Dai Thlangkhi eng Khancet Thlaa Hlue Hue U

Tuhtloek April hla khui oeh ni Dai thlang a hamna awithanglaek soeih moe kak kawpoekna ak kuei soeih toe ikoe mueihna, hoena koe tangka eng, hoena qum seh ani ti u Khancet (Fligh) 740 x 233,  thlangmi 350 ang dangnak thlaa vang ak ti tarha vikkhi num e!!! Khancet ve Amerika a seh ni tisak ngai hue u. Ave April a boeih hlan oeh ni Dairamtlang pha law hlue hoh hue ti hue u. 

Dai thlang eng Khancet nik thlahnak hlue cu hoena koe tangka ani huh u, u eng ani tuen pueikhi ikoe mueihna anim mhuet lonak huvoei aw! Kak kawpoekna kuei soeih hue. U eng ani teng ani tumpueikhi Khancet papa cu thlaa vang ak tikhi huvoei aw! Rham chang bomnak huvoei aw? Ni Dai kho oeh ce caongbai doeng va co soe, ikoe chang amom ba bakna ikoe mueihna hoena koe tangtang eng Khancet ceteh cu thlaa vang ak ti tarhakhi num. 

Ace mueihna anik thlah oehtoe thlang vang engtoe a cuknak hlue Khancet-huen (Airport) ve Licangtlang Suennoeh Mva tla noeh rhal a tlung oeh Amerika moe Japan eng Khancet-huen(airport) na anina honak Licang tlang oehkoe a Nu mcung oeh tla seh ti hue u. Thlangvang bai engtoe Khawnungyung oeh ang tonna a Khancet-huen ni poh usoe Vueilu kho moe Mahtu khorhii, Vueilu imkaeng oeh tla seh ti usoe, thlang vang bai engtoe ak dona a huen ak nep ni sui cang voei ti hue u. Ikoe mueihna thlang ak thaa eng cu a huen toe ani daeng hlue huvoei num ka ti. 

Ace mueihna anik thlah tang oehtoe a mawng toe u eng a mawng hlue num? Ak mawngkung toe hoena koe tangka ni paek hlue num? Ni Dai thlang cu hoenak cetna aceyah yah kut-oet oeh thlangmi 350 cu ang dang hamna ni huh hlue tha huvoei aw? Kak kawpoekna kuei cipcip hue kai a hamna toe. Poek lor lah u. 

Veve ak khui oehkoe Ngoihnak hlue thlangmi 350 a hamna 

Veve Sligh anik choh oehkoe ak Khui

April News