Noah Tuicet 

Noah tuicet ve Khawsa awi Baibul eng anak qoel law soe thlang khawyah eng cangna usoe thlang vang engtoe amcangna hue u. Ace mueihna amma nik cangnak hui oeh thlang vang eng Noah Tuicet a mueihna Tuicet ce sep unoeh Nethalands oehkoe eng Brazil tungna cet hlue hue ti hue u. 
Teoknak hlue: http://cnn.it/1pLldyl
Ref: CNN

Voeh Teok: http://cnn.it/1pLldyl

21 Century Pyinglong Ngoihcunnak

Myanmar rham pum oeh rhoepnak hamna ming ak thut hlankhi a hamna ani thuumnak a hamna moe Pyinglong awikam anim coengnak a hamna hla oet hla hih khui oeh poh hamna Nukdoem Aung San Suu Kyi eng qoel hue. 

Ace mueihna ani poh oehtoe Myanmar rhalkap moe tlang thlang rhalkap ve ang kah rhu kanna ak awm hlue tang huvoei aw? Tuh doenna ang kap rhukhi ce ikoe mueihna num a long a lam poh hlue lang huvoei soe, rhoepnak ak poh eng poh noe noe soe ak kap rhukhi kah rhu noe noe usoe hoetuek oehnum Myanmar rham ve rhoepnak tak a pha hlue hue. 

Dairamtlang News

ISIS Khi eng Thawlhpuei Ammak Ngahkhi Nu 250 Mosul Khona Him Hue U

Khawmdek khan oeh rhalnu/ Ceem ang xoi soeih moe thlangboeih eng ani sohnak soeih toe ISIS ani tina awm hue. Nu-khi ISIS ceem moe ihpuei/ thawlhpuei a hamna doer u soe ammak ngahkhi toe him keke hue u. Thlang vang Nu toe animoeh doeng amhim u noeh ani imkhui doena ni him pe hue u. 

Mosul kho ve 2014 oehkoe eng ISIS ceemkhi eng ana hul law unoeh ani kut khui oehkoena a awmnak a dawngoeh Nu ce ani ngahna phekphoei hue u. 

Ref: Daily Mail 

Dairamtlang News
http://www.dailymail.co.uk/news/article-3549668/ISIS-execute-250-women-Mosul-refusing-sex-slaves-group-s-sexual-jihad.html#v-2970287470011763025

South Korea Oehkoe Taluk Hoi 

Talukkhi Hoi(panda) ani ti u  "Ai Bao" moe "Le Bao" rhoi ce South Korea rham a naomnak soeih Everland Amusement Park South Korea Dum ani tinak oeh ce awm hue nih.

"Ai Bao" moe "Le Bao" ce nihulam a hla oeh South Korea ani pha ve kum 22 khui oeh phom eng qih ak cu soeihna rhamchang South Korea a phana awm hue ti hue u. 

2016 Oeh Myanmar Sipuaye 8.6% Na Kai Hlue Hue

Amerika rhamna ak awm International Monetary Fund (IMF) Yung eng April 14 oeh ak qoel awithang oehtoe 2016 kum khui oeh Myanmar rham ve Cipuaye lam tungoeh ak laek soeih rham cayin oeh awm law hlue hue tinoeh qoel hue. 

2016 ve khawmdek khan rhamkhi Cipuaye lam tungna hulam pan moe usoenum Myanmar rham engtoe hailam panna hue tinoeh IMF eng qoel hue. IMF oehkoe Research Department oeh Division Cheif ak biikung Oya Celasun engtoe Myanmar a konglam ce 2016 khuioeh ve cipuaye lam tungna kai hlue hue tinoeh qoel hue. A kainak ve 8.6% dona kai hlue hue ti hue. 

Asia rham khuioeh Bangladesh, Philipines, Lao, Cambodia moe Vietnam rhamkhi eng awm Myanmar a mueihna 2016 khui oeh sipuaye kainak hu kom usoe toe 6% doena kai hlue hue tinoeh IMF eng qoel hue. 

Ref: Newsweek

Dairamtlang News

Myanmar Ve The World Press Freedom Index Oeh 143nakna Awm Hue

Myanmar rham ve ni hulam oehtoe awithang ak lookhi(Media) ve amma ni ngah rhoe hla ni, cenamoe tuh oehtoe The World Press Freedom Index eng awithang lam oeh a donak khyoer khyoer ce dangsak hue. 

