10/40 Chomkaeng (The 10/40 Window)

Mdek matnak, Mdek pakhihnak, moe mdek pakthumnak ti noeh a awm a mueihna 10/40 window ani ti u mdek awm omba hue. Ave ve Khrihca thlangkhi eng ak tungna anik khuenakna awm hue. 10/40 window ve anak hona cuek toe 1981 oeh Missiologists (Khawsa bikbi) U.S. Center for World Missions oehkoe Doctor Ralph Winter, moe John Dawson moe a xui soikhi "A Mission and Reconciliation Ministries", oeh bi ak biikhi moe eng ce ana holona cuek hue u. Ace ce Kum 1990 oeh Luis Bush ani ti u eng Khawsa bibinak lam oeh Missionary a ngahnak huenna a holonak oehkoe eng thlang boeih eng sim law hue. Ace ce tuh toe Khrihca thlang boeih eng 10/40 window ti noeh simna awm hue.

Ace 10/40 window mdek ve toe khawpeok lamtung rhamkhi, Kawl kho, Taluk, Thailand, India, Bangladesh doena hlii sih noeh khawtlak lamtung Europe rhamkhi, Afrika rhamkhi doena moe khawtlak lamtung rhamkhi moe khawpeok lamtung rhamkhi boeih ang lak oehkoekhi boeih ce 10/40 Window (chomkaeng) ni ti hue u. Ace mueihna 10/40 ti u noeh ani nuetnak toe Equator (Khawmik eng a cehnak ) a tuengnak voeivang ce 10 moe 40 degrees moe khawmdek khan oeh Khawsa awithang qoel hamna a ngahnak soeih khaw huenkhina awm hue.

Ace mueihna 10/40 Window ti noeh poeknak ve pakthumna a nuetnak ak awmkhi toe: Mdekkhan oeh sii am rha u noeh ani khuikhat a dawngoeh ani awm-ih ak neemkhi, Khrihca bi binak lam oeh ang thoh tahnak hlue ammak taakhi, Saharan moe North Afrika, moe Asia rham pum kon ang toek boeih (West Asia, Central Asia, South Asia, East Asia moe Southeast Asia). Mdekkhan pum thlangmi 2/3 ce 10/40 window oeh ce awm hue u. Ace 10/40 window oeh kho ak saakhi ce Muslim, Hindu, Bukdah, animist (Rhaai baeknak), Jewish or atheist) Khawsa ammak taakhi ce awm hue u.
Ace 10/40 window oehkoe ukkung boikhi ce Khrihca ammak ngah a poe tloekna awm hue u.

Ak kai oehkoe mueihlip oeh ce 10/40 window ak cerna teok tha huek te. Ang rhuen khui oehkoe rhamkhi boeih ni.