Korea Rhamna E-9 Visa Eng Bi Bi Ham Ak Ngahkhi A Hamna

Korea rhamna E-9 (employment permit system) visa eng bi bi hamna ak ngahkhi a hamna sim ham koeihkhi noer lor lah. Asia rham oeh tangka suinak moe ak laek soeih toe Japan rham moe Korea rham hoh ni. 

Korea rhamna bi bikbi a hamna nang caa oehtoe EPS -TOPIK (employment permit system) a hamna Korea awi ce cong hamna ngah hue. Ace mueihna EPS na cong ve Korea na ceh oeh bi na bi oeh na honak hlue awilungkhi ni ani congpuei hlue hue u. 

Ace mueihna Korea awi congnoeh EPS eng Korea rhamna bi ak bi a hamna toe a kum 18-39 doena ti hue u. Ace Korea ca ak cong boeih ce Yangon, Mayangon oeh camingpoei phi noeh ang aung toe Korea rhamna bi bi hamna thoehnak poh hlue tha hue. 

Korea rhamna E-9 Visa eng bi bi a hamna cueihnak amngah hue. Korea awi a sim doeng ni a ngah hue. Korea awi ve Yangon na ani congnak mat mat oeh congnoeh camingpoei phi a hamna Myanmar rham awithang (news) oeh ani qoel lo oeh ce cetnoeh camingpoei phinak a hamna $ 24 (dollar 24) penoeh phi hlue tha huek te. 

Korea awi camingpoei phi ham ve a tuem ani paekkhi oeh ce phi hamna awm hue. Tangxa ca bata 2 a mueih tlukna kuei huvoei soe. Ace camingpoei ak aung doeng ni $ 1 (dollar 1) eng bi binak ca ce ak thlah hlue tha hue.

Ace camingpoei aungnoeh Korea ak ceh hluekhi ce Si-im na na pumsa teok sak hamna Ks- 23000/- pe noeh  a ning teok rhusak ngah hlue hue.

Camingpoei ang aung cee ak thlang toe kum 2 khui oeh bibi thoeh thana awmnoeh Si-imna ang teok rhusak hlue toe kut-oet doeng hlue ni. 

Korea na bi bi ak hu ak thlang a hamna toe Si-imna teok rhusak banoeh Visa (E-9 Visa) aomnaak lonoeh Korea cehnak hlue Khancet phu Ting 7 oehkoe eng ting 15 ang lak tluk oeh pe hlue hue. Ace Khancet phu a paek ce Korea rhamna a awmkhui oeh ak nepna bi binoeh ang voei lo thlahna a tlak oehtoe a coyah eng ni pee hlue tlah hue. 

Ace mueihna Korea rhamna E-9 visa eng bi ak biikhi ve ani bibiphu (lakkhah) toe hla oet oeh Korea 1000000 won - 2500000 won (Myanmar tangka 1000000- 2400000) hu hue u.