Amerika rham Orlando oeh Muslim pa eng ani kahnakkhi ak cam eng thlang 49 thi noeh 53 eng laembai a song ce President Obama ming saernak, Hillary Clinton eng Amerika President a cuhnak oeh a sungnak hlue moe Liberal Khrihcakhi eng awi ani yaoknak hluena awm hue.
Ikoe ti noeh num ace mueihna a awm hlue ni ti oehtoe, Obama eng Amerika rhamna Muslimkhi khawyah ni lut sakkhi noeh, Amerika rham oeh Maa ve ak ngah boeih eng a binak a hamna uknak poh hue. Ace a dawngoeh Obama ce Orlando kahnak a kong oeh ve mueihna "Staying silent and privately grieving isn’t enough anymore"(Ak bueina awmnoeh na moeh doeng na awmnak kungna nak kawsaer ce amkhoek hue" tina hue u. Hillary Clinton ve toe Saudi Arabia rhamna tangka $ 25 millions pu noeh "Clinton Foundation" pohna noeh Obama moe matna ang dueihnak ak cam oeh Hillary Clinton eng tuhhi tuehnak oeh ang sungnak/ ang tlaknak hluena awm hue.
Liberal Khrihcakhi awm Obama dueih peui unoeh, Muslim a lut awm ngah unoeh, ani rhamkhui oeh moyo meyehna ni awmnak a hamna ti unoeh ani poeknak ce ming saernakna ploeh hue. Ikoe mueih tluknak num Liberal khrihca eng bi ani bi u ti ve tuh toe Evangelical Khrihcakhi eng a ui ai mdaepnak mdaep hlue hoh hue u.
Cenamoe Donald Trump a hamna toe a donak khyoer khyoerna awmnoeh tuhhi kum tuehnak oeh ve noengnak a huhnak hluena awm hue. Thlang a kuunu toe Donald Trump ak awi ti ve ikoe mueih tlukna num a thuem lang hue ti ve tuh oeh Orlanddo, Florida oeh Muslim pa eng thlang a kahnak ak cam eng dangsak hue.
No comments:
Post a Comment