A Coyah Khyuem A Ukkhui Oeh Ak Rheng Tangka Euro 86 Million Thoem Hoh Hue

U Thein Sein eng kum 5 a ukkhui oeh Myanmar rham oehkoe Lungxing(Jades), Lungling(Diamon) moe lungphu kueikhi, suui phu Euro tangka 86 millions ak rheng ce thlang 3 eng yaksaknak ani poh a mueihna yanoeh ce a konglam thoem hue u. 

Ace mueihna a konglam ak thoepkhi awm ani uep awmnak a hamna Vuanci a venna yaksaknak ta unoeh a ningnikkhi ce ak laekna rhuem hamna ngah hue ti hue. U Kyaw Kyaw Oo eng ak qoelnak oehtoe " Yaksaknak ka ni poh u ve Rhalkap boikhi, amoeh president a cuna anii a dawngoeh ace ak rheng ak thoem a hamna rhalkap lamtung eng poh vang ani ti ve amthuem hlue hue" ti hue. 

Ace mueihna a ning yaksak (taan) khui oeh ve U Thein Sein a hamna Euro 7 Millions ani paek a cu ni. Yanoeh ce thlang 7 ani konglam doerdapna awm hoh noeh khawngoi oeh thlang 3 a konglam doerdapna awm hlue hue.