President Htin Kyaw India Rhamna Cet Hue

Tuhngoi oeh President Htin Kyaw ce India President Mukherjee eng ak cah a mueihna India rhamna cet hue. India rhamna ce kho huepphli nu awm kom soe toe India moe Myanmar rham ang lak oehkoe hatlaknak awikhi ce mingthut a ham khawyah ak awmkhi ce mcoeng a hamna ni. 

Mynamar rham poeknak peekung Nukdoem Suu Kyi awm India rhamna BIMSTEC xumcunnak oeh ce pongcaa hui hue tinoeh awithang yakna awm hue. 

President Htin Kyaw ce a Yu awm cet kom soe toe Myanmar rham oeh Vuanci a xamkhi thlang vang awm cet hlue hue.

Gautama or Buddha A Khawleh

Gautama or Buddha A Khawleh ani ti u, Bukdah baeknak anak mdueih lookung ve BCE 6th-4th(BC 650)  huma Jesuh Khrih mdekkhan oeh a thang lo hlan oeh ana thang law hue. Anih ang ming ce Buddha, ( Sanskrit: “awakened one”) clan name (Sanskrit) Gautama or (Pali) Gotama, ang ming tung (Sanskrit) Siddhartha or (Pali) Siddhatta ani ti ce Lumbini, Kapilavastu a kaengoeh, Shakya uknak, Kosala rham ( tuh oeh Nepal rham ani ti ce) oeh ce thangnoeh Kusinara, Malla rham, Magadha uknak (tuh oeh India rham Kasia) ani ti oeh ce thi hue. 

 A Nupa eng ang mingna Siddhartha suui huenih. Anih ce xoi lawnoeh "kueinak khui oehkoe eng lornak" a hamna kho ana poek law hue. Anih eng ce a hoei hoei congpueinak ana poh law hue. Anih a congpueinak ang xurkhi boeih ce tuh oeh Bukdah tinoeh nik khue hue. 

Ace mueihna congpueinak pohnoeh a cehnakna lungkhan oeh ang leh rhunak ani ti u ve ak kai oehkoe mueihlip ni huh ve tuh oeh Bukdah thlang a hoei hoeih eng a kholeh ni ani ti ce baek u noeh, a awmnakna ak baek a hamna ak cet amsava hue. Veve Gautama a khawleh ani ti u ni. 

Tuhngoi Myanmar Awithang

Tuhngoi oeh Awithang ak cerna anik qoelnak oehtoe yanoeh Pakan (Pagan) oeh Sipi ang thuen eng Saeti (Pagoda) am msaer a konglam ve ang coeina qoel hue. Myanmar rham khui oeh Saeti a daanak soeih toe Pakan moe Sagaing kho oeh ni.

Yanoeh Sipi ang thuen eng Pakan kho oeh Saeti 180 hlaa moe ak chang a khokhina khawyah saenoeh, a culumna Saeti 200 hlaa sae hue ti hue u.

Yakhai Rham A Konglam Qoel A Hamna Kofi Annan

Myanmar khui oeh thlangphun lam tung kueikanak a daanak mat toe Yakhai rhamna awm hue. Yakhai thlangkhi eng ani ngah ce UN moe Amerika eng amngah puei noeh, UN moe Amerika eng a ngah ce Mva moe Yakhai thlangkhi eng amngah hue u. Ace mueihna awmnoeh Yakhai thlang moe Kala (Bangali) thlangkhi ang lak oeh hoetuek soeyom ang rhoep rhoina amkawih hue. 

Cenamoe tuh-oeh Nukdoem Suu Kyi eng Yakhai rham a konglam ak laekna khopoek a hamna Poekpueikungkhi thlang tuek hlue hue. Ace thlang ak tueh oeh ce voeivang (Amerika or UN or Khawmdek pum) eng ani uepnak soeih thlang ce tuek hue. Anih ce UN General Secretary anak bii lo moe 2001 oeh Rhoepnak Nobel kutdonak anak hu lo, UN moe khawmdek khan rham eng ani tangyah moe ani uepnak ak thlang Kofi Annan ce Yakhai rham a konglam poek puei a hamna ta hue. Kofi Annan eng ak awi ti ve UN moe Amerika eng awm anik tangyahnak a hamna moe Khawmdek khan eng ani sim pueinak a hamna Nukdoem Suu Kyi eng ak tuehna awm hue. 

Ace mueihna Yakhai rham a konglam qoel hlue oeh ve poeknak peekungkhi thlangmi 9 tuehna awm hue. 

