Southern Chin State ah Um Mi Dai Miphun Pawl nih Vanzuang Cawk An Timh

Ka khuaruah a har tuk ai! Nizan ah khan thawngpang an kan tthan i Southern Chin State, Matupi, Mindat,Kanpalet le Paletwa penghna i tonnak ah a ummi Dai miphun hna nih Vanzuang cawk an timh tiin ka theih si. Dai miphun hi Kawlram miphun cazin ah number 30 nak a si i, minung 70000 to 90000 a um ti an si. Chu hna nih cun a tu Vanzuang cawk an duh mi hi 740 x 233 Amerika sermi a si i minung 350 thutnak ngei a si lai an ti. 

Cuti Vanzuang an cawk tak lai a si le kei kaimah ruahnak ah cun kan Chinmi vialte thatnak caah sisehlaw kai duh ngai nain, zeitin dah an policy ti bente cu fial tein  ka theih rih lo si. Vanzuang pipi cawk awk a si ah cun kan Chin hruaitu pawl le uktu pawl zawng tha tein i chawh hmaisa hi a tha lai ka rak ti si.

A biapi ngaimi cu Vanzuang tumnak hmun kha kan ngei rih lomi zawng a rak si. Mi cheu nih cun Vanzuang hmun hi cu, Chinram ah tlang sang pakhat a si vemi Licang tlang ah khan hlan lio Mirang le Japan chan lio Vanzuang tumnak hmun a um cia cang caah zeihmah harnak a um lo i, chuka hmun ah cun a tum ko lai an ti. A si ko nain zeitin dah mawtaw lampi zawng a um rih mi cu mikhuan caah khua ruah a hau lo maw ti zawng kha a ruat mi an tam tuk rih si. Cu Licang tlang cu Matupi Myo in meng 40 hrawng a hla mi hmun nuam ngai zawng a rak si i, Chinram ah cun tlang sang a pa 4 nak ah a um lai. 

Mi cheu nih cun Matupi le kalnak lam a tthanak Mahtu (Madu) le Vueilu (Vuilu) ramri ah hmun tha ngai a um i, minung nih kan tuah khawh ding mi a si caah Vanzuang pakhat caah cun a za lai an ti. Zeitin hmun tha a si hmah ah minung rumro nih cum tuah khawh a si ngha maw ti cu kai ruat ngai a si. 

Cu ban tuk in Vanzuang cu minung 350 tlun kalnak a si ah cun khawika mi hna dah minung passenger le a hodah a rak len lai, zeituah awk ah dah an ra lai timi zawng economic lei zawng in khua ka ruat ngai a si. A si nain cheukhat nih cun Arakan ram le a nai pah caah le Yangon lei zawng hi a nai ngai caah a ttha ngai lai ti cu an chim ngaimi a rak si. 

Khika ah an chiahnak in cun kan Chin khualipi Hakha ah maw, Falam ah maw Vanzuang hmun cu ti hna law law seh law, minung zawng an tam i passenger an tam lai i kan ram le miphun tthan chonak a si ngha ka rak ti si. 

Vanzuang a chunglei 

Vanzuang a chunglei

April News