Rhampum Doerdap Ham Rhalkap eng Poeknak Pe Hue

Nukdoem Aung San Suu Kyi eng Mee kang aung oehtoe President ak choeina kak awm hlue a ti awi ang sutnak a hama Rhampum Doerdap ham thlangna (State Counsellor) bi hamna ukpade ce rhalkap eng amngah noeh President a doerdap thlangna awm voei soe ti hue u. Cenamoe  Amyota Hluttaw eng Aung San Suu Kyi ce Rhampum eng a doerdap hlue thlang matna hatlaknak ana ta law hoh hue u. 

Ace mueihna Aung San Suu Kyi eng rhampum eng a doerdap(State Counsellor) hlue thlangna a awm oehtoe President ak choeina a awmnak hluena awm hue. Ace dawngoeh rhalkap lam tungna koe engtoe amma ni ngahnakna awm hue. Cenamoe Pyithu Hluttaw eng awm hatlaknak hamna awm hoh hue. 

Ace ukpade ak thai hlue State Counsellor ve 2008 ukpade moe awm ammak lengkahna awm hue tinoeh U Htun Htun Heing engtoe qoel hue. 

2008 xuisoinak ukpade 217 khui oehtoe " President eng rhampum uknak a hoei ta moesoenum Pyithawngsuh hluttaw eng a ngah oehtoe thlang chang amma nii oeh, a bong mat oeh ce pohnak tha pe tha hue" tinoeh U Aung Htu Ngieng eng qoel hue.