U Ak Awi Aw Dai Awina Ni Honak Hlue

Single Tree Grows 40 Kinds Of Fruit

Many Kinds of Fruit Grows Single Tree (100 Kinds of Dialect one Dai)

U ak awi num Dai awina ni honak hlue, U ak awi num Dai awi ani ti u, U ak awi num Dai awina ni poh kom? Vemueih awi doernak ve khawrhuet oeh yanoeh hu hoh hue nueng. Dai thlang eng bae khawyah ni taak a dawngoeh thlangboeih eng Dai pumoet hamna ngahna moe usoenum anik kaangkhina nik awi a haanak ak cam engni, amni pumoet tha hue. Ace a dawngoeh " U ak awi num Dai awina ni honak hlue?"

Dai awi ve ang mueih khawyah a awm amueihna, ammang mueih khawyah awm hue. Ang mueih toe ikoe amxe kom soetoe, ammang mueih eng ve ni Dai thlang pumoetnak anik xesakkhina awm hue.Nuettahnak oeh,“Kha, Khai, Khei, Sei, Soei, Hringnak, Xingnak, Xuengnak, khyuengnak, aa,ae,ai,ei" vemueihkhi ve ak lohana awm hue.

Dai awi ve hmueihtehnak oeh" Buh aa, Buh ae,Buh ai, Buh ei- 'aa, ae, ai, ei" ti mueihna ce ak lohana awm hue. Avoeh ve u ak bae num ni honak hlue, aa num ni honak hlue, ei num ni honak hlue, ae num ni honak hlue, ai num ni honak hlue? Thlang ak doem eng a honak ni tinoeh, ak doem eng ang hatlaknak a mueihna " ei" ve ni honak mantoe" aa , ai, ae" ak tikhi a bae vetoe ak thi ni, va rhaeng seh ni tinak ni. Buh "ei" ak ti eng Buh " aa, ae, ai" ak tikhi bae ve husit noeh amoeh ak awi doengca " ei" tive a lungnak mantoe imueih aw? Khobin rham thaai hoh hue!

Acoeh toe vemueihna ak loha ammak sava Dai bae ve ikoe mueihna ni poh hlue? U ak awi aw Dai awi ni ti hlue? Ak doem eng a kut hlaet seo(Vote) noeh a noeng ce Dai awina ni honak hlue huvoei aw? Thlangboeih eng ani bae ce hul boeih hue u, ikoe mueihna ni poh hlue? Imueihna a kutoet hlue tha? Pumoetnak hamna khobin rhamthai hoh hue!

Kamoeh eng ka huhnak oehtoe "aa, ae,ai,ei"khi ve ning yarhusim boeih hue u, ikoe awm a xenak amawm hue.A yawkna yawm ni yawk tha hue, ang yakna yawm ning yarhusim hue, a kueinak amawm hue. Nik awi awina ni yawk soe do hlue soeih hue tice ka poeknak ni.

Cenamoe nik awilung ni yawknak tha a hamna " calung" imueihnum ni honak hlue ti toe; tuhdoena ni sui u, Rh, Q, Khy, X ve pupphli ni. Vemueih thlangbaok awina " Velar moe Uvular" ani ti u, nik daang eng a cehpuei Dai awi, Thlangbaok calung eng amni yawktha doeng ve ni sui mantoe a heun toe a kueinak amawm hue ti hue nueng. Ave ni bae awm loei soe, amni yawktha ve calung ang mueihnak a ham doengna kawpoek ni taak mantoe thuem hlue soeih hue.

Ve Amerika rhamna koe thingkung mat eng ak loha thah 40 na ak thah a kong poek lah! Thingkung mat eng ak thah 40 na ak thah amueihna, Dai thlang toe awi 40 nak oeh ak doemna ak thah cee ce, a kungmatna poh hamna ning caa mantoe ammak nep hlue aw. Ak kaa nakoe mueihlip teoklah u, thingkung mat 40 ak loha 40 na ak thah!

"Single Tree Grows 40 Kinds Of Fruit,but 100 kinds of diversity dialect one Dai"

"Syracuse University Professor Sam 

Van Aken is the proud father of a single tree that grows 40 types of fruit. The artist's rendering of his creation is getting attention worldwide, CBS News correspondent Jeff Glor, and CNET by Sam Van Aken.The Tree of 40 Fruit has been growing for nine years.The tree contains 40 varieties of peaches, apricots, cherries, nectarines and European plums that date back to the 17th and 18th century."

Ca ak noerkhi boeih nanik khan oeh jelnak ta hue nueng. Pa Khawsa eng yawkdonak ni pekkhi seh.

Korea Rhamna E-9 Visa Eng Bi Bi Ham Ak Ngahkhi A Hamna

Korea rhamna E-9 (employment permit system) visa eng bi bi hamna ak ngahkhi a hamna sim ham koeihkhi noer lor lah. Asia rham oeh tangka suinak moe ak laek soeih toe Japan rham moe Korea rham hoh ni. 