Mdekkhan oeh ni khawsak rhamsaknak ve hulam koeh ning mangnak tlah a hamna awithang lookungkhi (Media) eng a ngah tawkna bi ani binak a hamna Reporters without Borders eng qoel hue. 

The World Press Freedom Index engtoe a hoei boeih a samphangna qoel hamna moe ang heup angdah a awm kana bi bi hamna ngahna hue. Kum 2015 oeh Latin Amerika eng hailam koeh pan noeh Media lam oeh hulam ang voei tlah a dawngoeh thlang boeih eng amna ngahna hue u. Asia oehtoe Singapore, North Korea moe Taluk nak oeh Myanmar rham eng ve tuh toe Media lam oeh hailam pan hue. 

Mdekkhan pum rham 180 khuioeh Media/press oeh ak cueknak oeh ak do soeih toe Finland ni. Ang hihnak oehtoe  Netherlands moe am thumnak oehtoe Norway rhamna awm hue. 

Press/Media a donak moe amma donak rhamkhi:

1 Finland
2 Netherlands
3 Norway
4 Denmark
5 New Zealand
6 Costa Rica
7 Switzerland
8 Sweden
9 Ireland
10 Jamaica
11 Austria
12 Slovakia
13 Belgium
14 Estonia
15 Luxembourg
16 Germany
17 Namibia
18 Canada
19 Iceland
20 Uruguay
25 Australia
38 United Kingdom
41 United States
45 France
69 Hong Kong
70 South Korea
72 Japan
101 Israel
104 Brazil
105 Nepal
117 Qatar
118 Macedonia
119 United Arab Emirates
120 Afghanistan
130 Indonesia
133 India
136 Thailand
138 Philippines
141 Sri Lanka
143 Burma/ Kawlram
144 Bangladesh
146 Malaysia
147 Pakistan
148 Russia
149 Mexico
154 Singapore
155 Brunei
169 Iran
175 Vietnam
176 China
177 Syria
179 North Korea
180 Eritrea

Ref: FYI.

foto: RSF.ORG / SKJERMDUMP/NRK - 

Thlang 77 A Himkung Eng Norway Coyah Taya Coinoeh Noeng Hue

Norway rhamna Cimca eng thlang 77 anak him lokung Anders Breivik eng thong ak thlaakung Norwegian Correctional Service taya coi hue. Norwegian Correctional Service ve Norway coyah eng thlangthawlh awicekkung a hamna ani takna awm hue. Breivik eng thong a tlaknakna ka poh khoei a mueihna a huhkhi a kongoeh ce taya ni coikhi soe April 20, 2016 oeh awi khyoepnak ta hue u.Ace mueihna awi khyoepnak engtoe Norwegian Correctional Service eng ve thlang himkung Breivik ak khan oeh a pohkhi ce Human Right Convention upade Pohma no. 3 a mueihna thawlh hue u tinoeh Norwegian Correctional Service ce ani thawlhnak huh pe hue u. Ace tlahnak a hamna Norwegian Correctional Service eng yarphli khui oeh a tuem ta unoeh ace yarphli khui oeh amma ni pohthana a tlak oehtoe anik khan oeh thawlhna awm hlue hue.

Anders Breivik eng July 22, 2011 oeh Norway coyah a yung awmnak Oslo kho Regjeringskvartalet  oeh mawtaw oeh bom a paok a dawngoeh thlang 8 ana thi hue. Ace a huna Utoya tuikuk a kaeng oeh Workers’ Youth League (AUF) eng a poh Summer Camp oeh cetnoeh thlang 69 maa eng ni8 kapkhi hue. Ace a dawngoeh 2012 August hla oeh anih ce kum 21 thong tlak hamna anina poh lona awm hue.  Ref: Reuters

Dairamtlang News

Samaritan's Purse Sipi Thuen Sihkhi Ni Bomkhi Hue

Phungqoel mingthang Billy Graham a Capa Franklin Graham a xuisoi Samaritan's Purse Khancet ce tuhngoi oeh Greensboro oehkoe eng NC 40 tom phunoeh teok khenkung thlang 30 moe Sipi thuen ak cam eng kueinak ak huukhi bom hamna cet hue.

Ace ani bom hluekhi ce ni hulam oeh Sipi ang thuennak huen, Ecuador rhamna laembai ak sawngkhi a hamna Si-khi ce phui hue. 

