Amerika Tannamat Eng Rohingya Awilung Ka Honak Hlue Bakbak Ti Hue

Ni hulam oeh Aung San Suu Kyi eng Rohingya awilung koeh hona voel ti noeh Amerika tannamat (ambassador) Derek Mitchell ce tina soe, cenamoe tuh tanamat ak thai ak phalo A merika tanamat (ambassador) Scot Marciel eng Rohingya ti awilung ka honak hlue bak bak ni ti hue ti noeh Reuters awithang eng qoel hue. 

Amerika ambassador  Scot Marciel ve March hla oeh Myanmar rhamna ak phalo eng ak qoelna awm hue. 

A takna toe Rohingya ti ve Bangali thlangphun ni ti u noeh Mva/Kawl eng moe nimoeh thlang engtoe ak kuuna nina sim hue. Ace a dawngoeh Rohingya tinak ang lak oeh Bangali, Bangladesh thlangkhi ti noeh khue ve thuem bet hue tinak a dawngoeh Rohingya ti noeh khue hamna amma ni ngahnakna awm hue. 

Amerika ambassador engtoe kho kum ce rhuet kho ana sa law unoeh anak awmkhi cu Myanmar thlang niinak, tui am mdek ve a taak hamna moe Myanmar thlangkhui oeh Tanyingta mat a mueihna pom hamna ngahna hue.