Korea rhamna bi bikbi a hamna nang caa oehtoe EPS -TOPIK (employment permit system) a hamna Korea awi ce cong hamna ngah hue. Ace mueihna EPS na cong ve Korea na ceh oeh bi na bi oeh na honak hlue awilungkhi ni ani congpuei hlue hue u. 

Ace mueihna Korea awi congnoeh EPS eng Korea rhamna bi ak bi a hamna toe a kum 18-39 doena ti hue u. Ace Korea ca ak cong boeih ce Yangon, Mayangon oeh camingpoei phi noeh ang aung toe Korea rhamna bi bi hamna thoehnak poh hlue tha hue. 

Korea rhamna E-9 Visa eng bi bi a hamna cueihnak amngah hue. Korea awi a sim doeng ni a ngah hue. Korea awi ve Yangon na ani congnak mat mat oeh congnoeh camingpoei phi a hamna Myanmar rham awithang (news) oeh ani qoel lo oeh ce cetnoeh camingpoei phinak a hamna $ 24 (dollar 24) penoeh phi hlue tha huek te. 

Korea awi camingpoei phi ham ve a tuem ani paekkhi oeh ce phi hamna awm hue. Tangxa ca bata 2 a mueih tlukna kuei huvoei soe. Ace camingpoei ak aung doeng ni $ 1 (dollar 1) eng bi binak ca ce ak thlah hlue tha hue.

Ace camingpoei aungnoeh Korea ak ceh hluekhi ce Si-im na na pumsa teok sak hamna Ks- 23000/- pe noeh  a ning teok rhusak ngah hlue hue.

Camingpoei ang aung cee ak thlang toe kum 2 khui oeh bibi thoeh thana awmnoeh Si-imna ang teok rhusak hlue toe kut-oet doeng hlue ni. 

Korea na bi bi ak hu ak thlang a hamna toe Si-imna teok rhusak banoeh Visa (E-9 Visa) aomnaak lonoeh Korea cehnak hlue Khancet phu Ting 7 oehkoe eng ting 15 ang lak tluk oeh pe hlue hue. Ace Khancet phu a paek ce Korea rhamna a awmkhui oeh ak nepna bi binoeh ang voei lo thlahna a tlak oehtoe a coyah eng ni pee hlue tlah hue. 

Ace mueihna Korea rhamna E-9 visa eng bi ak biikhi ve ani bibiphu (lakkhah) toe hla oet oeh Korea 1000000 won - 2500000 won (Myanmar tangka 1000000- 2400000) hu hue u. 

Myanmar Rham A Hamna UN Bi Ak Bi Hlue Pa Hau Do Suan

Myanmar rham ang yuengna UN  (United Nations) yung oeh bi ak bi a hamna Chin thlang Pa Hau Do Suan ce UN tanamat (Ambassador) ce Amerika rham New York khonu oeh bi hamna Myanmar Presideng U Htin Kyaw eng tuek hue. 

Chin thlang eng UN yung oeh bi a binak ve ak cueknak soeih va ni huvoei soe, Pa Hau Do suan ve Canada rhamna Myanmar tanyung oeh bi ak bi huina awm hue. 

Franklin Graham Eng Amerika President A Hamna Donald Trump A Konglam Qoel Hue

Khawsa awithang qoel mingthang Dr. Billy Graham a capa Franklin Graham eng Amerika rham pyine 50 ce a xip coeng oeh 2016 November hla oeh Amerika President tuehnak oeh cuh a hamna ang caa rhoi Democrat party oeh Hillary Clinton moe Republican party oeh Donald Trump cuh hamna caa hue nih.

Ace mueihna aning caanak ce Democrat party (Hillary Clinton)ve Liberal Khrihca eng dueih puei unoeh, Republican party (Donald Trump) ve Evangelical Khrihca eng dueih puei hue. Ni hulam oeh Franklin Graham moe Evangelical xuikung mingthangkhi thlang 900 moe 1000 anglak oeh cunnak poh unoeh Donald Trump ce awi doernak pohna awm hue. Ace awi doernak oeh ce Billy Graham a capa Franklin Graham engtoe 2017 oeh Amerika President a hamna toe Hillary Clinton naak oeh Donald Trump ve ak tueng soeih ni ti hue.

Thlang vang eng Donald Trump a saernak qoel unoeh anih engtoe a ngaknak ana ngak hue. Franklin Graham engtoe Amerika President a hamna thlang soep, thawlhnak ammakta, thlang cim, ak dueng soeih tueh hamna amning caa noeh thlangche naak oeh ak hawihkhang bet ce tueh hamna awm hue. Ace mueihna nik tueh hlue oeh ve Hillary naak oehtoe Donald Trump ve ak do hlue bik hoh ni ti hue.

Khawsa Amoeh rhoe eng thlang dueng, thlang soep amtuek khoei noeh thlangthawlh ce tuek noeh ak thlangkhi a hamna ana hona hue tinoeh Franklin Graham engtoe Donald Trump tha a paeknak a konglam oeh qoel hue.