Dairamtlang News

Orlong Ngakpuei Kai Hue

Dai thlang eng ning ngaih-u mat toe khawcui oeh ngakpuei ak kai lo hlue ce ni. Ngakpuei ve khawcui kut oet oeh thumvoei kai noeh ak cuek a kainak ang lak oeh ang hihnak moe am thumnak a kai ve ana nui khoei hue. 

Ngakpuei ve tuica/ laungca a hoei oeh amkai noeh Buui/ Buuitui ani ti rhoe tuica oeh ce a kum a tue kuem ana kai law hue. Ace mueihna thumvoei ana a kaihnak khoei Buuitui oeh ce thumvoei ana kai law hue. Anglak oehtoe Tui qaem yapkhi oeh awm a kainak awm hue. 

Ni Dai thlang eng Khinkha a lo oehkoe hamna, Yu ak su a awm oeh Yu pannak a hamna anam mkoeih law khoei hue u. 

Dairamtlang News

Mdekkhan Pum Oeh Prime Minister Khui Oeh Ak Do Soeih Nu

Uknak lam oeh ammak ngahkhi ce rhalkap eng ni kapkhi soe thlang a thong a sang eng thihnak moe laembai sawng usoe, ace hui oeh Pheu Thai Party (PTP) oeh ce Yingluck Shinawatra eng mee cuh hue. Ace mueihna thlangkhi khuikhatnak ani sawng hui oeh nani ngah ni poh paekkhi kawng nueng ti Mee ak cuh Yingluck Shinawatra eng noengnak hu noeh Thailand oeh ak cueknak soeih Nu Prime Minister na July 2011 oehkoe eng 2014 doena ana awm law hue. 

2011 oeh Yingluck eng a noengnak toe  Aung San Suu Kyi eng ni hu kum oeh a noeng a mueihna noeng hue. Pheu Thai Paham oeh MP ngoihnak 500 ak awm khui oeh 310 ngoihnak ana hu lawnoeh 2011 oehkoe eng 2014 doena Thailand rham ana uk law hue. 

Yingluck Shinawatra ve khawmdek khan Nu Prime Minister boeih ang lak oeh ak do soeihna awm hue.

Dairamtlang News

V-President Pa Henry Van Thio moe Chin Hluttaw (MP) Khi ce Mizo Cacongkhi Eng Xum Puei Hue U

Tuhhi kum V-President ak bi lo Pa Henry Van Thio moe Chin Hluttawkhi ce Mizo Zirlai Pawl (MZP) ani ti u Mizo Cacong tloek eng Nay Pyi Taw na cet u uem peuinak pe hue u.

Mizo cacong oehkoe a xamcaakhi, Uhkawthat, Tangkakhoem moe bibi puei pakhih tloek eng Nay Pyi Taw na cet u noeh Chin thlangkhi Pyithawngsuh hluttaw oehkoe moe Hluttaw president ani pakhih a cuna thlang 24 ce uempueinak pe hue u ti noeh MZP Xuikung B. Vanlaltana eng qoel hue.

"Myanmar rhamna kanik taina Chin thlang eng Myanmar rham ukkung V-president kanikkhi awm uem soeih hue u nueng. India rhamna pateng kanih Mizoram oehkoe eng Pyithawngsuh hluttaw 2 doeng ni a awm hue. Myanmar rhamna toe kanik taina Chin thlang khui oeh MP 25 a awm tha ve uem ham soeihna awm hue. Ace a dawngoeh Mizo cacongkhi eng uem pueinak kani poh u ni" ti hue.

Ace uem pueinak toe Nay Pyi Taw Baptist Church oeh ce khawmuelam khawnoek 3 hona u noeh Pa Henry Van Thio moe Chin MP thlang 24 thuum tha hue.

V-President Henry Van Thio eng awm Mizo Cacongkhi eng tangka ani boeih doeng amkhoek soe vedengna law unoeh ani uem lo pueinakkhi ak khan oeh a jelnak awi qoel hue.

