Tuhhi Kum, Hailam November hla oeh Amerika President tuehnak ak awm lo hlue a konglam ce, "US President tuehnak u eng num a noeng hlue" awidoernak oeh ce Professor Allan Lichtman engtoe, tuhhi kum tuehnak oehtoe Donald Trump eng noeng hlue hue tinoeh qoen hue. Professor Allan Lichtman ve Washington D.C.I, Amerikan University oeh Political Historian khuui oeh congpueikung (Professor) mingthang soeihna awm hue.
Anih ve Harvard University oeh Ph.D ak boeihna awm hue. Political history (Rham uknak khuuikhing) a konglam ve cauk 9 anak yawk lona awm hue. Cauk a yawk khui oeh mingthang soeihkhi toe “The Key To White House, President Niinak Hamna Tahnak 13(The Thirteen Keys to the Presidency)" caukkhi ve mingthang soeihna awm hue.
Awithang (News) lam oeh mingthangkhi CNN, MSNBC moe Fox News khi eng awm awidoernak moe thoehnak anina poh hoeih hoeih ak thlangna awm hue.Amerika rham oeh mingthang Newskhi Maryland's Journal, Gazette newspapers, New York Times, Washington Post moe The Baltimore Sun oeh awm awithang anak yawk oem ak thlangna awm hue.
Allan Lichtman eng 1984 oehkoe eng cutnoeh US tuehnak oeh ve u eng num a noeng hlue tinoeh anak qoenkhi khui oeh " Ronald Reagan, Bill Clinton, George W.Bush moe Obama awm US President hu hlue hue tinoeh a ning ming ana ti law hue.
Congpueikung Allan eng ak qoen a mueihna tuh awm thuem hlue hue ti unoeh thlang ak kuu eng ngaih-u hue u.
No comments:
Post a Comment