Soei: Dai Kho Soei

*****************

Dai thlang eng ve Soei,Sei tinoeh nik khue soe, Batu eng Saei ti soe Hakha tung eng Sia ti hue u.Soei ve Dai eng Soei moe Sei, Batu eng Saei, Tidim eng Sial, Mizo eng Sial, Hakha eng Sia, moe Falam eng Sia ti hue. Calung a cutnak ve 'S' eng ni cut tlik tlik a dawngoeh Soei a lonak ve mat huvoei soe tinoeh poek hue nueng.

Ni Dai thlang eng Soei moe Sei ni honak khui oeh Soei tinoeh ak hona ve 1/5 (1%) eng ni hona hue. Ak kunu engtoe Sei tinoeh hona hue u.

Soei a awmnak rhamkhi toe ve ak kai oehkoe kho rhamkhi oeh ve ni hu tha hue.

1. Myanmar Rhamna toe:
-Kachin rham moe
-Chin rham oeh awm hue.

2. India rhamna toe:
-Arunachal
-Assam
-Nagaland eng Avi ti noeh,
-Manipur engtoe Kabui ti hue.
-Mizoram tloek oeh awm hue.

3. Bangladesh rhamna toe:
-Chittagong Hill oeh awm hue.

4. Bhutan Rhamna awm ba hue.

5. Taluk (China) rhamna toe:
- Yunnan Pyine oehkoe Dai thlangkhi eng ta hue u.

Soei / Sei/ Saei ve ak choei oeh ka yawk a mueihna India rham tungna moe Chittagong tungna awm awm noeh, Kachin rham moe Bhutam rham, moe Taluk rham Yunnan province oeh kho ak saakhi Dai thlangkhi eng awm ta usoe ni huh oehtoe ningnikkhi boeih ve ak khyuem oehtoe thlangphun mat laek num ka ti ni.

Tlang thlangkhi eng khyinna ani taak u ni.