Ref: Khonumthung News

Dairamtlang News

India rhamna Khancet ang Tlak Qih Cu Kon Hue Teok Lor Lah

https://www.facebook.com/sharer/sharer.php?u=https%3A%2F%2Fwww.facebook.com%2FRTvids%2Fvideos%2F1192893657387552%2F&display=popup&ref=plugin&src=video

2015 Miss Universe Ma Ei Phyo Thwe moe A Nu Mawtaw Accident Oeh Thi Huenih

Mawlamyaing Mluehna koe 2015 kum oeh Miss Universe Ma Ei Phyo Thwe ce Yangon moe Mandalay ang lak oeh Mawtaw lamcet xee noeh  ani Nu Caa a huen oeh thi hue nih. 

Tuhngoi April 11, ngoilam khawnoek 9 oeh Mon Pyine na koe eng Shan rhamna Einglay tungna ani khawsa baek hamna ak cet Ma Ei Phyo Thwe eng mawtaw a mawng ce lamnu meng 97 , 2 falung moe 3 falung ang lak oeh lamcet xee Ma Ei Phyo Thwe ce a huen oeh thi soe thlang vang ce Si-im pha hue u. 

Rham Uknak Kong Oeh Thongtla April 8 Oeh Ak Loerkhi

NLD eng uknak hunoeh Nukdoem Aung San Suu Kyi eng State Counsellor a bi a mueih oeh ani bi lo mat toe uknak lam tung oeh thong ak tlakhi loernak ni. Ace uknak lam tung oeh thong ak tlakhi ce a takna toe rhalkapboi (Kaachoh) ce doerdap cang unoeh ani loersak hlue hla ni, cenamoe anih doernak hamna a tuem amom hue ti unoeh President eng Aung San Suu Kyi senthuh sak noeh ani hlahkhina awm hue. 

Ace rhoe ce ani ngahnak a dawngoeh NLD eng Aung San Suu Kyi ve State Counsellor na ani takna awm hue. Tuh oehkoe ce ak cuek bi abi binak a ning dangsakna awm hue.

Dairamtlang News

Manny Pacquiao eng Timothy Bradley Ce Hihvoei Thawng tluk Kakkak Noeh Noeng Hoh Hue

Khawsa uepna soeih Manny Pacquiao eng Timothy Bradley ce hihvoei thawng tluk kakkak noeh noeng hoh hue. Tuh oehtoe Manny Pacquiao ve a bi bi duem hlue hoh hue. https://youtu.be/0W4alzVidZQ

https://youtu.be/0W4alzVidZQ

India Mueidang Ak Laek Soeih 

Am msii am mrha a dawngoeh  Nula beoi noeh cehta hue. Cenamoe ace pa ce a huna boei soeihna awmnoeh Nula ak beoikung a Va (ak Paami) ce anih venna bi binoeh hla-oet oeh India tangka ting 5 hu hue. Ace Nu eng a Va ce anih a kut khui oeh ni bi a bi tice amsim noeh cadawngpa a venna a Va eng hla-oet oeh ting 5 a huh ce mtheh hue. 

Nula eng husit noeh a phlang taekkhi kai pe noeh a husit ce teok lah. https://youtu.be/c8I6MRnRqX8

Thlangxing khawsaknak oeh ve a ve mueihna ni awmnak, thlang ni huhsitnak, nimoeh nak oeh ammakta moe ak coi ak camkhi ni huhsitnak ve hailam oeh ve ak thlang eng ikoe mueihna num a awm lo hlue ti ce amni sim a dawngoeh ni. 

https://www.youtube.com/watch?v=c8I6MRnRqX8&nohtml5=False

https://youtu.be/c8I6MRnRqX8

Manny Pacquiao moe Timothy Bradley Thawng Rhu Hlue Hoh Ba Hue Nih

Khawsa ak uepna Manny Pacquiao moe Timothy  Bradley toe tuhngoi April 10, Myanmar khawnoek ngoilam 7:30 moe US Eastern khawnoek 9 pm oeh cutna awm hlue hue. 

Tuh oeh a ning thawng rhunak hlue ve a thumvoeinakna awm hlue hue. A ningnih ve 2012 oeh kut-oet, moe 2014 oeh kut-oet thawngrhunih noeh tuh ve am thum hluena awm hue. 

Pacquiao vs. Bradley happens 
Saturday.
April 9 live on pay-per-view beginning at 9pm ET/6pm PT.

https://www.youtube.com/watch?v=a2bPFp4Ln00#action=share

Dairamtlang News

Korea Nulakhi Moe Cherry Pai

Chikca, khawrhoeinak tuem boeih lawnoeh khoxai cut law ba hoh noeh Cherry pai ce lawng a lam a hoeina moe imkaeng, lamkaeng a hoei oeh pai noeh baok eh eh soe, ani kho ani rham anik rhehkhi Korea Nulakhi toe manglaw sip sip hoh ba hue u. 

