Syrian Khrihca Baeknak Ve Muslim, Hindu Baeknak moe Ikoe Num A Lohanak

Assyrian/ Syria Khrihca eng Khawsa ani baeknak teok lor lah,Hindu, Muslim baeknak moe  ikoe num a lohanak a awm huvoei soe amsim hue nueng. Ani pomsahkhi toe ak tungna Hindu baeknak eng a poh moe mueihnoeh Laa ani sak moe ani awm-ih toe Muslim moe mueih hue.

Hindu, Muslim moe Bukda eng ani pohkhi mi mueih val val hue.
‪Mueidang Teoknak >>>>>#‎Orthodox‬ ‪#‎Assyrians‬ from Iraq

A Coyah Khyuem A Ukkhui Oeh Ak Rheng Tangka Euro 86 Million Thoem Hoh Hue

U Thein Sein eng kum 5 a ukkhui oeh Myanmar rham oehkoe Lungxing(Jades), Lungling(Diamon) moe lungphu kueikhi, suui phu Euro tangka 86 millions ak rheng ce thlang 3 eng yaksaknak ani poh a mueihna yanoeh ce a konglam thoem hue u. 

Ace mueihna a konglam ak thoepkhi awm ani uep awmnak a hamna Vuanci a venna yaksaknak ta unoeh a ningnikkhi ce ak laekna rhuem hamna ngah hue ti hue. U Kyaw Kyaw Oo eng ak qoelnak oehtoe " Yaksaknak ka ni poh u ve Rhalkap boikhi, amoeh president a cuna anii a dawngoeh ace ak rheng ak thoem a hamna rhalkap lamtung eng poh vang ani ti ve amthuem hlue hue" ti hue. 

Ace mueihna a ning yaksak (taan) khui oeh ve U Thein Sein a hamna Euro 7 Millions ani paek a cu ni. Yanoeh ce thlang 7 ani konglam doerdapna awm hoh noeh khawngoi oeh thlang 3 a konglam doerdapna awm hlue hue. 

Liverpool Cacong Eng Boipa Cuekcahnak Khong Hamna Amngah Hue U

Liverpool Cacong Eng Boipa Cuekcahnak Khong Hamna Amngah Hue U

Khawpeok lam tung Liverpool, Ohio oeh ce Kum 70 a kuemnak boih lohnak oeh ce cacongkhi eng boih ani loh oeh Boipa cuekcahnak Laa ani sak uce nol a hamna yaksak hue u. 

Cenamoe cacongkhi engtoe ace mueihna ani nolnak ang lak oeh animoeh moe animoeh Khawsa venna cuekcahnak eng tha loh hamna ce ngahna hue u. Cacongkhi engtoe Khawsa ming eng Sengim kaihnak oeh cuekcahnak taak doena kai hamna ngahna hue u. 

Mankhong Refugee thlangmi Doem Law Khyoer Khyoer Hue

Mankhong Refugee thlangmi Doem Law Khyoer Khyoer Hue

Kachin rham Manci kho kaeng oehkoe Mankhong thlang cenkhi awmnaak oeh ce thlang doem law khyoer khyoer hue. KIA moe Myanmar rhalkap a ning kah rhu oeh ak cenkhi a awmnaakna thlang 44 ak thaina pha law hue tinoeh U Nan Yin La Cia eng qoel hue. Ace ak pha lookhi 44 khui oeh ce Pa 25, nu 19 law hue u.

Kachin rhamna ak cenkhi (refugees) ve Khawmdek kahn oehkoe aok-aa bomnaak (WFP) eng ak dona amni bomkhi hue ti hue u. Ave ak cenkhi ani awmnaak ve kho kum 5 kuep law hoh hue. Mankhong Refugee Game 

So Myant Htu Ya Ak Awi Ti

So Myant Htu Ya Ak Awi Ti 

Myanmar rham mueidangnu mingthang soeih So Myant Htu Ya ve ammmak sim amom ti huvoei soe tinoeh poek hue nueng. Anih eng mueidangnak oeh awitungna a tai toe "Ca Khawyah yah ni noer ve u" ti ni. Cenamoe amoeh So Myant Htu ya toe ca amteok hue, amnoer hue ti hue. Ikoe tinoehnum ni ti oehtoe phone oehkoe eng haangnak (game) ang luemnaak tloek oeh ni ti hue.

Ace a dawngoeh So Myant Htu Ya eng tuh oehkoe engtoe ace mueihna phone luemnaakkhi ve nolnoeh phu ak ta hlue ca noernoeh ca yawk vang ti hue.

Myanmar President Office

Myanmar rham oehkoe President yung ka huh oeh a rhuep awm soeih hue. 

