh oeh hoenna khawrham ni pha soeyom ning ngai bak bak hue. Rhamkho tung ak vookkhi toe caang ar law boeih hoh usoe xingkho/ tlang tungna ak vookhi toe caang ar hlan hue u. Tuhni caangpaa aahna khoek lawvang a ti hue. Buhlae toe tuhni a pum lo hue. 

Ace mueihna a awm tloek oehtoe lomana ni awm soe e rheng ang rhing oe, a hoei ang rhing ning yaak oeh ning haana a beena bee ngawng ngawng hoeih hue. 

Caang Ar Coeng Usoe Nasenkhi Oe

Ni kho ni rhamna ni awm nik ih khoeina awmnoeh laeknum omdam cu boe hue. Caang aah hlang oehtoe voepuem toi-an eng, ni aok ni aa amsava noeh, caang ar law unoeh avang toe ar boeih hlan soe avang caang leh noe noe soe, avang ar bak bak soe, caang ak dookhi toe lehloeina koeh poh unoeh a singna sing usoe thlang ak kuunu eng caang ani ar lo boeih oeh ce matna leh pe hue u. 

Ace mueihna caang ar coeng unoeh ani leh oeh Nasenkhi eng Caangjingkhanna a ning haang hlue ani nang ngaih-u rhoe rhoe mah a naomnaak soeih matna awm hue. Aw Nasenkhi!

Donald Trump Eng Ikoe Mueihna Num Mee A Noeng

Donald Trump (Republican or Evangelical Conservative Khristian) moe Hillary Clinton (Democratic or Liberal Khristian) president mee cuhnaak oeh ikoe mueihna num Donald Trump eng a noeng hue ti ce ni teok lah ve u. Donald Trump eng ana ti hoeih hoeih toe Republican Party thlang ammak niikhi, kai eng Republican Party na ni xui lawkkhi kang nueng soe Republican Party ak thaa awmsak hue nueng ana ti ce tuh President tuehnaak oeh a takna ni hutha hue. 

Republican Party khui oehkoe a xamcaakhi thlangvang eng Donald Trump ce amngah unoeh cehta moe usoenum Party ak thaa awmsak noeh noengnaak hu toeng toeng hue. Ace mueihna noengnaak a huh hlue ce thlang boeih eng tloeih/ oer unoeh a hoeina a ning rhingkonaakna awm hue. 

Ak kaa oehkoe mueihlip ni huh a mueihna Republican ce ak thiim huen moe Democratic ce ak hip huen ni. A thiimnaak boeih ce Republican party eng a noengnaak huenna awmnoeh a hipnaak huen boeih ce Democratic eng a noengnaak huenna awm hue. Ace ce ni teok oeh Democratic / Liberal/ Hillary Clinton eng a noengnaak a hamna toe kho amsava hue. 

Ace mueihna Donald Trump/ Republican party eng ak kunu oeh ani noeng a dawngoeh Vice President ak bi hlue Mike Pence engtoe "Johnson Law" Johnson eng uknaak a hamna ana poh ce xer a hamna moe ak laekna Evangelical Conservative Khristiankhi eng Khawsa awitak a ning dueihpuei a mueihna pohna awm hlue hue ti hue. 

Ak poh hlue tha tang huivoei aw? Ace mueihna Amerika Court moe uknaak lam oeh Evangelical Conservative Khristiankhi a ngahnaak a mueihna ikoe mueihna a poh hlue num? Democratic Party thlang ammak sava upper Hlutdaw moe lower Hlutdaw oeh amsava soe cu. Ace mueihna ani pohnaak tha a hamna toe tuh oeh mueihlip ni huh a mueihna Upper moe lower Hlutdaw oeh ve Republican eng ak kuuna noengnaak ta hue u. Democratic or Liberal ce ammang tat hlue tha kawih a mueih tlukna noengnaak ani huh a dawngoeh Governor Mike Pence(Vice President) eng awi ak qoenna awm hue. 

Donald Trump moe Mike Pence awm amthawlh ampat ti kom amni ti thanoeh ammak soep thlangxingna ani awm lor a mueihna ani thawlhnaak, ani poh mxer khawyah awmlaw hlue hue cenamoe ningnih Khristiankhi a hamna toe Khristian thlangkhi dueihpuei nihnoeh ace mueihna noengnak ani huh ve uempuei hamna ak awm soeih matna awm hue.

