Ak Khyuem Oehtoe ani Sohnaak Sengim Kaihsak Unoeh Tuh toe Ani Lungnaak ni ani Kaihsak
Dai thlang eng ak khyuem oehtoe sengim ak kai a hamna cacong anak thoem law tloei tloei hue u. Sengim ce kho hoei oeh amom noeh a awmnaak kho na sengim kaih a hamna nasen ce ana sui hue u. Ace mueihna sengim kaihsak hamna ani ngah nasen ce a nu a pa ammak awm, ngaqah, ak teok khen thlang ammak awm ce ana sui law hue u.
Ikoe tinoeh num ni ti oehtoe a Nupa ak awm nasen ce a nupa eng ka caa ca congnoeh , mva na lap law kom, ka vennoeh ak awm hlue, ka kho ak rheh hlue. Ka sum ka thaem pangnoeh anik teok hlue ti unoeh ani lungnaak ani caa ce ca amcongsak hue u.
Ca ak cong a hamna ani tueih ak thlang toe a Nu a pa ammak awm nasen, a ngahna khosa heu seh, mva na cunawm lap heu seh ani ti Nasen ce Sengim kaihsak hamna ana sui unoeh ana kaihsak hue u.
Tuh oehtoe Ngaqah, a Nu a Pa ammak awm ce thlang eng sengim kaihsak hamna amngah noeh a nu a pa eng awm ka caanu, ka caapa sengim kai seh ti unoeh kaihsak hue u. Ave ni poek oeh ni Dai thlang eng ak khyuem oehkoe anina poeknaak moe tuh oehkoe poeknaak ve ikoe mueih tlukna num a looha hue ti ve ni sim tha hue.
No comments:
Post a Comment