Ve Mueih Aomnaak Ve Tuh Oehkoe Thlang Eng Ikoe Mueihna Awm Soe Ani Ngah U Num

Khawmdek khan khawsaknak ve kawpoekna kuei soeih soeih hue, ak khyuem oehtoe aomnaak ve ak kaong, ak laek soeih ce ana suisa moe usoenum tuh oehtoe ak khyuem oeh ak che ti unoeh anik khong hlue phlang, bawngbi (hinaaksang) ak taek qar qarkhi ce ak yoi eng awm yoi soe ak thlaa eng awm thlaa toeng hue.

Ave ka poek oeh ikoe mueih kawpoek num tuh oehkoe cacoen, cadawng nula eng kawpoek ani taak hue u ti ve kho ni poek sak hue.

Dr. Pau Cin Lam Pau: CNF/A Eng Zomi 3,000 Himnoeh Khong Hamna Caa Hue

A facebook ming  oeh “Dr. Paulpau Dr. Paulpau Zomi Zomi” tinoeh ming ak poh Dr. Cin Cin Lam Pau eng "CNF/A eng Zomi thlangphun xuikungkhi moe Zomi kho rham xuikung a cuna tui a lii oeh kueinak ak huu Zomi thlang 3,000 tluk ce him unoeh khong hamna awitloeknak ta hue u" tinoeh Mva/Kawl cana June 20, khawnoek 1:53 pm tluk oeh a Facebook hai oeh tai hue. 

Ak kai oehkoe mueihna yawk hue:

"June 19, 2016 oeh CNF/A eng U Vung Khaing moe U Khen Hmung xuinak eng Tongzang peng, Se-bauh kho kaengsam Zomiland oeh ak awmkhi Thadokhi moe Zomikhi ce meeting nik khuekhi hue. Ace khawnoek 12:00 oeh meeting cut unoeh muelam khawnoek 5:00 oeh boeih hue u" 

“Meeting ak kaikhi:

Thado: U Khen Hmung, U Thang Khanh Kap, U Sem Khua Pau, U Thawng Kam, U Aw Za Han, U Khen Thang, U Vung Khaing.

CNF/A: U Cin Kham, Thawng Khua Lian Pa.

Zomi: U Do Khan Cin, U Val Za Kam, U Naing Do Thang, U Pau Khen Thang, U Pa Pau, U Pau Kam, Daw Cing Sian Zam tloek ni”

“CNF/A eng Zomi xuikungkhi moe khaw rham xuikungkhi cuna tui xoi soe kueinak ak huukhi boeih him hamna moe ani huhang bir hamna moe khong hamna meeti g poh hue u. Thlang boeih ang haa a tlaknak ming thutnak poh hamna meeting oeh teng hue u tinoeh Zomi mat eng qoel hue". 

“Tui ang xoi a dawngoeh kueinak ak huukhi Zomi thlangkhi CNF/A moe Thadokhi eng a bawngna him hamna aning caa a dawngoeh Zomi thlang 3,000 tluk ce luelap eng awm hue u. Ace a dawngoeh Myanmar coyah moe rhalkap eng ang tanna ani rhehnakkhi a hamna" tinoeh Zomi mat eng qoel hue. 
Ref:DrPaulpau DrPaulpau Zomi Zomi 

Ikoe Mueihna Awm Soe Muslimkhi Eng Thlang Ani Him Aw, Noer Lah Muslim Cauk Koran

Muslimkhi eng thlang ani him ve ikoe num ani ngahnak, ani khawsa awi Koran oeh ikoe mueihna num ang yawk, ikoe ti soe thlang ak himkhi num ti ve noer cer lor lah.

Ani baeknak ve Islam mingna noeh, Islam a ti ngahnak toe "paekrhunak (submission)" moe Muslim ti ngahnak toe Islam baeknak oeh ang peerhukhi, ani khawsa Allah oeh ang peerhu" ce Muslim ti hue u. Ani khawsa awi toe "Koran" mingna hue.

Islam baeknak ve Allah eng Mohammad awi ak qoel peenak A.D. 670 huma oehkoe eng tuen law hue. Khrihcakhi engtoe ace A.D. 670-800 huma ce a sitnak ana ti hue u.

Ikoe mueihna awm soe Muslimkhi eng thlang ak him ahkhi huvoei num ti ve ni teok lah ve u. Ani khawsa awi Koran oehkoe a bet ni noer lah ve.

Koran 2:191 "Ammak cangnaakhi toe na huhnak a hoeina him"

Koran 3:21 "Muslimkhi eng cangnak ammak taakhi ce pueina koehta rhoe rhoe u"

Koran 5:33 "Islam ak oet toe a kut khoo msaer pe noeh banlamtung oeh tai"

Koran 8:12 " Mqih am mxin noeh ang heu-awi oeh tluek, Koran ti kana ak chang Baibul ak cangna toe"

Koran 8:60 "Muslimkhi eng ani teok cernoeh am mqih am xin ngah hue ammak cangnakhi"

Koran 8:65 "Ammak cangnaakhi ce ak rhokhi ni, Muslim boeih eng kap u"

Koran 9:5 "Cuen na huhnak a hoeina ammak cangnaakhi ce him"

Koran 111 "A tangna toe, Allah eng ak cangnaakhi a hamna Paradai na ani sumthaem hlue ce anik thlah peekhi ni, ace a dawngoeh him unoeh ani him ni"