1. President....................U Htin Kyaw

2. Vice President (1).......U Myint Shwe

3. Vice President (2).......U Henry Van Thio

4. Pyithawngsuh vuanci, Rhamchang Vuanci moe President Office Vuanci ............................. Aung San Suu Kyi

5. Pyithawngsuh Vuanci, rhamkhui oehkoe Vuanci.....U Kyaw Shwe

6. Rham kaengsam Vuanci ...... U Ye Aung

moe Vuanci ak changkhi 18 eng Myanmar rham ce uk hue u.

Tuhtloek Toe Thaa Hin Huili Hue

Tuhtloek Toe Thaa Hin Huili Hue

Nucaa Nasen, a Xi a xam moe chu ak pha boeih eng a ning ngaih-u Thaa ce tuhtloek ni kho tungna toe hin huili hue. Thaa hin ve suen oehtoe a coi ak camkhi eng a ning duen rhunaak ni ana ti khoei hue u. 

Lawng a lamna, qong a qaana cet u noeh anik phoen a cawih oehtoe "Yaoe thaa cunom a nang hin tuvoei soe" ana ti khoei hue u. 

Thlang a kho rham phanoeh ak awmkhi a hamna ngairhu cer lah, na Dai khawmdek oeh thaa hin na aa moe ikoe mueihna num nang ngaih-u ti ve.

Ikoe Mueih Ammak Doem Lonha Vik Num

Ikoe Mueih Ammak Doem Lonha Vik Num

Myanmar International Education Center (MIEC) Shan rham Mushe (မူဆယ္) na koe eng Sign Board tainaak hamna thoehnak ting 20 rhoe pe hue. Ace mueihna a phu doem lonha cu ikoe mueih hahpa, u eng a poh am msah hlue huvoei num. Ref: Tar Naw Lay 

Bukda Baeknak Oehkoe Khrihca Baeknakna Ak Lut Mueidangnu (Actress)

Bukda Baeknak Oehkoe Khrihca Baeknakna Ak Lut Mueidangnu (Actress)

Bukda baeknak eng ani baeknak hul hamna a lam a hoei hoeina caanaak ta unoeh, Phungqikhi eng Khrihca ani sohnaak aih uet oeh a hoeina rhing moe usoe num, Myanmar rham oeh Mueidangnu (actress) mingthang Hti Rih Sein Htanh (သီရိရွင္းသန္႕) ce Bukda baeknak oehkoe cangnak a taak ce ngaihrhepnaak taak moe ka xingnaak oeh khue-uepnaak amni pee hue tinoeh tuhngoi huep oeh Khrihca baeknaak oeh lut hue.

Ace mueihna mueidangnu Hti Rih sein Htanh eng Bukda oehkoe eng Khrihca baeknakna a lut ve amoeh ak kawngthawhna, Khawsa bi binaak ak cam eng ni tinoeh awithang a hoei hoei oeh thang hue. Ref: BaHuThuTa 

Make Money Online : http://ow.ly/KNICZ

Aung San Suu Kyi A Thangnaak Uemnaakna Malaysia na Ak Awmkhi A Yoena Voei Hlue Tha Hue U

Aung San Suu Kyi A Thangnaak Uemnaakna Malaysia na Ak Awmkhi A Yoena Voei Hlue Tha Hue U

Tuhngoi oeh May 23, 2016 oeh Malaysia ak awmkhi a hamna tinoeh June 19, 2016 oeh Aung San Suu Kyi Kum 71 a kuepnaak uemnaakna Malaysia na ang huepna ak awmkhi ce a yoena voei hlue tha hue. 

Ace mueihna voeinaak hamna toe Malaysia na koe Myanmar Tanyung(Embassy) oehkoe Myanmar thlang niinaak sim pueinaak ca ce ngah hue. Malay na koe eng voei hamna ngahnoeh ammang voeitha, thlangkhi a hamna ak laek soeih matna awm hue. Ace voeinaak a hamna Malay tangka 650 paek hlue ang yueng oeh 450 Ringit doeng ni  Khancet phuna a paek hlue hue. 

Malaysia na Myanmar thlang thong ak tla 1000 awmnoeh, thawlh puuk usoe kho tung voei hamna ak ngah thlang 300 tluk awm hue. Ref: Than Min Kyaw

Japan Rhamna ATM Oehkoe Tangka 1.4 billion yen($ 13 million) Mrhu Kang Hue

Japan Rhamna ATM Oehkoe Tangka 1.4 billion yen($ 13 million) Mrhu Kang Hue

Japan rhamna ATM (bank) oehkoe tangka thlang mat eng Japan tangka 1.4 billion yen (US $13 million) ce Nayi 3 hlaa khui oeh &-Eleven Convenience stores oehkoe ce yarpi ngoilam oeh mrhu kang hue. 