Amerika Vice President Mike Pence Eng Israel A Kong Ak Qoen

Donald Trump eng Vice President a hamna ak tueh eng Baekim khuina awi ak qoen toe, "Kaa ve Khristian ni, Conservative(Khawsa awi ce ak awi a mueihna ang dueihpuei) ni. Kaa ve Republican party oehkoe ni, Khawsa ak cangna thlangna awm nueng. 

Amerika uknaak a hamna ve Khawsa venna cuekcah nueng, Khawsa eng lam ni xui nga kom ti ce uepna nueng. Ace mueihna ce Khawsa venna ka cuekcahnaak ni.

Thlangkhi eng ana sohna unoeh UN doena Israel ang dueihpuei amom soe Jerusalem pateng a koe amni ana ti pe hue u. Khawsa eng Donald Trump moe Mike Pence ve Israel ak hun a hamna anik tueh rhoi a mueihna awm hue. 

Israel ve lungna nueng, Donald Trump moe kaa ve Israel dueihpuei hlue nih nueng. Israel a rhan ce ka rhan ni, Israel a huh ce ka huh ni, Israel ce ka puei ni, Ak cangnaak ce kak cangnaak ni, a puei ce ka puei ni, Israel a nat ce ka netnaak ni, Jerusalem ce angrhuina Judah thlangkhi a huen ni, huencim ni, ikoe tinoeh thlangkhi eng Israel ammang dueihpueikhi num, Israel eng yawkdonaak a huh a dawngoeh thlangkhi eng ani sohnaak ni,... " tinoeh qoen hue. 

Ave mueihna awi ak qoen ang yaak oeh Russia ukkung Putin eng "Israel ce ka puei ni" tinoeh Amerika ce ka bi bi puei hlue ni ti hue. 

Ace ceni Abraham avenna Khawsa eng, "Nang yawkdonaak anik pee toe yawkdonaak pee kong nueng soetoe, nang anik rhunta toe rhunta kong nueng, Genesis 12:31" ana ti hue.

Benjamin Netanyahu Ak Thaa Awmsak Hoh Hue

Barack Obama moe Hillary Clinton eng ani uk hui oeh Israel rham a hamna qih ak cuu soeih a huen ce pha law hue. Obama eng Jerusalem pateng Israel moe ikoe awm amturhu hue tinoeh UN oeh ce awi anak khyoep hue u. Israel Prime Minister Benjamin Netanyahu amoeh doeng ang dueihpuei amom soe ana khuikha hue. 

Cenamoe tuh oehtoe Donald Trump eng Amerika mee tuehnaak oeh President huen a huh lo oehtoe Netanyahu awm omhluenaak awi qoennoeh, " Amerika ce ka puei ni, Donald Trump moe matna bi kanik bi hlue ni, ni uem soeih soeih hue nueng, Khawsa eng yawkdonaak ni pe seh" tinoeh omhlue awi qoen hue. 

Ace mueihna Donald Trump eng Amerika President a huh ce Russia ukkung Pu Tin eng awm donaakna awi qoennaak tanoeh "Amerika ce ka puei ni, bi matna kanik bi hlue ni, Israel awm ka puei ni, Donald Trump ni uempuei soeih soeih hue nueng" tinoeh omhluenaak awi qoen hue. 

Tuh toe Israel Prime Minister Netanyahu awm ang ngahrhepsak hoh hue, ak ko uep uep tisak hoh hue. 

India Tangka 1,000 moe 500 Thi Hue

India tangka Rs. 1,000 moe Rs. 500 ce Yanoeh mthan, November 11, 2016 oeh thi hlue soe Bank oeh ak taakhi boeih a hamna tuh a hla 10 oehkoe eng December 30 doena loh thana awm hue. 

Ave ve Prime Minister Narendra Modi eng New Delhi nakoe eng thlang boeih ang yaakna qoen hue. Ace mueihna Rs. 1,000 moe Rs. 500 a thihnaak ve Rs.1,000 moe Rs. 500 ak changna ak thai seh tlah hamna a ning caanak ak cam oehkoe eng ni. 

Ikoe mueihna omsoe ak thai ani poh hlue num ti ce Prime Minister engtoe rham khui oeh tangkache(tangka a tuh) ce Rs.1,25 Millions ani huh a dawngoeh ni ti hue. Ace ce World Bank oeh om qoenna awm hohnoeh, black money moe thlangchekhi bi binaak  ce nik rhoeinaak a hamna ni tinoeh Prime Minister eng qoen hue.

                                               Rs. 1,000

                                                             Rs. 500