Unum Amerika President Ak Huu Hlue

Amerika rham ukkung a hamna tuehnaak ce tuhtloek poh hulina awm hue. Ace tuhnaak oeh ce Donald Trump moe Hillary Clinton pakhih khuioeh u eng num noengnaak hunoeh Amerika President a bi hlue ti ve tuhtloek thlang boeih eng a poek huina awm hue. Tuh ani poh ceekhi khui oehtoe Donald Trump eng ve noeng bet hue. 

Kamoeh engtoe ak cuek oehkoe eng Donald Trump ve thaa kana paek soeih matna awm hue. Ace mueihna thaa ka paek ka ti oeh ve thlangdo, thlangsoep anii a dawngoeh amni noeh, Khristiankhi a hamna ak dona kho a poek hlue a dawngoeh ni. Thlangsoep ni ti oehtoe u awm amom hlue hue cenamoe ammak soep rhoi khui oeh Khristiankhi a hamna ak hawikhang bet toe Donald Trump na awm hue.

Thlangchekhi khui oeh awm Hillary Clinton moe ang dueihpueikhi ve ani awm anik ih sae soeih soeih hue. Donald Trump eng ca a taikhi khong pe unoeh, Donald Trump ce ak puum ak kawi a mueihna ani awmsak doeng amkhoek soe Nulakhi vat unoeh Donald Trump eng ani ihpuei ni ti unoeh ani rhaikhi qoensak hue u.