Lishu Thlang Pak-hih KIA eng Him Hue

Lishu thlang pak-hih KIA rhalkap eng him hue tinoeh April 5 oeh Maigyiayan Mlueh oeh KIA  Rhalboi Gunthang Gamsawng eng qoel hue. 

Lishu Nation Development Party eng March 24 oeh ak anik qoek oehtoe Lishu thlang pak-hih U Thawng Sii moe U Ngawn Hta rhoi ce KIA eng him hue ti unoeh puk hue u. Ace mueihna anik puk u ce KIA khi  ani kho huen ani xipnak kong qoel coeinak oeh KIA  Rhalboi Gunthang Gamsawng  eng ani him ni ti ce qoel hue.

U Thawng Sii kum 19 ce KIA gate a hai oeh cetnoeh ammang dueih a dawngoeh Gate ak rhehkung Yu mrhui eng veuk phlak can soe KIA Si-imna a awmnak huena thi hue. U Ngawn Hta (Lishu) kum 24 ce Bohmu U Htinh Ba Laa Cia moe a xuisoikhi rhal lam ani thoep oeh Cung eng nim mhmutkhi soe ani kah mat ni tinoeh KIA a rhalboi eng qoel hue. 

Ace a kong peh ce Lishu Literature Comiti moe a xamcaakhi ce KIO bi bikungkhi moe doer dapnak ta hoh hue u tinoeh Dulae Party (Lishu Nation Development Party) a xamca U Shwe Min eng Kachin awithang KNG oeh ce qoel hue. 

Ref:Kachin News Group