Dai Thlang Eng Beo Ni Jaeng

Dai thlang eng khoxai noeh a ling ep ep oehtoe chuca phacakhi tuikung, thingkungna ani aok ani aa ani suinak huenna ce beo ni jaeng noeh ninam mboh khoei hue. Ace mueihna chuca phaca ce beo ni jaeng noeh nim mboh oeh ikoe mueihna ani khuikhat, ace hui oeh Chuca, phaca eng anim mtuinak a tuem, ani caa a awmnak a tuemna awm hue. A caa am mcahnak a hamna aok aa ak sui lo ce nim mboh hoeh noeh, a caa cehta noeh tuikungna tui va ao pat vang ti noeh a vak lo ce tui ani aok hlue beo ni jaeng noeh nim mboh hoeh soe ikoe mueihna ani caa a khuikhat huvoei soe, nimoeh thlangxing ace mueih a tuem ni ssong oehkoe ce poek lor lah. 

Ang lak oehkoe ni poek oeh kawpoekna naa soeih hue. Ace mueihna Tuikungna ak lo beo oeh nim mboh oeh ce Chuca phaca eng ang bu khuina koe eng taa a caa va poek huvoei soe, amoeh a thihnak hlue ang yueng oeh ang bu khuina a caakhi, ak taui ikoe mueihna ani khuikhat hlue ti noeh poek hue.

Cenamoe mat lam oehtoe Dai thlang eng Cava tive ni ta noeh ni Cava a lo oeh boi hlue, Yusuk oeh Chu ak Pha ve thlang eng a kue a saengna anina taak a dawngoeh Beo jaeng unoeh Chuca Phaca anam mboh hue u. Suennoeh ace mueihna a awm oehtoe tuh oehtoe ikoe mueihna ya. Tuh oehtoe u awm yu ak su, suen phung a mueihna ak poh amom voel hue. Beo ni jaeng noeh Tuikung thingkungna a aok a aa ak sui chuca phaca nim khuikhat hlue bak bak huvoei aw.