Chikca tloek oehtoe ani kut ani khoo yoop unoeh thlang eng amma ni huh hluekhi kawih a mueihna ak koemkhi hla ni, khoxai lawnoeh awm law soe hiinak boetkhi naa law ba unoeh Cherry pai a mueihna lawng a lamkhina baok eh eh vik hue u. 

Indonesia Rama Mi 3000 in Baptisma an chang

Khawvela Muslim ram zinga Kristiante tihduhdahna lama hming lar ve tak ram nia hriat Indonesia rama Isua chu Lal leh chhandamtua an pawma Pentikos ni ang mai in mi 3000 laiin Baptisma an chang a ni. Hei hian Indonesia rama leh Muslim rama Isua Krista chu a Lal leh zual dawn ani tih a entir a ni. 

Ref: Myanmar Christian News

Indonesia Na Thlangmi 3000 eng Baptisma Hu Hue

Indonesia rham ve Muslim ak thamahnak rham moe Khrihcakhi ani phekphoeinak rham matna awm hue. Khrihca ani baekim moe ani awmnak imkhi moe Khrihca thlang ani hunakna toe ani phekphoeinak khorham khui oeh mingthang mat ni. Ace mueih rham mat oeh tuh oeh Jesuh Khrih ce ani Boipa moe thongkung Boina cangna unoeh thlangmi 3000 eng Baptisma ani huh ve uem puei ham soeih soeihna awm hue. 

Hailam oeh ave nak oeh ak doem eng Jesuh Khrih a thongnak ani simnak a hamna cuekcahnak eng ni sim ve u. 

Dairamtlang Awithang

BARCODE NUMBERS 

Ni rham ve rham changna koe thaem ak hona thlangna ni awm a dawngoeh ak do ak che ni sim hamna ngah soeih hue. Thaem che holaw usoe yawm amni simnoeh ak do holaw usoe yawm ninak khong hlue hue. 

Ikoe mueih a thaem awm ni seh a thuep (Original) thaem ak khan oeh ni seh, moe ak che ngai thaem ak khan oeh awm ani bet u, ak baok moe a lae eng ang tuel anik bet ce nina hu khoei hue. Ace ce English/ Thlangbaok awina toe " Barcode Number" ti hue u. 

Ace barcode oehkoe eng na thaem thlah ce hoena khorhamna koe eng ani seh unum ti ce ni sim tha hue. Barcode ce ak khuina ni teok cer (scanner) ni poh khyoer oehtoe ang coei betna ani sehnak ang heup moe a kum a hla doena ni sim tha hue. 

A yoeinak oeh hoena rhamna koe eng ve thaem ve ak lo num, u a seh num ti ve ni sim ni ngahna a tlak oehtoe Barcode ce ni teok kom soe, mat-lam (cawngtung) na koe eng ak rhuel 3 doe noer tik soe ace eng ce hoena rhamna koe eng ani seh thaem num tice sim hlue huekte. 

Ace Barcode oehkoe ca ce na teok oeh 890 tice na huh oeh India thaem ni ti ce sim hlue toeit huekte. Ace a dawngoeh thlang eng ka thaem ve USA, Japan, Korea, Europe seh ni ati oeh awm Barcode oeh ce ni teok noeh ni sim hlue tha hue. USA Barcode ce 000-019 a huma amma nii oehtoe USA thaem seh amni hue ti ce ni sim hamna ngah hue. Ace mueih lorna 450-459 ang lak huma amma nii oehtoe Japan thaem seh amni tice ni sim hamna ngah hue. 

Myanmar barcode ve 

Lishu Thlang Pak-hih KIA eng Him Hue

Lishu thlang pak-hih KIA rhalkap eng him hue tinoeh April 5 oeh Maigyiayan Mlueh oeh KIA  Rhalboi Gunthang Gamsawng eng qoel hue. 

Lishu Nation Development Party eng March 24 oeh ak anik qoek oehtoe Lishu thlang pak-hih U Thawng Sii moe U Ngawn Hta rhoi ce KIA eng him hue ti unoeh puk hue u. Ace mueihna anik puk u ce KIA khi  ani kho huen ani xipnak kong qoel coeinak oeh KIA  Rhalboi Gunthang Gamsawng  eng ani him ni ti ce qoel hue.

