Golden Triangle Bing Boi Khun Sa

Golden Triangle Bing Boi Khun Sa 

Amerika, Thailand, Myanmar moe khawmdek pum eng bing a kong oeh mtu hamna ani ngah soeih Bingboi Khun Sa a konglam noer lor lah. Khun Sa ve Golden Triangle (Shwe Tarhihkan) ani ti u, Thailand, Myanmar, moe Lao rham pakthum anglak oeh ak awmna awm hue. 

Khun Sa ve kum 3 a lo oeh a pa Taluk pa eng thih ta soe a Nu Shannu eng ang hihnak va ta moe soenum a va voel eng Khun Sa ce amlungna hue. Ace a dawngoeh Khun Sa ce kum 14 a lo oehkoe eng cutnoeh maa binoeh communist ce ana kap lawnoeh 1964 oeh Taluk rhalkapboi Lee win Vuan a coyah a oet a dawngoeh Mandalay thongim oeh ce kho kum 5 thong ana tla law hue. Ace mueihna thong a tlaknakna "Romance of the Three Kingdom" cauk, Lo Khun Chung a yawk ce ana noer law hue. Ace thong khui oehkoe eng ak colo khoen oeh ce rhalkap 4000 tanoeh Yuu ce 4 khyuh hue. 

Anih mtu a hamna Thailand a coyah engtoe Khun Sa am mtu toe am mtu qang pe kong tinoeh, DEA ani ti u Amerika eng awm Khun Sa am mtu toe ak qang peek hamna a nang caa law hue u. Ace mueihna mtu hamna ang caakhi Thailand rhamna koe ce Bom a im oeh anak pup lope noeh DEA oehkoekhi awm kutphu nina thung lawkkhi hue. 

Amerika rham New York oehkoe Taluk thaemyoihnak thoem unoeh Khun Sa a hubatkhi anam mtu law hue u. 

1983 oeh Thailand rhamna Ban Hin Taek rhalkap im ce Thailand rhalkap eng ana kap law soe Myanmar rham HOMUNG Kho ani tina ce pha law hue. Wa rhalkap, Taluk rhalkap eng ani kah plak plak a dawngoeh Khun Sa ce a hailam kho poeknak ta law hue. 

Ace a dawngoeh 1996 oehtoe Amerika kawpoek ak kuei sakna Myanmar a coyah Nawata a kutkhui oeh Khun Sa ce pha law hue. A yuu a caakhi ce Yangon na Myanmar a coyah eng ak laekna ni rhehkhi soe ngaidingna khosa hue u. Ace hui oeh Khun Sa ce Amerika a coyah eng Myanmar ukkungkhi venna anak thoeh law hue. Cenamoe Myanmar a coyah eng ana oet law hue. 

Khun Sa ce October 26,2007 oeh ce Yongon na khyam natnak eng thi hue. 

Ref: (The Hunt for KHUN SA, Drug Lord of the Golden Triangle by RON FELBER)