Ak kuna ATM khi ve 7_Eleven eng bank 7 ce koena noeh animoeh Japan a koe bank tloekna awm hue. Ref: Reuters 

Ak Khyuem Oehtoe ani Sohnaak Sengim Kaihsak Unoeh Tuh toe Ani Lungnaak ni ani Kaihsak

Ak Khyuem Oehtoe ani Sohnaak Sengim Kaihsak Unoeh Tuh toe Ani Lungnaak ni ani Kaihsak

Dai thlang eng ak khyuem oehtoe sengim ak kai a hamna cacong anak thoem law tloei tloei hue u. Sengim ce kho hoei oeh amom noeh a awmnaak kho na sengim kaih a hamna nasen ce ana sui hue u. Ace mueihna sengim kaihsak hamna ani ngah nasen ce a nu a pa ammak awm, ngaqah, ak teok khen thlang ammak awm ce ana sui law hue u.

Ikoe tinoeh num ni ti oehtoe a Nupa ak awm nasen ce a nupa eng ka caa ca congnoeh , mva na lap law kom, ka vennoeh ak awm hlue, ka kho ak rheh hlue. Ka sum ka thaem pangnoeh anik teok hlue ti unoeh ani lungnaak ani caa ce ca amcongsak hue u.

Ca ak cong a hamna ani tueih ak thlang toe a Nu a pa ammak awm nasen, a ngahna khosa heu seh, mva na cunawm lap heu seh ani  ti Nasen ce Sengim kaihsak hamna ana sui unoeh ana kaihsak hue u.

Tuh oehtoe Ngaqah, a Nu a Pa ammak awm ce thlang eng sengim kaihsak hamna amngah noeh a nu a pa eng awm ka caanu, ka caapa sengim kai seh ti unoeh kaihsak hue u. Ave ni poek oeh ni Dai thlang eng ak khyuem oehkoe anina poeknaak moe tuh oehkoe poeknaak ve ikoe mueih tlukna num a looha hue ti ve ni sim tha hue.

Chin Party khi Matna Cun Hlue Hue U

Chin Party khi Matna Cun Hlue Hue U

Chin party pakthum khui oeh mat eng awmNovember hla, 2015 tuehnaak oeh amma ning aung a dawngoeh hailam 2020 tuehnaak a hamna toe matna cun hamna awi khyoep hoh hue u. Chin Leage for Democracy, Chin People Progresive Party moe Chin Development Party tloek ce matna cun hamna May 21, 2016 muelam 6:00-7:30 doe Happy Noodle Cafe, Myintkyina Hall oeh ce tengnak ta u noeh awi khyoep hue u. 

Party pakthum khui oehkoe President tloek ve ani pakthumna Party thai president hlawng hlawng unoeh bi hlue hue u. Secretary khi toe yarkhat kut oet ngoihcunnaak ta usoe, acoeh koe awi ani tengkhi boeih ce president khi eng hatlaknaak taak pe hlue hue.

Ave mueihna a ning cunnaak toe Chin thlang boeih eng kawpoek matna rhuirhoepnaak eng  kho ni sak thanaak a hamna  tuh oehkoe Party pakthum ve nol unoeh party ming ak thai bun hamna caanaak ta hue u. Ref: Chin World 

Noah Tuicet Sa Hue U 

Baibul khui oehkoe ni huh Noah Tuicet ce thing eng sak huina awmnoeh July hla oehtoe mhawng hlue hue u. Ace Noah tuicet ani taaknaak Amusement Park ti unoeh ming pe hue u. Ak khuina ce Noah moe a imkhui cako a awp-ih ce thlang boeih ang yaksimna ca yawk unoeh tai hlue hue u. 

Ace Noah Amusement Park saknaak a hamna tangka ak boeih hlue toe $ 63 million  ak boeihna, Pee 500 ang sangna sakna awm hlue hue.

Ace Noah Tuicet ak pohkung president Ken Ham, Genesis lam oehkoe Khrihca hamna awi  mhlatnaak  poh noeh  Noah's Ark-themed amesement park, engtoe," Noah ikoe mueih tlukna num a cueih hue ti ce thlang boeih a simnaak a hamna pohna awm hlue hue" ti hue. 

Awidoernaak ang xoi soeih toe, "Ikoe mueihna Noah eng Tuicet mat khuina cu ceyah tuisu rhamsa boeih a hlum kang num?"

Ave Noah tuicet ani seh u ve Khawsa awi Baibul eng Noah a konglam ak qoel, khyin khyumkhi, tuisu rhamsa boeih ak khuina a hlum kang tive amma nik cangnaak a dawngoeh Khawsa awi eng a ti ve a thuemnaak dangsak hamna ngahna hue u.