Koran 9:123 "Na kaengsam oeh ammak cangnaakhi ce tuk"

Koran 22:19 "Ammak cangnaakhi ce a aomnaak oeh mai eng mdoi noeh, Thicung ak ling eng op noeh, Tuiboih eng, ani vuen moe anik phoen ce nik op peekhi"

Koran 47:4 "Ammak cangnaakhi ce rhoep puei hamna koeng caa, na huhnak a hoeina a ning heu-awi oeh nik tluekkhi"

Ak changkhi khawyah awm huen hue. Ave mueihna ani khawsa awi Koran eng ani congpueikhi a dawngoeh thlang him hamna ani kut ak rhiing hue. Ani ngah tawknak thlang ui ai a mueihna him hamna caa hue u. Anik khuui mat oehtoe ve mueihna anak qoel hue u" Khawmdek khan oeh a xing hui oeh thlang khawyah ak him toe, khanna tamna 80,000 tanoeh, Nucong (thlang eng a ih puei hlan Nula ak cim 72 yuna hlue hue) 72 yuna hlue hue ana ti hue u. Ace a dawngoeh ni Islam baeknak eng Jihat (thlang himnak a hamna congnak Sengim) ce congnak ak laek soeihna ani paek hue u.

Thlangbaok awi (English)

There is no such thing as “Peaceful Islam” or “Peaceful Muslims”, They have not progressed into the modern world.

A Muslim, sometimes spelled Moslem, relates to a person who follows the religion of Islam, a monotheistic and Abrahamic religion based on the Quran. Muslims consider the Quran to be the verbatim word of God as revealed to the Islamic prophet and messenger Muhammad.Islam Book Koran says:

Koran 2:191 "slay the unbelievers wherever you find them"

Koran 3:21 "Muslims must not take the infidels as friends"

Koran 5:33 "Maim and crucify the infidels if they criticize Islam"

Koran 8:12 "Terrorize and behead those who believe in scriptures other than the Koran"

Koran 8:60 " Muslims must muster all weapons to terrorize the infidels"

Koran 8:65 "The unbelievers are stupid, urge all Muslims to fight them"

Koran 9:5 "When the opportunity arises, kill the infidels wherever you find them"Koran 9:111 "Indeed, Allah has purchased from the believers their lives and their properties for that they will have Paradise. They fight in the cause of Allah , so they kill and are killed.”

Koran 9:123 "Make war on the infidels living in your neighborhood"

Koran 22:19 "Punish the unbelievers with garments of fire, hooked iron rods, boiling water, melt their skin and bellies"

Koran 47:4 "Do not hanker for peace with the infidels, behead them when you catch them".

The least [reward] for the people of Heaven is 80,000 servants and 72 wives, over which stands a dome of pearls, aquamarine and ruby."

Amerika Rhamna Muslim Pa Eng Thlang A Him Ve Hillary Clinton, Obama, Liberal Khrihca Hamna Toe Ming Saernak, Donald Trump A Hamna A Donak

Amerika rham Orlando oeh Muslim pa eng ani kahnakkhi ak cam eng thlang 49 thi noeh 53 eng laembai a song ce President Obama ming saernak, Hillary Clinton eng Amerika President a cuhnak oeh a sungnak hlue moe Liberal Khrihcakhi eng awi ani yaoknak hluena awm hue. 

Ikoe ti noeh num ace mueihna a awm hlue ni ti oehtoe, Obama eng Amerika rhamna Muslimkhi khawyah ni lut sakkhi noeh, Amerika rham oeh Maa ve ak ngah boeih eng a binak a hamna uknak poh hue. Ace a dawngoeh Obama ce Orlando kahnak a kong oeh ve mueihna "Staying silent and privately grieving isn’t enough anymore"(Ak bueina awmnoeh na moeh doeng na awmnak kungna nak kawsaer ce amkhoek hue"  tina hue u. Hillary Clinton ve toe Saudi Arabia rhamna tangka $ 25 millions pu noeh "Clinton Foundation" pohna noeh Obama moe matna ang dueihnak ak cam oeh Hillary Clinton eng tuhhi tuehnak oeh ang sungnak/ ang tlaknak hluena awm hue. 

Liberal Khrihcakhi awm Obama dueih peui unoeh, Muslim a lut awm ngah unoeh, ani rhamkhui oeh moyo meyehna ni awmnak a hamna ti unoeh ani poeknak ce ming saernakna ploeh hue. Ikoe mueih tluknak num Liberal khrihca eng bi ani bi u ti ve tuh toe Evangelical Khrihcakhi eng a ui ai mdaepnak mdaep hlue hoh hue u. 

Cenamoe Donald Trump a hamna toe a donak khyoer khyoerna awmnoeh tuhhi kum tuehnak oeh ve noengnak a huhnak hluena awm hue. Thlang a kuunu toe Donald Trump ak awi ti ve ikoe mueih tlukna num a thuem lang hue ti ve tuh oeh Orlanddo, Florida oeh Muslim pa eng thlang a kahnak ak cam eng dangsak hue.

