Manny Pacquiao Eng Jessie Vargas Thawng Phakphak Hue

Manny Pacquiao eng Jessie Vargas ce thawng phakphak noeh 114-113, 118-109, 118-109 eng noengnoeh Weltereight Champion na awm hue. Tuh toe Khawmdek khan 8 naak oeh ming thuumsakna awm hue. 

Pacquiao ve pe 5' 5" lawnoeh Vargas ve pe 5' 10" a lo a dawngoeh, Pacquiao eng amoeh naak oeh ang sang cu amnoeng tang tikom ti unoeh thlang boeih eng ana poek hue u. Cenamoe thlang a poeknaak a thaalam tungna Khawsa a bi binaak ce Pacquiao a venna noengnaak pha hue.

Manny Pacquiao eng ave mueihna noengnaak a huhnaak ve Khawsa a uepnaak ak cam oehkoe eng ni. Ace mueihna thawngrhunaak oeh a lut lotom oeh Khawsa venna am mkhuk suemnoeh cuekcahnaak tanoeh, thawng rhunaak a boeih khoen oeh awm am mkhuk suemnoeh Khawsa venna jel awi qoen hue. Ace ak cam eng tuh toe noengnaak a huh hue.

Nihulam oeh a noengma oeh tangka a huhkhi ce thlang khuikhakhi a hamna im 1000 sak penoeh Amerika Dollar khawyah ce ak khuikhakhi a hamna ni paekkhi ba hue. Irhuetcaa law hlan soe tuh toe ace naak oeh ak doemna Khawsa eng yawkdonaak pe hue.