President:  UN General Secretary rhoepnak Nobel huukung Kofi Annan 

Acekkhi toe:Myanmar thlang 6, rhamchang thlang 3 tuehna awm hue u.

a). U Win Myint

b). Dr. Tha Hla Shwe

c). Mr. Gasan Lasam 

d). Mis. Lat Titi Vanda Asam 

e). U Aye Lwin

f). Dr. Myiat Hti Da

g). U Khin Maung Lay

h). Daw Saw Khin Thit

Avekkhi eng anik qoel moe ani khawpoek rhampainak boeih ve Myanmar rham poeknak peekung Nukdoem Suu Kyi avenna phasak usoe amoeh eng thlang boeih ang yakna qoelna awm hlue hue. Ace mueihna a bong anim mdueih coeng oeh kut-oet khui oeh Yakhai rham a konglam ang coeina teng a hamna caanak ta hue u.Ref: MSCO

Myanmar President

Tuhhi kum Myanmar President ak bi U Htin Kyaw toe ikoe mueihna num ni ti hlue lang huvoei amsim hue nueng. Poh hlue tueng noeh num ni ti hlue, koeh poh voei num ni ti hlue, poh voei num ni ti hlue huvoei soe, tui eng ani liikhi oeh caang eng bomnak ani paek oeh ce amoeh rhoe eng kawt noeh ani imna ni thakkhi hue. 

Myanmar rham khui oehtoe President mat eng ave mueihna a poh ve ak cueknak va ni huvoei soe tinoeh poek hue nueng. 

North Korea Khyin-im (Zoo)

North Korea rham North Korea's national zoo oeh ce chomkaeng va lutnak hlue oeh ak tlung soeih Kaei aangsak unoeh hatai law usoe thlang vang eng toe ani lut lo tom oeh ani cuikhi voeina ngai unoeh qih hue u. 

North Korea Khyin-im (zoo) oeh ak tungna anim xim u toe Ui (Dog Pavilion,  Schnauzers, German Shepherds, Shih tzus moea Saint Bernards) ani ti Uikhi khawyah mxim hue u. 

A pak-hihnak oehtoe  Dinosaurs (Dainosor) ani ti ce ak tungna ta hue u. Am thumnak oehtoe Kala-uk(Donkeys) ani ti u ce ak tungna mxim hue u. 

Myanmar Cipi Thuen Awithang

Tuhngoi muelam oeh Myanmar khui oeh Saeti (Pagoda) a daanak soeih Pakan (Pagan) Mlueh oehkoe eng meng 20 tluk a hlaanak oeh Cipi thuen noeh Pakan kho oehkoe Saeti 65 msaer hue tinoeh awithang yakna awm hue. Mandalay, Magway, Pakukku, Sagaing, moe Yakhan rham tungna awm Saeti ak tlu awm hue ti hue u. 

Tuhhi kum rhoe oeh Myanmar rham khui oeh Cipi ang thuennak ak cam eng Bukda Saeti ve khawyah sae hue tinoeh awithang yakna awm hue.

Rham Awithang

August 31, 2016 oeh cut unoeh ani poh hlue Panglong Conference oeh ce UN Secretary General Ban Ki Moon awm thuum hlue hue. Anih ve awi qoelnak awm a tak hlue a dawngoeh Khawmdek pum (International) eng mik-hai a teok kawihna awm hlue hue.

Tlang thlangkhi ang cunboemnak UNFC xuikung U Khoo Oo Re eng awm Panglong conference oeh thuum hlue tha hue u nueng tinoeh awi qoel hue. NCA (Peace) mingthutnak ammak taakhi boeih (AA,TNLA moe MNDAA boeih awm ace conference oeh thuum hlue tha hue u. 

Ace Conference ce thlangtueih (Kosale) 48 eng pohna awm hlue hue. Rhalkap lam tungna koe thlangtueih 16, uknak lam tungna koe 16, moe tlang thlangkhi tungna koe thlangtueih 16 tloek eng qoelna awm hlue hue. 

Olympic Games Rio 2016

Olympic Games Rio 2016 oehkoe a ning hangnak oeh ani huhkhi ka teok oeh Myanmar rham a hamna toe kawsaer awm hlang hue. Ikoe mueihna ni ti tam soeyom ace mueih lonhana cu. 

Ref: https://www.google.co.kr/?ion=1&espv=2#q=olympics%202016&mie=oly%2C%5B%22%2Fm%2F03tnk7%22%2C1%2C%22m%22%2C1%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2Cnull%2C16%5D

Panglong Conference Oeh Tlang Thlangboeih Thuum Hlue Hue

Union Peace Dialogue Joint Committee (UPDJC) meeting Naypyidaw Thingaha Hotel oeh August 14 oeh ani poh awitloeknak ani poh a mueihna, 21st Century Panglong Conference oeh ce tlang thlangkhi, rhoepnak NCA ming ak thut hoh moe ak thut hlan ani culumna thuum hlue tha hue ti hue u. 

