Amerika Eng Donald J.Trump Ang Ngaih-U

Israel thlangkhi eng Jesuh (Messiah) a nang ngaih-u unoeh, Messiah a lo oehtoe boi soeihna ngoi lawnoeh ni uk lawkkhi soe rhan a hoei hoei ni noeng law kom ti unoeh a ning ngaih-u a mueihna Amerika eng awm Donald J.Trump eng President a bi oehtoe:

"We will make America Strong Again
We will make America Safe Again
We will make America Decent Again
We will make America Proud Again
We wil make America Great Again" ti hue u.

Obama eng tuehnak a cuh lo hlue oeh awm ace mueihna a hoei a poh lo hlue a mueihna thlang boeih eng a nang ngaih-u hue u. Cenamoe tuh oehtoe Barack Obama tinoeh u eng amkhue noeh, "ISIS Obama,Hussein Obama, Amerika President khui oeh thlangche soeih" ti unoeh sohna hue u. 

Tuhoeh a ning ngaih-u Donald J. Trump eng, " Kaa ve Prebyterian baeknak ni, Evangelical dueih puei nueng, Amerika ak do soeihna poh hlue nueng" ti soe tuhtloek oehtoe lungna soeih hue u. A huh lo tak oeh ikoe mueihna ani sohnak hlue ti toe amni hak sim hue. Aw!! thlangxing, thlangxing, thlangxing, ammak soep mdekkhan oeh nik awm huenna awmnoeh ni.

Nihulam oeh Myanmar rham oeh Aung San Suu Kyi ve thlang a hoei hoei eng ngaih-u unoeh, anih eng a uk lo oehtoe a hoei cor voei ammak awmna ak do hlue toeih a mueihna qoen hue u. Cenamoe mueidangpa (Actor) Yakana engtoe "Kaa toe u awm kak kaw eng khuek ti hlan hue" ti hue. Uknak thai moe ak khyuem ce ang mueih yawk a kaa a mueihna awm hue tinaak ni.