Ace Noah tuicet saknaak a hamna Pee (feet) 3.3 ak sah thing ce honaakna awm hlue hue. Ref: Daily Star 

North Korea eng Awi South Korea Eng Khong Pe Hue

North Korea eng Awi South Korea Eng Khong Pe Hue

Tuhngoi cawnnikhat oeh North Korea ukkung eng South Korea venna rhoepnaak poh hamna ak thoehnaak ce South Korea eng khong pe hue. Ikoe ti noeh num ni ti oehtoe Nuclear a poh awm amma nol hlue a lok oehtoe ace mueihhna ngoihnaak awm a yap hlue ni, South Korea eng ti hue. 

North Korea eng nuclear a poh ce ak phlinaakna tuhhi kum January hla oeh noeknaak poh noeh, February hla oeh khanna kahnak maa (long-range rocket) ce noeknaak poh hue ti noeh  South Korean President Park Geun-hye eng ti hue.

North Korea ukkung Kim Jong Un eng rhoep hamna ak thoehnaak ve nuclear a konglam rhoe rhoe ikoe awm amma awm a dawngoeh South Korea lam tung eng amma ni ngah peena awm hue. Ref: Reuters

Ni Kho Tungna Duemkho Hleu Hue

Ni Kho Tungna Duemkho Hleu Hue

Arakan rhamna khohleupui law hlue hue ani ti ce nimoeh Dai kho tung hakpha lawnoeh tlangna koe thingpai rhopaikhi, thingthahkhi qitsak boeih hue ti hue u. Ave mueihna Rhavang a pai hui oeh duemkho ak hleu eng im a lookhi ana xe khoei soe, cenamoe tuh oeh toe ikoe mueihnum ti ce awithang ak cerna yaakna awm hlan hue.

Batu Na Nim Cimnoeh Im Loo Hue

Batu Na Nim Cimnoeh Im Loo Hue

Batu mlueh Cangbong ak Dueih oeh ak awm Rev. Z. La Hoe a im ce Bungkheun Im tung, May 21, 2016 khawmuelam 5:30 pm oeh minnoeh Bungkheun-im tung ce sae boeih hue. Rev. Z.La Hoe a yu moe a canu Hellen ce min eng a cim sih im eng a tluk puei a dawngoeh si-im pha hue nih. 

 Ve a nim a cimnaak ve Cangbong sengim khyuem tung, nihu kum oeh nim a cimnaak satungna awm hue. Khocui pha hlan soe ace mueihna nim ak cim tawk vik cu, khocui a pha lo tak oehtoe ikoe mueih hahpa na ak awm hlue huvoei num. Ref:Kilungmoe Linn

India Rhamna A Nu eng A Caa Khitnoeh Paa Hue

India Rhamna A Nu eng A Caa Khitnoeh Paa Hue

Shivani ani ti u, hla 15 doeng ak lo huen ce a nupa eng bi ani bi hui oeh ang xuxui a dawngoeh a khoo oeh plastic rhui eng khit nih noeh lung oeh paa hue nih. 

Ace nasen ce heup ak puei khawling lakna ace a nupa eng anik paanaakna ce awm hue. A Nu Kalara engtoe "ak chang poh pee hlue amom voel hue, ka Canu Shivani am mrhang oeh ve lung eng ka khoongnaak ang lak oehtoe ace mueihna rhui eng khitnoeh kak paa ce a hamna laek bet hue ti hue. Ace mueihna a canu rhui eng paa noeh bi a bi oeh ce heup-oet oeh bi bi phu India tangka 250 Rupees($ 3.8) ce hu hue. 

A nu eng tinoeh," Ace mueihna kak paa oeh ce lamna amcet hue. Ka capa a xamcaa kum 3 ak lo eng ce a awmpuei amma ngah a dawngoeh" ti hue. Ref: Reuters 

Mini Kim Kardashian Thi Hue

Mdekkhan oeh mueidangnu (actress) khui oeh a pum a rho do soeih noeh, mueidang ak lah soeih ani ti Mini Kim Kardashian (32 kum) ce Yu a aok aih uet oeh a dawngoeh a pumsa eng am-uet noengnoeh March 20 oeh a awmnak im na ce ak thina a pueipa eng hu hue. 

Anih ve ak thlang donaak lam moe a mueidangnaak, a pumrho a donaak ak cam eng ming ang thang soeih mueidangnu matna awm hue. 

Mandalay Na Imhai Oeh Mawtaw Koehta Ak Ti Dan Tat Hlue Hue

Mandalay Na Imhai Oeh Mawtaw Koehta Ak Ti Dan Tat Hlue Hue

Mva kho, ni cet soe "ka imhai oeh mawtaw koeng duemsak", "Ka imhai oeh Mawtaw koehta", "ka imhuen tung oeh mawtaw koehta" mawtaw ak co a lut awm hue ti u noeh ca tai hue u. Ace mueihna ca ak taikhi imkungkhi ce tuh oehtoe tangka coi hlue hoh hue u.

