April 1 Ve Ikoe Tinoeh April Rhonak Heup Ani Ti Unum?

April Rhonak Heup (April Fools' Day) tive ang lak oehtoe Ang Heup Rhonak (All Fools' Day) ti unoeh awm anak khue law hue u. Tuh oehkoe April Fools' Day ve 1700 oeh mat moe mat daam rhuna unoeh a ning haang aa pu ana holona cuek hue u.

A tuen lonak cuek toe Julies hla noernak (Calendar) oehtoe April hla ni khat ve kumthaina ana holona hue u. Gregorian hla noernak (Calendar) oehtoe January hla ve kumthaina holona hue. Kum 1582 oeh Pope Gregory XIII eng Hla noernak thai (Gregorian Calendar) ce hla noernak qxuem Julian Calendar na chot noeh kumthai ce April nikhat amni voennoeh January nikhatna chot hue. Cenamoe thlang vang England rham tungna toe 1752 doena April nikhat ce kumthai ni ti unoeh hona bakbak hue u.

Ace a dawngoeh April ak rhonakhi ni, Kumthai haang unoeh April a rhona rhona vik hue u ti unoeh April Fools' Day ve anina tuen lona awm hue. Kumthai (January 1) amsim noeh April ak rhona, April rhona vik hue ti unoeh mat moe mat aning daam rhunak oehkoe eng ceh toeih unoeh tuhdoena anina holonakna awm hue.

Kum oet oeh Heup 365 ak awm khui oeh April 1 a pha lo oehtoe mat moe mat " Happy April Fool Day" ti unoeh a nang veok rhu hue u. April 1 a pha oehtoe a naomnakna hona unoeh mat moe mat phone oehkoe eng ni seh, Awithang hlahnak oehkoe eng ni seh, Website oehkoe eng ni seh, cawk a cannak eng ni seh, rhai qoelnak , Daam rhunak, lopsoh rhunak, Verrhunakkhi ce ana poh law hue u.

Ave ve thlang vang engtoe April Fools' Day ti ammak sim a hamna toe cangnak hamna ana yoei law hue.

Dairamtlang News