Sai Awithang : Matupi Bank Maneger Aok Hue

Matupi Myanma Bank Maneger ce tuhngoi oeh amoeh moe amoeh rhui oeh aok soe a konglam ce Palikkhi eng ang aohnak huena thoep huili hue u.

Ikoe mueihna awmnoeh ang aok num ti toe tuhdoe sim hlan hue u.

Ref: Lunghang Group June 12 at 3:21pm Breaking News

2015-2016 Cacong Kum Oeh Dai Thlang Tangxa(10) Ang Aungkhi

2015-2016 cacong kum oeh Dai thlang tangxa camingpoei ang aungkhi ve ak yoi bet a mueihna awm hue. Thlangvang ak kosae noeh thlangvang ak ko a jelnak tangxa camingpoei ve tuhhi kum toe Batu oeh pateng 99 doeng eng ni a ning aung hue u. 

Tuhngoi doe ni sim ni Dai thlang tangxa ang aungkhi ve 26 lawnoeh khungthu 1 ak huu thlang 2 moe khungthu 2 ak huu thlang mat awm hue. Uem ham soeih soeihna awm hue. 

Tuhdoe ning yak a mueihna Dai thlang Tangxa ang aungkhi boeih;

Ming                                            Kho                       Kungthu

Nula       Lily Naing                        Thingkong              -

Cadawng San Aung                         Vueilu                     -
Nula        Par Ying                          Vueilu                    -
Nula        Sen Xung                         Vueilu                     -
Nula        Ngun Cho                         Vueilu                     -

Cadawng  Aung Min                        Mahtu                      mat   

Nula        Chani                              Mahtu                      Eco 

Nula        Pam Thang                      Mahtu                      -

Nula        Mueh Cuum                     Mahtu                      -

Cadawng  Uk Ling                            Sihhleh                    -

Nula         Kyi Kyi Win                      Sihhleh                     -

Cadawng   Zoram Thang                   Pantui                      -

Cadawng   Joshep                            Pantui                      -

Cadawng   Aung Lin Htun                  Omsoi                      -

Nula         Mery Lin                           Omsoi                      Geography

Nula         Ni Ni Aye                          Omsoi                      -

Nula         Hnem Te                          Omsoi                      -

Nula         Keti  Khain                        Omsoi                      - 

Cadawng  Aung Aung                         Haltu                       -

Nula         Nu Nu Thwe                       Haltu                       -

Nula         Tlim Coi                             Haltu                       -

Nula         (ang ming simhlan)             Haltu                       -

Cadawng/ Nula (ming simhlanna)        Hlangplang= 2          - 

Cadawng   Dai Te                              Kalim                        History moe Eco 

Cadawng  Maung Hla                         Suntui                      -       

Nula         Mawii                                Suntui                      -

(Suntui kho thlang 5 aung hue ani ti ce sing hlan noeh 2 doeng ni ang coei hue)

Cadawng/ Nula                                   Rhueng = 2             -    

Dai thlang tangxa ang aungkhi sim boeihna a awm hlan a dawngoeh ang aungkhi ang ming moe ani kho simna a awm oeh sap tlahna awm bit kom.

Dai Thlang, Thingkong Kho Oehkoe Mrhuhsui Hue U

Ni Dai thlang, Thingkong kho oehkoe U Ha Xung a capa Saya Naing Ha a napa Cadawng Xung Yawm kum 25 ce ni hulam a hla  April oeh Mawtaw Sanke oeh dangnoeh ak cet ce tuhdoe ang voei lo hlan a dawngoeh hoena a ceh a connak awm amma ni sim a dawngoeh a nupa moe a cakokhi eng thuem hoh hue u. 

Ak sim khoem thlang a awm oehtoe yaksaknak nani taak lonak a hamna Matupi Times eng qoel hue. 

Poeknak: Voehkoe thlang ang ming ve ka poek oeh Thingkong kho thlangna toe amkawih noeh Mahtu kho moe Vueilu kho oehkoe thlangna kawih hue. Ang ming ka poek oeh kak qoel ni. 

Ref: Matupi Times -Pa Sui Pin (Ngala Vang)

Batu Peng Oehkoe Tangxa Ang Aungkhi

2015-2016 cacong kum oeh tangxa camingpoei, Batu kho moe Batu peng (Batu,Rezua moe Lailengpi)  oeh ak phikhi iyah num a ning aung u ti ce ak cerna teok thana awm hoh hue. 

Tuhhi kum toe ang aung a yoi doeng amkhoek soe am hmat ak laek awm amom hue. Kungthu ak huu ve thlang a yoi doeng amkhoek soe ani kungthu huh ve hailam bi binak a hamna hopainak hlue a lam laek amni hu tha hue. 

Tangxa Camingpoei Tai Hoh Hue

2015-2016 cacongnak kum oeh tangxa ak phikhi aung cayin ce tuhngoi June 11, 2016 oeh taina awm hoh hue.

Ang aungkhi sim boeihna a awm hlan a dawngoeh a huna qoelna awm thlah bit kom.

Sihhleh kho oehtoe Nula Ci Ci moe Cadawng Uk Ling aung hue nih. 