Ikoe tinoehnum ni ti oehtoe ace mdek oeh mawtaw koeh ani taksakkhi oehtoe ak changkhi eng mawtaw taak phu ks-10 ani paek oehtoe anih ca ak tai eng ks- 20 / 30 tluk coi hlue hoh hue. Ref: U Naing Win

Philipine Na Korea Missionary Him Hue U

Philipine Na Korea Missionary Him Hue U

Korea pa Missionary (57 kum), Philipine rhamna Khawsa awithang ak qoel ce Philipine rham ak cawngnaakna yanoeh muelam khawnoek 4:30 (Philipine khawnoek) oeh ce ak thina hu hue u. 

Korea thlang ve tuhhi kum oeh South East Asia rhamna 3 thi noeh ni hu kum oeh Philipine rhamna 11 thi hue. 
Ref: Arirang News , Awi Ngaihnaak: http://www.arirang.com/News/News_View.asp?nseq=191407

Mvakhi Ani Aok Aa Poh Toe Aop Kon Hue

Mvakhi Ani Aok Aa Poh Toe Aop Kon Hue

Ikoe mueihna awm soe yom Mva (Kawl) a poh aok aa ve ak aa xa matna poek hue nueng. Chawkthu, Thapiin moe Kanlae (Pakukku moe Yangon ang lak oehkoe Kho) tloek oehtoe ave mueihna ani buh-aa im oeh ani taak an a hoei hoei Aisa, Vawksa, Soeisa, Meesa, Ngasa, boeih ce khin buh ak aa a hamna toen pe kang hue u. Ace ce khin eng a ngah tuekuena aa noeh a boeih oehtoe sap ba hue u. Mva khona Buh yoihnak ak laek soeih ve a vekkhi toekna ni ka poek hue. 

Greek Rhalkap eng Ijip Khancet Ak rheng Sui Puei Hue

Greek Rhalkap eng Ijip Khancet Ak rheng Sui Puei Hue

Tuhngoi ngoichet oeh Tuinuyama na Ijip Khancet thlang ak phui Airbus A320 a tuen MS 804 Khancet, Greek rhalkap oehkoe Cuhali a tuen C-130 khancet moe Parigate Tuicet a cu eng sui pe hue u. 

Ace MS 804 khancet ve thlang 56 moe ak khuina bi ak bi thlang 11 phuinoeh tuhngoi ngoichet chidik oeh Pingtit (Frence) rham Paris khonu oehkoe eng Ijip rham Kairo khonu oeh qum hamna ak cet ce tuinuyama a pha oeh a teoknaak Reda oehkoe eng rheng tarha noeh veok thana amom voel hue. 

Greek Khancet C-130 moe Karpahtos rhueng oehkoe Khancet ak yoi 2 eng sui puei liina awm hue. Ace mueihna sui moe usoenum ikoe mueihna num Khancet a awm hue ti ce sim hlan hue u. 

Ace ngoichet lam khawnoek 4:26 ngoilam tung oeh Khancet oehkoe ngaithuennaak yaakna awm hue ani ti ce Ijip rhalkap eng kah hue.

Coffee

COFFEE

Coffee ti ve ikoe num a ti ngahnaak tak ve? Kai eng toe Coffee cu a dung oehkoe ak thah, a hahkhi ni aok laek num ka ti va. Tuh voeh ka huh oehtoe "COFFEE" ti ngahnaak toe ve mueihna ni tinoeh yawk rhu hue. 

Dairamtlang News

 Donald Trump Eng Ni Hu Kum Oeh $ 560 Million Hu Hue Nueng Ti Hue

Amerika mangpa tuhhi kum November tuehnaak oeh President ak cuh hlue eng a tangka ve $ 190 million doen lawnoeh a website a honaak ve $10 billion phu ni ti hue. Rham uknaak (politic) oeh a lut hlan oeh a thaem yawihkhi oehkoe e huh tangka ve $ 557 million law hue ti hue.

Trump ve Republican party oehkoe eng Amerika president ak cuh  hluena awm hue. A sohna eng sohna soe a lungna eng lungna khyoer khyoer hue. Ikoe mueihna sohna usoe yom anih oeh ni ang tang lo bak bak hue. Nina teok lah ve November hla oeh. 

Dairamtlang Muemmang

Dairamtlang Muemmang 

Dairamtlang ak dosak khyumkhya boeih ang lak oeh ak do soeih moe ak phumah toe Muemmang ani ti u ni. Muemmang ve Dai thlang eng khya/ paipai khui oehtoe a hah do a paipai a mueihna aninak khuena awm hue.

