Vice-President Pa Henry Van Thio A Konglam A Bet 

************************************************************

Tuhngoi oeh Vice-President hamna anik tueh u Chin thlang, Pa Henry Van Thio ve Myanmar President ak bina kawih hue. Ikoe tinoeh num ni ti oehtoe Upade a mueihna ani poh tangna a tlak oehtoe bi hlue hue.

2008 Ukpade oeh Myanmar President a ham toe Rhalkap lam oeh bi binoeh rhalkahnak lam oeh a huhnak ak awm ti hue. Ace mueihna ukpade eng a ti oehtoe tuhngoi anik tueh Dr.Thin kyaw( Mon) moe Henry Van Thio (Chin) rhoi ve, Dr. Thin Kyaw vetoe Oxford University sengimkhi oeh sengim boeih hla hue, Rhalkahnak moe rhalkap lam oeh bi ambi hue noeh a huh ang yaknak amom hue. Cenamoe Henry Van Thio toe rhalkap ani a dawngoeh rhalkahnak lam oeh awm a huh ang yaknak awm noeh 2008 ukpade a mueihna toe Myanmar President ham ve Henry Van Thio (Chin) ni.

Henry Van Thio, Amyotha Hluttaw eng Vice-President a hamna anik copuei u ve Tikir kho thlang Pa Lian Tlung moe Hmunhelh kho thlang Nu Ngun Par eng 1958 oeh Thangtlang peng, Tikir kho oeh ani caanakna awm hue.

Anih (Henry) ve Mandalay Social Science University moe Yangon Social Science University oeh BA (Geography) moe Diploma in Law degree ak lona awm hue. Anih ve Myanmar rhalkap oeh Bohmu doe ak huna awm noeh Mandalay khonu oehkoe Verginia Setyung oeh a xamna ana awm law hue.

NLD khui oeh Chin Pyine Amyotha Hluttaw Mee paeknak No. 3 oeh cuh noeh ana noeng law hue. Anih ve Kum 58 law noeh Nu Sui Hluan moe Caa pakthum ta hue nih.

Ref: The Ladies News