Myanmar Thlang Eng Singapore Ak Yoeina Cet Hlue Tha Hoh Hue

Myanmar thlang eng Singapore rhamna cet vang a ti oehtoe khawrham ximnak (Ordinary Passport) yap eng cet noeh heup 30 awm hlue tha hue. 

Tuhngoi June 07, 2016 oeh Singapore Vuancichoh Mr. Lee Shan Lun moe Poeknak peekung Aung San Suu Kyi a ning xum oeh passport ak ta thlang toe heup 30 awm thanak a hamna hatlakknak awi khyoep huenih. 

Ace mueihna awi khyoepnak ani taak a dawngoeh Singapore na ceh ham ak ngah thlang toe cehnak Visa ak thoeh kana heup 30 awm hlue tha hoh hue tinak ni. 

Ace mueih lorna Singapore thlang awm Myanmar rhamna a lo oehtoe Visa ak thoeh kana heup 30 awm hlue tha lor hue u.  Veve December 01, 2016 oehkoe eng cutnoeh ani poh hlue hatlaknak ani pohna awm hue. 

Ref: Myanmar State Counsellor Office's post

Soe Foundation Eng Thlang A Bomnak 

Lamkaeng oeh thaem ak yoikhi moe thlang khuikhakhi 1425 thlangmi ce Soe Foundation eng thlang mat oeh Myanmar tangka 100000 ce Nay Pyi Taw, Pyingmanaa mlueh oeh ni peekhi rhip rhip hue. 

Thlangkhi eng boei unoeh ani boei khyoer khyoer ngah unoeh mcun luek luek unoeh sui bak bak hue u. Anih nak oeh ak boei thlang khawyah awm huvoei soe cenamoe anih ak kawpoek amueih taaknak hlue kho amsava hue. Anih engtoe ikoe mueh ak kawpoek num a taak huvoei thlang ace mueihna a tangka a toei puuk puuk vik huvoei soe.

Mdek eng Khawmik a Vaennak

Suen oehtoe thlang boeih eng Mdek eng Khawmik vaen hue ti noeh amnak cangna unoeh a poekna yawm amna poek law hue u. Khawmik ve viin noeh ni awmnak mdek ve vaen hue ti unoeh ana poek law hue u.

India thlang Yajnavalkya eng (9th Century BCE) oeh anih doeng engtoe Khawmik eng ve khawmdek amvaen noeh khawmdek eng ni khawmik a vaen hue ti noeh ana ti law moe soe num thlang boeih eng a rho a tii ni ti unoeh amnak cangna hue u.

Greek thlang cuei Aristarchus eng (310BC–230 BCE) oehtoe tuh oeh ni awmnak mdeknu ve pihla, aisikhi eng vaen hue ana ti law hue. Cenamoe thlang boeih eng ani poeknak, aning ngahnak moe thuemsoeih hue ti unoeh anina poeknak, khawmik eng ni mdek ve a vaen hue anina tii lo a dawngoeh Aristarchus a ti awm amcangna hue u.

Greek thlang cueikhi Plato(428-348 BCE), Aristotle(384-322 BCE) moe Ptolemy(90-168 AD) tloek eng awm khawmdek ve pihla, khawmik moe aisikhi eng ani vaen uni ti unoeh anak qoen hue u.Ace hui oehtoe thlang boeih thlangcueikhi moe thlangrhokhi boeih eng mdek ve khawmik, pihla, aisikhi boeih eng ani vaen uni ti unoeh anak cang lona hue u.

U eng num mdek engni khawmik a vaen hue a ti? Corpernicus(1473-1543).

Kum 1543 oeh Tingchia ca sim(Mathematician) ani ti u Nicolaus Copernicus eng mdek eng khawmik vaen hue ana ti law moe soenum Khrihca lam oehkoe thlangkhi ani qihnakkhi a dawngoeh thlang khawyah a venna amqoel hue. Ace a dawngoeh Copernicus eng ve mdek eng ni khawmik a vaen tive ak cerna amnang dangsak hue.

Itali thlang mat khan lamtung a konglam ak simkung Galileo Galilei (1564-1642) eng 1609 oeh ave a konglam ve ana sui law noeh poeknak ana ta law hue. 1614 oeh Galileo Galilei ce thlang boeih eng a yap ak ti ni ana ti hue u. U eng awm ak awi tice ammak cangna hue. Ikoe tinoeh num ni ti oehtoe thlang boeih eng khawmik engni mdek ve a vaen hue ti unoeh aninak cangnak a dawngoeh ni.1616 oeh Khrihca lam tung oehkoe thlangkhi eng awm ace mueih awi ce koeh a tinak a hamna anam thawlh sui law hue u.

Ace mueihna khawmdek eng ni khawmik a vaen hue a tinak a dawngoeh anih ce kum 1632 oeh ak cauk a poh khoen oeh ce awiceknak taak pe unoeh ak awi ti ce ak khongnak a hamna thong anak thla law hue u. Cenamoe Galileo Galilei eng ak awi ti ce dueihpuei bak bak noeh a konglam cauk yawk hamna ang caa bak bak a dawngoeh imkhuina ta hue u. Galileo ce Florence ram, Arcetri kho oeh 8 January 1642 oeh ce thi hue.