Air Conditioner / Air Cooler (AC) Ni Sep Ve U

Air Conditioner / Air Cooler (AC) Ni Sep Ve U 

Khawhlohnaak kho rhamna nik awm thlang a hamna toe awh-ihnaak ammak lona khohlok noeh ih a awmna yawm amlaw hue. Boeikhi mangkhi eng Air Conditioner / Air Cooler ce tangka khawyah yah eng thlaa law usoe amnik thlaa tha eng ni khuikha hue. Ning yaap rhu soe yawm a hlok bak bak noeh ihnaak  hamna yawm amlaw hue. Ace a dawngoeh ak rhoei pohnaak (Air Conditioner / Air Cooler) ce nimoeh eng ni sep ve u. 

AC pohnaak a hamna ak ngah thaemkhi toe:

- Plastic pung ang sang mat moe a khuem mah(a khuem ak awm), Panka (Fan) ak yoica, Tui dawng boet, Cimcaa, A bennaak hlue tape moe Tui mtling (dry ice/ Yekhae) ce na taak oehtoe Air cooler(AC) ce ta hlue huek te. 

Ace mueihna na pohnak a hamna toe ve mueihna na cut ngah hue:

# Step 1: Plastic pung ce na khuem tha hamna ngah noeh ace plastic pung a khuem oeh ce Panka (fan) ce nukta noeh ak khoek boetna panka ce pung khuem ak khan oeh rhuen noeh, ace na rhuen a mueihna plastic pung a khuem ce Cimcaa eng aar bir bir kop te. 

‪# Step 2: A betnaak hlue tape eng ce pung a khuem ak khan oeh ce panka ak cekna pin kop te. Ace tape ak puen ce na panka ak cekna am mtunaak a hamna ak khui tungna koe eng ben kop te. 

# Step 3: Plastic pung ak khan oeh na panka ce a cek amma cek moe ak khuina amma tlaknaak a hamna ak dona poh kop te. 

# Step 4: Ace plastic pung khui tungna na panka ce ammak kang kawihna pung ce vutnoeh toe tui dawng ce bun. 

#Step 5: Tui dawng ce ang coepna, pakthumna boennoeh toe pung ak khui na vut oeh ce ak laekna bunnoeh khawhli uepsak kop te. 

#Step 6: Ace pung oeh ce Tui mtling (dry ice/yekhae) ce tanoeh, pung ce a khuem panka na bennaak oeh ce ak cekna num khoh noeh toe panka ce mhong lah. 

Ace mueihna na poh oehtoe tangka khawyah boeih noeh Air Conditioner(AC) ak thlaakhi a mueihna na im oeh ce a ding a seukna ngoi hlue hoi hoi hoh huek te. Mthan na ih hlue oeh awm a ding seukna ip hlue hoh huek te. 

Ve ak kai oehkoe mueihlip teok lah.

Amerika President Obama Kueihcahnaak Doctor Hu Hue

AAAmerika President Obama Kueihcahnaak Doctor Hu Hue

Amerika President Barack Obama ce Rutgers university eng 250th a cupnaak Boih ani paeknaak heup May 15,2016 oeh Kueihcahnaak (honorary) Boih a paekna awm hue. Ave ve ang hihvoeinaakna awm hue. Ave hlan oeh kueihcahnaak diploma boih ce ana hu hoh ba hue. Kum 2009 oeh upade lam oehkoe doctor (doctorate degree in law) ce University of Notre Dame oeh ce ana hu law hoh ba hue.

Mawtaw Thlah Ak Ngah A Hamna

Mawtaw Thlah Ak Ngah A Hamna 

Myanmar rhamna Japan Mawtaw a phu yoei hohna mueih hue, thlah ham ak ngah engtoe thlaa tha hoh hue. Mawtaw ve thlang boeih eng ceh connaak a hamna ak ngah soeih matna a awm a dawngoeh nimoeh thlang eng awm a phu ni huh oehtoe thlah thana awm hlue hoh hue. 

Mawtaw thlahnaak tha permit ak taa boeih eng Japan mawtaw BPS - CT-CD ce mat oeh 35 ting moe 3 oehtoe ting 100 eng thlah thana awm hoh hue. 

Soviet Nuclear Khancet M-60 M

Soviet Nuclear Khancet M-60 M

Soviet eng ang huepna ani taak u, rhalkahnaak Nuclear khancet M-60M ce 1950 humaa oeh ani seh nuclear Khancetna awm hue. Ve Nuclear khancet oeh ve ak hlaa kahnaak bom tan 10,000 phuinoeh ace bomkhi ce Atom bom ani tina awm hue.

