Israel Rhalkap eng Thlang Rhuemna A Honak

*****************************************************

Mdek khan oeh ve rhal kahnak tui a maa, lii ak cim ak laek soeih toe Amerika coeng oehtoe Israel va ni huvoei ti u noeh poek hue u. Israel ve a rham yoica hla hue, Khawsa thlang tuehna a awm a mueihna a cueihnak, a boi a mangnak ve kawpoekna kuei hue.

Tuh oeh ak thaina ani poh ba u toe, thlangkhi Amerika, UK tung moe rham changkhi eng thlang rhuemnakna mueihliplohnak (Camera) moe mueihlipdangnak ( CCTV Camera) ce ani im oeh tai u noeh lawng a lamna tai hue u. Cenamoe Israel engtoe mueihlipdangnak (CCTV Camera) ce mueihlip ak lo a hamna rhamsa ak khan oeh tai hue u. Ani poeknak ve kawpoek kuei soeih hue.

January 26 oeh thlang ak rhuemna (Journalist) langtah ani ti u Phanu ang hla oeh ce mueihlipdangnak (CCTV Camera) voeivang ang hla rhoi oeh taak pe u noeh Lebanon rham tungna tuei u soe Lebanon thlangkhi eng mtu hue u. Ang hla rhoi oeh mueihlpdangnak ani tai pe mueihna a pum oeh ce Israel ca yawk pe hue u. Ace mueih engce thlang ang yuengna ceem a rhal ak rhuem a hamna ani honakna awm hue.

Ace mueihna khan lamna Phanu ani honak a mueihna tui khuina yom ni hukum August 2015 oeh Palestin ceemkhi Hamas a boong eng ang hla oeh mueihliplohnak (CCTV Camera) ak awm Nganu( Linpaing = Dolphin) ce mtu ba hue u. Linpaing ve tui khuina thlang, ceem a rhal ak rhuem a hamna ani hlahna awm hue. Acekkhi ni poek oeh Israel eng ve ikoe mueih tlukna ak thlok a honak hue ti ve kawpoekna kuei hue.