Ace meeting oeh ak tungna anik qoel u toe Panglong Conference August 31 oeh poh hlue ce ak oetkung a awm kana hatlaknak ta hue u. 21st Century Panglong Conference ak cueknak ce Naypyidaw MICC2 oeh heup hma khui pohna awm hlue hue. Conference hmawngnak a hamna UPDJC chairman Aung San Suu Kyi, Rhalkap boi Min Aung Hliang,Hluttaw Chairman mat, moe tlang thlangkhi boeih ang yuengna thlang mat eng awi qoelnak ta hlue hue. Panglong Congference ce hla khyuk (6) oeh kut-oet pohna awm hlue hoeih hoeih hue. 

Myanmar rhalkap eng Maa amma ni hlah oehtoe Panglong Conference oeh amthuum tha ti kom u anina ti, TNLA၊ AA၊ MNDAA  awm rhalkap eng khawpoeknak ta law soe thuum hlue tha hue u tinoeh ANP chairman Dr. Aye Maung eng qoel hue. 

USDP a coyah eng a uk hui oeh Pakdoem Thein Sein engtoe ikoe mueih konna yawm ace NCA ming ammak thutkhi boeih ce amnina ngahkhi hue. Cenamoe tuh oeh Nukdoem Suu Kyi a xuisoi a uk oehtoe rhalkap ak kawpoek thuum hlue tangnoeh huvoei num!

Ace 21st Century Panglong Conference, August 31 oeh anik qoel hluekhi toe: Rham uknak kong, Rham hulnak kong, Thaemsuinak kong, thlangphun mat moe mat voemtoei rhunak kong, khorham awmnak huen a kong moe thaem phu kuei ( Suui, Lungxing,...) a kong pumhma (5) ce tengnak ta hlue hue u. 

Ref: The Irrawaddy 

Myanmar Rham Oeh Qih Ak Cu Soeih

Myanmar rham khui oeh qih ham soeihna ak awm toe thlang Nasen ce ang plamnak huena mtu unoeh ani yoih ve amsava hoh hue. Ace mueihna ani yoihnak ve India rham khawrhi, Taluk rham khawrhi, Thailand rham khawrhi tungna ce thlang a bawngna awm unoeh Nasen doeng amkhoek soe a xiikhi awm nim mtu hue u. 

Ace mueihna anim mtu thlang Nasen, moe ak thohui, Nula Cadawng ce him unoeh am mlung lo unoeh yoi hue u. Ak tungna Nasen ve ani ngah soeihna awm hue. Am mlung doeng amni noeh, a Coop, am mthinkhi awm lo unoeh yoi hue u. Ak tungna ace mueihna yoihnak ve Taluk rham tungna ang caakhi a bawng awmnoeh Nasen a hamna qih ham soeihna awm hue. 

Anik qoelnak oehtoe thlang am mlung ak kaek mat oeh Myanmar tangka ting 5000 (သိန္း ငါးေထာင္) Anik phu hue ti hue u. Cenamoe ace mueihna thlang vang animoehkhi rhoe eng anim mlung ani yoih tang oehtoe ak yoikung eng ve Myanmar tangka ting 30, ting 50, ting 100 tluk doeng cani ani huh hue u. Ace ak yoi poetoeng engtoe thlang am mlung mat oeh Myanmar tangka ting 5000 (သိန္း ငါးေထာင္)na yoi hue u. 

Tuh ak yoena yawm ace mueihna Nasen him unoeh am mlung ani loh paek ce Yangon, Taketah oeh awm soe ak pohkungkhi ce simna awm hlan hue. 

Ref:  U Naing Win's post.

Haicauk (Facebook) Veok Rhunak

Tuhngoi oeh ka Haicauk (Facebook) mhawng nueng soe a coeh anik veokkhi ce awi nim mhlatkhi keke hue nueng. Cenamoe ana awm khyoep nueng soe thlang 2500 hlaa eng ni veok law usoe ak khyi kana ni awm taakhi hue nueng.

Haicauk ka honak khui oeh ani veoknak ak doem soeih a mueihna poek noeh ikoe mueihna thlang 2500 hlaa ce kam mhlat hlue tha num ka ti oeh ka Haicauk pitnoeh ni ngawih taakhi hue nueng.