Ave mueihna mdekkhan oeh rhalkahnaak thaemkhi ani taak ni huh oehtoe kut-oet rhalnu a thoh mantoe khawmdek ve pueivuetna ni ang phloeh hlue hue. Ref:Daily Mail

Cacongkhi Hamna Bomnak

Tuhhi kum 2016- 2017 cacongnaak kum oeh cacongkhi ve Sengim aomnaak moe Cauk ce a yoena pe hlue hue. Tangka a bet awm koeh a thoehnak a hamna cueihnaak lam oehkoe Vuanci eng qoel hue. 

U Khun Htun Oo Eng NLD Oet Hoh Hue

U Khun Htun Oo, Shan rham SNLD party xuikung eng heup 100/ hla 3 doeng uknak ak taa huen NLD ce oet hoh hue. Khun Htun Oo eng NLD ve tanyingta (tlang thlangkhi hamna) uepnak amom hlue hue. Tlang thlangkhi a hamna ni uepnaak a ham toe NBF moe UNA va ni mi kom. 

Khun Htun Oo engtoe ngaih-u caatham eng tuehnak oeh mee ning perhu boe hloek soe ka tlang thlangkhi a hamna ikoe awm ngaih-u ham a awm hue ti hue. Ace mueihna NLD a oetnaak toe ni hu kum oeh noengnaak ak huu Arakan rham eng noengnaak hu moe soenum Arakan rham ukkung a hamna toe amtuek noeh NLD khui oehkoe thlang ni ak tueh hue. 

A vek awi ve  Yangon na Shan National Leage Democracy eng SNLD yung oeh xumcunnaak ani poh oeh ak qoelna awm hue. Awi Ngahnaak: http://av.voanews.com/clips/VBU/2016/05/17/de4513c1-534d-468f-9ae9-57f9dcc05864.mp3    Ref:VOA Burmese News

Mdekkhan Tuicet Ang Xoi Soeih

Khawmdek pum ak vaen/ ak cu hlue Tuicet ang xoi soeih ce 2012 kum oehkoe eng sehna awm noeh, hla 32 / kum 2 moe hla 8 khui oeh thlangcuei soeih soeihkhi eng ani seh ce tuh toe coengna awm hoh hue. 

Ace tuicet ve ang mingna toe "Harmony of the Seas" ani ti ve khawmdek khan Tuicet ang lak oeh ak laek soeih moe ang xoi soeihna awm noeh ang sang ve ang yuungna pe  1,188ft sang noeh, ak khui ve Pe 215.5ft na xoi hue. Ace saknak a hamna Amerika dollar $ 7000 millions tluk boeihna awm hoh hue. 

Ak khuina Room- 2,747, Buh aanaak 20, Tui yohnaak (Water pools)- 23, Duum (Park/ garden) oeh ve thingkung- 10,587 awm noeh Tuicet khuina bi ak bi thlang -2,100, moe a hoei hoei a naomnaak moe a donaakkhi ce ak khuina bee hue. Ace tuicet oeh ve thlang 6,410 dangna tha hue. Ref: Daily Mail 

Malaysia Na Mdekkhan Oeh Khancet Ang Xoi Soeih Qum hue 

Tihhin, May 14, 2016 oeh Malaysia, Kuala Lumpur oeh mdekkhan Khancet ang xoi soeih Antonov An-225 Mriya ce qum hue. Ve mueih Khancet ve South East Asia rham khui oehtoe Malaysia doengna ni a qum huen hue. 

Ace Khancet ce India rham Hyderabad oehkoe eng law noeh Kuala Lumpur International Airport(KLIA) oeh ce qum hue. Malay na koe eng Australia tungna cet hue. Ace Khancet ce 84m sang noeh 18m na thlueng hue.Ang dueihnaak hlue a kho ce 32 law noeh ang dingnaak ang hlaa ve 88 law hue. Ace Khancet ce  ton 640 tlukna ak rhih thaem ce phui tha hue. 

1980 oeh Soviet Union a hamna thaem phuina anina sehna awm hue. Ref: Malaysia Airports 

A Coyah Rhoi Ang Lak

Ni hulam oehkoe a Coyah khyuem moe a Coyah thai ang lak oeh ve ikoe mueihna num a lohanaak a awm hue. Kachin rham Phakant na Lungxing cohnaak huenna mdek ak phui mawtaw ce a coyah khyuem oehkoe vuaci eng a hang teok oehtoe mdek phui mawtaw pakhih (2) doeng ni a awm ti soe, tuh oehkoe a coyah thai Vuanci U Ung Win eng hang teok soe mdek phui mawtaw 4000 ana awm hue ti hue.

Ace mawtaw ak hlaakhi ce bi ambi sak voel hue nueng ti hue. A coyah khyuem moe a coyah thai ang lak oehkoe mawtaw iyahnum a hlaa hue.  Ref: Aye Aye Khaing's post.