Thlang boeih eng khawmik, pihla moe aisikhi eng khawmdek ve vaen hue u ti noeh poeknak, cangnak taak ta unoeng ani awm hui oeh Galileo engtoe a khup hletna Mdek, pihla, aisikhi engni khawmik ani vaen hue u ti soe thlang boeih ak koso noeh awicek unoeh thong thla unoeh a thihnak duet oeh imkhuina ana ta unoeh ana phepphoei law moe usoe num, a cueihnak, a simnak, a huhnak a tak aniinak ve mdekkhan thlang boeih nucaa nasen , thlangcuei, thlangrho duet oeh tuhtoe Galileo ak awiti ve thuem hue ti boeih hue u.

Tuh oehtoe Galileo Galilei ve ak oet ham kawih thlang mat awm amawm hue. Ace ce ni thlangcueikhi engtoe awi ana ti unoeh, "Ak thuem toe thlang boeih eng thot hue ti usoe yawm thuem noeh, ak thawlh toe thlang boeih eng thuem hue tinoeh cangna soe yawm thot hue"(Right is right, even if everyone is against it, and wrong is wrong, even if everyone is for it)  ana ti hue u.

Dai Pum Oehkoe Thlang Huen Mat Oeh Ni Awm Mantoe

Dai Pum Oehkoe Thlang Huen Mat Oeh Ni Awm Mantoe

Anglak oehtoe ngairhu lun lun hue nueng. Dai thlang eng ve Mdek-im mueihlip ni huh a mueihna huen mat doengoeh ni sa noeh ace huen mat doengoeh ni awm kanglak lah mantoe Mdek-im 30 tlukna ang toen oeh ce iyah ni sak oehtoe ni khoek kom num.

Mdek-im ang toen mat oeh imkhui 4 awm kom soe ang 30 tlukna ang toen mdek-im mat oeh ce 1x 30x4=120 imkhui awm hlue hue. Mdek-im 30 na ang toen 10 ni sak tha mantoe , Mdek-im mat oeh 120 imkhui awmnoeh Mdek-im 5 oehtoe 120x10= 1200 imkhui law hlue hue. 

Tuh oeh Dai kho boeih oehkoe imdong ve ni noer lah mantoe Dai pum oeh kho 140 huma awmnoeh kho mat ak doem soeih imdong ve 200 tlukna awm hue. Cenamoe a vangtoe kho mat oeh im 20 tluk a awmnak awm khawyah awm hue. 

Ace a dawngoeh a culumna ni Dai pum oehkoe imdong ni poek lah mantoe 1200 tluk ak lona kawih hue. Ace mueihna anii hlue oehtoe mdek-im 30 na ang toe 10 ni sak daeng daeng oeh ni Dai pum oehkoe thlang ace khuina ni awm hlue boeih tha hue. 

Batu Na Thlaa Suuinak Ham Bilatme Rheng Hue

Batu mlueh Phaneng kho oehkoe Ngalawng laung oeh thlaa suuinak a hamna Sunstar Company eng May 19, 2016 oehkoe eng cutnoeh bi bi hue. Ak cueknak oeh ce Bilatme dip 100 ni peekhi soe dip 20 rheng hue tinoeh Phaneng kho thlang a venna koe yakna awm hue. Ang hihnak awm Bilatme ni peekhi ba hue. 

May 26, 2016 khawnoek 6:30 oeh ce Galaxy Sanke mat eng Bilatme mat, 125 Sanke eng bilatme mat ce Ngalawng laung thlaa suuinakna koe eng Phaneng kho tungna a phuih lo ce U Ung San moe Takhing Maung Hla imkhui khoo eng hu hue u. 

Ace mueihna anim mrhuk u ce Phaneng kho oehkoe Takhi Maung Hla eng ak qoelna awm hue.

Ni hulam oeh Phungqi pa mat engtoe Chin thlangkhi ve amrhu bibet hue u anak ti hla ni, tuh oehtoe mrhukna a puukna puuk vik hue mueng. Mva (Kawl) pa mat eng awm a Haicauk khui oeh yawk noeh Chin thlang a donak tloek tloek, ani uep awmnak, amma nim mrhuknak a konglam tloek tloek yawk soe Mvakhi engtoe "aw Chin thlang ve Khawsa sim unoeh ni ti hla una". Tuh oehtoe Chin rham pum koehti cang Batu mlueh a kaengsam oeh nik awmkhi, ak Khawsa oeh caathainak (ak thangthai) ve saetam tam hue. 

Ref: Matupi Times 

Aung San Suu Kyi Park Norway

Aung San Suu Kyi Park Norway 

Norway rhamna Aung San Suu Kyi park ani poh ce Yarpi, June 19, 2016 muelam tung khawnoek 1:00 -5:00 PM oeh ce mhongna awm hlue hoh hue. 

