Ni Dai thlang eng Mlueh taak a hamna ti unoeh pongcaanak khawrhuet oeh ana ta law hue u cenamoe tuhdoena Dai mlueh a hamna ve seh ani ti ve awm hlan tang hue. Dai pum a hamna Mlueh mat ni sui mantoe huen ang luungnak moe a donak hlue bet toe Lungtu kho a kaengsam tloek ve do hlue hue. Ikoe tinoehnum ni ti oehtoe Batu tungna koe eng Mawtaw pha tha noeh Yakhain rham tungna koe eng Tuicet hakpha law hlue tha hue. Cenamoe a kueinak toe thlang amom hue. Thingkong kho moe Lungtu kho nim mcun soeyom iyah amlaw hlue hue. Dai pum oehkoe thlang ni coi soeyom a kueinak khawyah awm hue.
Ang hihnak oehtoe Mindat mlueh tungna koe "Mkui-imnu" kho ve Dai pum a hamna mluehna ni taak mantoe ikoe mueihna a awm hlue. Mkui-imnu kho ve Sengim sang (High School), Si-im, moe Palik toe awm hoh moe soenum, a kho imdong ve 150 pateng ampha hue ti hue u. Ace mueihna 150 im ammak pha cu ikoe mueihna Mlueh mat a huh hlue tha num ti ce poek hamna awm hue.
Am thumnak oehtoe Omsoi kho, Omsoi kho ve A moe B a ning cunna a tlak mantoe 150 tluk toe law hlue moesoenum Omsoi ve Batu moe a yoe bet a dawngoeh mlueh huhnak a hamna a kueinak betna awm hlue hue.
Ak phlinak oehtoe Mahtu kho, Mahtu kho ve imdong 240 lawnoeh, Si-im, Dairam Synod Yung, High School hu tom banoeh ak do hlue soeih a mueihna awm hue. Cenamoe Mahtu kho eng ve ani awmnak imhuen a donak bet oeh ani sak tha mantoe laek soeih voei tinoeh ngai hue nueng.
Dairam Mlueh A Hamna
No comments:
Post a Comment