U Thawng Sii kum 19 ce KIA gate a hai oeh cetnoeh ammang dueih a dawngoeh Gate ak rhehkung Yu mrhui eng veuk phlak can soe KIA Si-imna a awmnak huena thi hue. U Ngawn Hta (Lishu) kum 24 ce Bohmu U Htinh Ba Laa Cia moe a xuisoikhi rhal lam ani thoep oeh Cung eng nim mhmutkhi soe ani kah mat ni tinoeh KIA a rhalboi eng qoel hue. 

Ace a kong peh ce Lishu Literature Comiti moe a xamcaakhi ce KIO bi bikungkhi moe doer dapnak ta hoh hue u tinoeh Dulae Party (Lishu Nation Development Party) a xamca U Shwe Min eng Kachin awithang KNG oeh ce qoel hue. 

Ref:Kachin News Group

Japan Rhamna Aung San Suu Kyi A Kong Sengim Oeh Cong Hue U

Nagoya-shi, Aichi, Japan na Mva nu mat eng lam a ceh doena Cacong mat ak cauk hlannoeh teok pe hue. Ace ak cauk khuina Aung San Suu Kyi a konglam ka huh oeh ka mikphlina baw hue. Ni hukum oehtoe ak cong hlankhi hla ni, tuhhi kum oehkoe eng cut unoeh Sengim oeh congna awm hue ti hue.

Credit : The Ladies News Journal 

President Ak Choeina awm State Counsellor Aung San Suu Kyi

Aung San Suu Kyi eng NLD ang aung oehtoe President ak choeina kak awm hlue a ti ce sutsak hoh hue. Ikoe tinoeh num ni ti oehtoe Aung San Suu Kyi ce State Counsellor na awm hamna NLD coyah eng ani poeknak ce Amyotha hluttaw eng anik pom pe coengoeh Pyithu Hluttaw pha puei usoe NLD thlang khawyah ani lo a dawngoeh Rhalkap tloek eng amngah unoeh kah loei usoe Pyithu hluttaw eng awm pawm puei bak bak hue. 

NLD eng State Counsellor a poh ngahnak toe Aung San Suu Kyi ve President bi hamna rhalkap tloek eng koeh ngah unoeh anih ak kangna ukpade ani poh a dawngoeh tuh toe president ak choeina awmnak a hamna lam ani sui pena awm hue. Ace State counsellor ce khorham a laeknak a hamna moe Federal rhamna a awmnak a hamna ak ngah soeih matna awm hue. Cenamoe rhalkap engtoe amngah noeh State Counsellor ang yuengna President advisor na ni ta useh ti hue u. 

Ave ani pohnak toe NLD eng 2008 ukpade pohmah 217 a mueihna ani pohna awm hue. President ve a ngah oehtoe thlang mat mat amma ni oeh thlang bawng eng puei tha hue tinoeh awm hue. Ace ce tuh oeh ani lohna awm hue. Ace mueihna ukpade oeh a awm a dawngoeh NLD engtoe Ukpade a mueihna pomna awm hlue hoh hue. Amyotha hluttaw moe Pyithu Hluttaw eng hatlakna hoh soe Pyithawngsuh hluttaw a pha puei kana  President U Htin Kyaw eng sen a thut oehtoe Aung San Suu Kyi ce rhampum poeknak peekung, State Counsellor bi ce bi hlue hue. 

Chief Minister Salai Lian Luai Eng Meeting Kani Poh a Tuekuem Oeh Cuekcahnak Ta Hlue U Nueng

Chin pyine Chief minister ak thai Salai Lian Luai eng  March 27 oeh awi qoelnak pe usoe, " Tuh oehkoe mueihna a poek kana Chief minister ani paek a dawngoeh lue hue nueng. Cenamoe Khawsa yawkdo paek ni. Ka ve NLD ka lutnak awm i rhuet law hlan hue. 2015 kum oeh MP ka cuh hui oeh MP ka huh mantoe ikoe mueihna num ka poh hlue tinoeh Pastor pa venna cetnoeh cuekcahnak ni taak pe tinoeh thoeh hue nueng. 