Mueidang Teoknak 

Mueidang Teoknak

Khawmdek Khan Mueidangpa (actor) Boei Soeih Paxa (10)

Khawmdek Khan Mueidangpakhi (actors) Boei Soeih Paxa (10) 

1.Merv Griffin Net Worth 2016 – $1 Billion
2.Jerry Seinfeld Net Worth 2016 – $820 Million
3.Shah Rukh Khan Net Worth 2016 – $600 Million
4.Tom Cruise Net Worth 2016 – $480 Million
5.Johnny Depp Net Worth 2016 – $400 Million
6.Tyler Perry Net Worth 2016 – $400 Million
7.Amitabh Bachchan Net Worth 2016-$400 Million
8.Bill Cosby Net Worth 2016-$400 Million 

9.Jack Nicholson Net Worth 2016-$390 Million
10.Clint Eastwood Net Worth 2016-$375 Million

Nihu kum Oeh $ 4.5 Billion Ak Huu Tuhoeh Tlep-oet Awm Amta Voel Hue

Nihu kum Oeh $ 4.5 Billion Ak Huu Tuhoeh Tlep-oet Awm Amta Voel Hue

Khawmdek khan kawnthaem ve mueimang a mueih yap ni anina ti ve thuem soeih na mueih hue. Theranos company ak pohkung kum 32, Elizabeth Holmes ce nihu kum oeh Amerika Dollar $ 4.5 billion a hu hue ti unoeh anik qoel u ce, Forbes Magazine engtoe USA rham khui oehtoe Nu ak boei soeih ni ana ti hue u. 

Thlangxing a boeinak, sumthaem oe, ace boeinu Holmes ce tuh oehtoe a company eng saernak lam a pan a dawngoeh a kut khui oeh tlep oet awm amta voel hue ti hue u. Theranos Company ve 2014 tloek oehtoe mingthang soeihna ana awm law hue. Company 100 khui oeh 50 % toe Elizabeth Holmes a kut oeh ana pha law hue. 

Cenamoe tuh oehtoe a company $ 9 billion eng anik thlah ce $ 800 billion na tla hoh hue. 

Thlangxing oe, ace mueihna awm kom ti ce u eng awm ampoek ti huvoei soe. Boeikhi, mangkhi eng ani boei mangnak uepna unoeh ammakta, nuhi ngaqah ce ana husit khoei hue u. 

Ani sumthaem oeh lengcaa unoeh Khawsa ce anam mhih hue u. Khawmdek khan kawnthaem ve uepnak ham, lengcaanak ham tlak amom hue ti ce ni hu hue. Khawsa awi moe Amoeh Khawsa uepnak doeng doeng engni ngaihrhepnak ani paek hluekhi hue ti ce dangsak hue. 

Vueihaa Mai Eng Mdoi Hue U

Vueihaa  Mai Eng Mdoi Hue U

June 2, 2016, Cawnniruk oeh ce Kenya rham a coyah engtoe ang huepna Vuei him unoeh a Haa ak lookhi eng anim mcun Vueihaa metric ton 105 tluk oeh ak rhih ce mai eng mdoi kang hue u. Ace ce Nairobi National Park oeh anim mdoina awm hue.

 Vueihaa mdoi hamna cuen ani honak oeh ve Kenya President Uhuru Kenyattta engtoe mdoi maa cuek hue. Anih engtoe ave mueihna Vuei ve ang heupna him unoeh a haa ak lookhi ve a kutoetna amni rhengsak hlue tha noeh ang rhil ang sanna ni ni rhengsak hlue hue ti hue. 

 Kenya a coyah eng ave hlan oeh kum 3 oeh ce ana mtu law ba unoeh, ave ce ace a huna kum 3 tluk khui oeh ani him bana awm hue ti hue. 

Martar Missionary Rhuh-rhoo Japan Rhamna Hu Hue U

 Martar Missionary Rhuh-rhoo Japan Rhamna Hu Hue U 

June 4, 2016 oeh Japan rhamna, kum 1700 huma oehkoe kum 300 tluk ang poeng oeh Itali missionary khi Khawsa awithang anik qoelnakna Khrihca phepphoei  unoeh thong ani tlaknak huen ak khyuem oeh ce Sai (martar) oeh ak cetkhi Giovanni Battista Sidotti  rhuh-rhoo hu hue u. Ace Khrihcakhi thong ani tlaknak a huen khyuem oeh ce mawtaw taaknak hamna mdek ak cookhi eng rhuh-rhoo ce ani huhna awm hue. Rhuhrhong lam oeh ak simkhi eng DNA ani teok oeh Giovanni a rhuh-rhoo ni ti hue u.

Giovanni eng ve Japan rhamna a lutnak tha a hamna animoeh Japankhi a mueihna aomnaa noeh awm moe soenum a huna toe Khrihca ani sohnak aih uet oeh mtu u noeh thong thlaa hue u. Ace thongim khuina a awmnakna Japan chungva rhoi ce Khrihca phungna ni ta rhoi hue. Ace a hu oeh ce amoeh him hue u. Ace ceni tuh oeh rhuh-rhoo ani huh oeh ve Japan chungva rhoi moe Missionary Sai (martar) oeh ak cet a rhuh-rhoo awm huh sih hue u.