Obama Eng Christmas Non Ham Nang Caa Hue

Amerika rhamna President awmnaak im Washngton oehkoe White House oeh ce kum khawrhuet oeh "Merry Christmas" ce ana holona hue u. Ace mueihna ani honaak ve Liberal Khristiankhi eng toe amngahna ngai hue u. Ace a dawngoeh Amerika President Barack Obama eng Washington oeh "Merry Christmas" ang yuengna "Happy Holiday" tinoeh honaak a hamna caanak ta hue tinoeh "The Political Insider News eng qoen hue.

Merry Christmas, Washington oeh amma ni honaak hlue ce  Evangelical Khristiankhi engtoe amma ni ngah rhoena awm hue. Ace mueihna Christmas pateng ak khong ani huh oeh Obama ve Muslim tak tak ni ti unoeh thlang khawyah eng poek hue u. A Nucong ve Muslim oehkoe ak tung soeih ni ti unoeh thlangvang engtoe qoen hue u. 

Christmas ve Washington oeh kum 1982 oehkoe eng ana holona hue u. Christmas ani honaak am mthan oehtoe Washington ce Christmas thing, Christmas maa caang eh eh noeh lungding Laasak awi eng thongkung boi Jesuh, thlang boeih a hamna a lonaak ce mkueihcahnaak Laasak ang thangna thang pok pok hue ti hue u. 

Thlangvang engtoe ace mueihna Christmas Laasak awi ce tentoeng bangrho eng a ding a seukna a ning yaak oeh Washington rhoe rhoe a cehtaak hamna amngah hue. Cenamoe amngah ngah usoe yom tuhtoe Obama eng "Merry Christmas ce Happy Holiday" na nik choet paekkhi hoh hue.