Thlang khawyah moe bi matna bi lo hluena a awm a dawngoeh ka kut mat lam tungna Khawsa bi binoeh ka kut mat lam tungna thlangxing a bi bi hlue nueng. Meeting kani poh a tuekuem oeh Khawsa venna cuekcahnak eng ni cut puei hluekhi nueng. Na ni cucaa ak khan oeh jel soeih soeih h8ue nueng. Ka bi bi a hamna cuekcahnak eng ni sim law poepa u.

Ace poeng oeh Chief Minister U Hung Ngai eng awi qoelnak tanoeh ni Chin thlangkhi ve Chin Baptist Convention a awmnak ak cam eng pum-oetna ni awm tha hue u ti hue. Ace a ti coeng CBC eng Chief minister ak thai moe Chief minister ak khyuem rhoi ce kutdonak pe unoeh uemnak ta hue u.

Dairamtlang Awithang

8 Pupphli (8888) Oeh Ak Thikhi Ming Lo Hue U

1988 kum August 8, oeh cutnoeh Democracy ak ngah thlang khawyah eng ani thii ani sa eng a nang ya lawnoeh ani mikphli haapcak eng buh aok an aih kaana anak awmlo amsava hue. Tuh toe Myanmar rham Democracy ni tinoeh ning ngaih rhep hlue yap vik hue. 

Ace hui oeh ak thikhi ve tuh oehkoe Aung San Suu Kyi eng uknak a huhnak a hamna anik thum anik tha doeng amkhoek soe ani xingnak paek doena Democracy ve aninak thlahna awm hue. Thlang ak thikhi ve ak cerna toe u eng amni sim hlue tha moesoenum tui a mueih rhoena thlang a thii ang laung ce ni poek oeh thlang ammak sava eng thihnak hu hue u tive u eng awm a poek kana amom ti huvoei soe. 

Maa eng kap usoe ak thi, Bop usoe ak thikhi moe thongim khuina phepphoei usoe ak thikhi thlang khawyah ni. Ace mueihna ni pohnak ve tuhhi kum August hla 8, 2016 oehtoe kum 28 a cupnak hlue hohna awm hue. Nunuk poek oeh kawpoekna naa chimnoeh tuh oehkoe NLD eng ve a cekkhi a hamna Simpoenak a poh ham tueng rhoe rhoena awm hue. A ningnikkhi ak cam eng tuh oeh NLD xuikhungkhi ve ak awmlokhina awm hue u. 

Khancet Tuikaeng Oeh Tla Hue

Iceland rhamna Khancet (Flight) ce khanna ang ding hui oeh ak khuina qih ak cu soeihna awi ce Khancet mawngkhung eng ang yak a dawngoeh ang tonna qum hamna caa hue. A qumnak hlue kho a haih poek oeh hla va hla lonha, ak changna a qumnak hlue num tlang sang xongna awm hoeh soe a yoenak bet kho ce pan hue.

Ace mueihna a yoenak kho a pan hui oeh Khancet ak mawngkung eng Khancet-huen a pha hlan oeh nawngvoeikhaca awm hue mi kom a ti oeh a yoenak soeih khoca mat oeh ce qum hamna caa hue. Ace mueihna a qumnak hlue huen a sui hui oeh Khancet ak mawngkung eng qum vang a tinak a pha hlan oeh Khancet ce tuiceng oeh tla hue. 

Khancet ak mawngkung engtoe ikoe mueihna awmnoeh ikoe mueihna ak tla num tive amqoel hue. Thlang ak laembai toe amom moesoenum nat ang yaakhi thlang khawyah awm hue u ti hue u.

Pee 45 ang Sang Nganu Thi Hue

February 4, 2016, cawnnili oeh ce England rham,  Hunstanton Norfolk lawngrhuengna Pee 45 na ang sang Nganu ( Sperm Whale) ani ti u ce yaa khingnoeh lawngcengna a awmnakna a kaengsam oehkoe thlangkhi eng a xingnak hul pe a hamna tuikhuina thak a hamna caa moe usoe Nganu ce xoi lonha soe amma ni poh noeng a dawngoeh muelam khawnoek 8:00 oeh ce ani hlumhleenak hui oeh a xingnak khum hue. 

Marine Biologist Dr Conor Ryan- engtoe ni hulam a hla oehkoe eng cutnoeh tuhdoena Nganu (Sperm Whale) 23 thi hoh hue tinoeh, thlangxing ak cam eng khyin ak taaikhi eng khuikhatnak soong hue u ti hue. 

Ref:Daily Mail