Batu Na Thlaa Suuinak Ham Bilatme Rheng Hue

Batu mlueh Phaneng kho oehkoe Ngalawng laung oeh thlaa suuinak a hamna Sunstar Company eng May 19, 2016 oehkoe eng cutnoeh bi bi hue. Ak cueknak oeh ce Bilatme dip 100 ni peekhi soe dip 20 rheng hue tinoeh Phaneng kho thlang a venna koe yakna awm hue. Ang hihnak awm Bilatme ni peekhi ba hue. 

May 26, 2016 khawnoek 6:30 oeh ce Galaxy Sanke mat eng Bilatme mat, 125 Sanke eng bilatme mat ce Ngalawng laung thlaa suuinakna koe eng Phaneng kho tungna a phuih lo ce U Ung San moe Takhing Maung Hla imkhui khoo eng hu hue u. 

Ace mueihna anim mrhuk u ce Phaneng kho oehkoe Takhi Maung Hla eng ak qoelna awm hue.

Ni hulam oeh Phungqi pa mat engtoe Chin thlangkhi ve amrhu bibet hue u anak ti hla ni, tuh oehtoe mrhukna a puukna puuk vik hue mueng. Mva (Kawl) pa mat eng awm a Haicauk khui oeh yawk noeh Chin thlang a donak tloek tloek, ani uep awmnak, amma nim mrhuknak a konglam tloek tloek yawk soe Mvakhi engtoe "aw Chin thlang ve Khawsa sim unoeh ni ti hla una". Tuh oehtoe Chin rham pum koehti cang Batu mlueh a kaengsam oeh nik awmkhi, ak Khawsa oeh caathainak (ak thangthai) ve saetam tam hue. 

Ref: Matupi Times