Arakan Rhamna Khohleu Hlue Hue

May hla 15 tluk oehkoe eng cut noeh Arakan tungna koe eng khohleu hlue hue ti noeh Dr. Htun Lwin eng qoel hue. 

Bingala tuinuyama na koe eng May 20 tluk oeh ce Arakan rham khui oeh khawhleu vaek kom soe toe ace ce May hla 15 muelam oehkoe eng cut noeh khawhleu ce Nayi mat oeh Meng 40-45 doe ak cehna hleu hlue hue. 

Arakan rhamna toe a hleu hlue ti ve sing hue ti noeh Dr. Htun Lwin eng qoel hue. 

Tuhhi Kum Oehkoe Ca Cong Hlue Lohboet A Hamna Thoeih Hue U

Tuhhi kum oeh ca cong hamna ti unoeh a ning pawngnaak ce lohboet oeh cong hamna haih thoeih hue u ti noeh Ministry of Education eng qoel hue. 

Ace mueihna lohboet a hamna anik chohnaak toe ca cong hamna a ning pongnak hopainaak hlue thaemkhi ce amma ni huhtha moe amma soep thai a dawngoeh ni ti hue u. Tuh oehkoe ca congnaak a hamna honaak hlue thaemkhi ve amsava noeh a long a lam sim ham koeih khawyah da huen hue ti hue. 

Ace mueihna congnaak thai oeh ceh a hamna toe congpueikung sangya moe Sayaci awm khawyah ngah noeh thlang amkhoek hue. Cacongkhi engtoe cong hlue cauk mulahtan  (Primary) hamna kum hma khui oehkoe cong hlue, a laetan(middle school) a hamna kum phli, a thettan (high School) a hamna kum hih a hamna cong hlue hu hoh hue u. 

Mandalay doeng rhoe oeh mulahtan cacong 500,000 , alaetan cacong 300,000, athettan cacong 950,000 awm hue. Myanmar rham pum oeh ve cacong a cu boeihna 1.5 million tluk awm hue ti noeh- Aung Thant Khaing engtoe qoel hue.

Ref: The Global News Light of Myanmar

Hillary Clinton ve Ani Rhuem Huina Awm Hue

Amerika Democrat party oehkoe ani uepnak soeih, Amerika president a hamna tuhhi kum president ak cuh hlue Hillary Clinton ve Amerika eng a honak email khawyah rham chang a simna phoe hue ti u noeh a bi binaakkhi rhuem huina awm hue. Amerika rham pateng uk vang ak ti eng ace mueihna bi ak bi lang huivoei num ti ve poekna awm noeh, a poh ve ang coeina a tlak oehtoe thongim khuina pateng ak tla lona kawih hue ti hue u.

Ace a kong oeh ve Hillary Clinton ak khan oeh Amerika thlangkhi eng amma ni jelnaak khawyah qoel u noeh rham amlungna noeh ni ace mueihna upade ak kai oeh a awm hue ti hue u. Ace mueihna email ak phoe ve Russia eng Amerika Email 20,000 pateng hu hue ti hue u.

Ace mueihna a awm tangna a tlak oehtoe Hillary a hamna tuhhi kum tuehnak ve a lam amkhui hlue na mueih hue ti hue u. Ref:Fox News. Ngailah awi qoel http://bit.ly/1Xccv9B

http://bit.ly/1Xccv9B

Tangxa Camingpoei Tai Tom Hoh Hue

Tuhhi kum March hla 9-18 oeh ani phi u Myanmar rham pum oehkoe tangxa camingpoei, thlang boeih eng ani caa/canu ani naakhi ce am hmat laek laekna aung hamna a ning ngaih-u ce, teok coengna awm hoh noeh ak sung ak aung ce hailam hla June 4, 2016 cawnniruk oeh taina awm hlue hoh hue.

Thlang vang a hamna toe mikphli boonak moe thlang vang a hamna toe jelnakna awm hlue hue. Thlang boeih eng aung hamna moe am hmat laek huh hamna caa moe usoe num ammak huutha thlang khawyah moe ammang aung rhoe thlang khawyah awm hlue ba hue.

Ref: Mokawng News

Donald Trump moe Hillary Clinton

Donald Trump ve ak theena eng theena, ak sohna eng sohna, ak centa eng centa noeh ak husit eng husit usoe, tuh oeh Amerika Rhalkap eng a huhnak oehtoe Hillary Clinton naak oeh Donald Trump ve Amerika President bi hlue hue ti hue u. 

Thlang khawyah eng sohna unoeh ani qoel ther hui oeh Khawsa awithang qoelkung mingthang, Billy Graham a Capa Franklin Graham engtoe ave mueih ak thlang amhu khoei nueng ti hue. Evangelical thlang ak kuu engtoe anih ve Khawsa venna cuekcahnak eng ani sim pueina awm hue. Ref:Fox News