Khawsa kut seh ve thlangcuei eng amsim khuet, amhu boeih noeh ammang yak boeih amsava rhoe rhoe hue. Khanna ni huh Khawmik, Pihla Aisi, moe mdekkhi (planet) boeih ve thlangxing eng ni huhnak ang lak oeh amni huh tha rhoe rhoe amsava hue. Khanna Mdek (planet) 9 awm hue tinoeh ca ni cong ce tuh oehtoe Mdek 15 tluk awm hue ti unoeh thlangcueikhi eng qoel hue u.Tuh oeh ve Khawmik naak oeh ak vai soeih, khawmik paxa a mueihna ak vai mat ce huhna awm hue tinoeh Ohio State university eng qoel hue.
Avang toe ni awmnak Mdek oehkoe eng ak hlaa soeihna awmnoeh khancet a ceh ak lue eng ni ceh mantoe kum 750 tluk ni ceh daeng oeh ni, ni pha hlue hue tinoeh thlangcueikhi engtoe anak qoel hue u. A hlaa ani ti oehtoe meng 120,000,000,000,000,000,000,000 (trillions) tluk hlaa hue ana ti hue u.
Khawmik ni ti ve Aisi matna awmnoeh ace Aisi oeh ce nuclear bomb ak paok oem awmnoeh ace nuclear a paok oem a dawngoeh Aisi ak changkhi ang lak oeh ak vai soeihna moe ak hlok soeihna ana awm law hue. Ace ce khawmdek khan khyinkhi boeih eng ani xingnak a hamna ak tungna ana awm law hue.
Aisi eng ve a dopnak (gravity) ani ti u tanoeh a kaengsam oehkoekhi ce dop hue. Ace Aisi moe a kaengsam oeh ak pop ngong ngongkhi ce ciirhe (galaxy) ti unoeh, ace a kaengsam bai oeh a lamna pop ngong ngongnoeh ak kong thut thut ce ciirhe ang yoemyangyang (milky way galaxy) ana ti hue u.
Aisikhi ve ak thai ak colo a awm a mueihna ak thi awm om lor hue. Ace mueihna ani thih hlue oeh ve paok phak phak unoeh ani paok ce Supernova ti unoeh anak khue hue u. Ace mueihna Aisi a paok oeh a vai ve thlangxing ak awina toe ikoe mueihna qoel hlue huvoeinum ti ve amsim unoeh, khanna koe Aisi boeih a vainak ang lak oeh a letna vai bet hue ti hue u. Khawmik naak oeh a let 570 billion na vai hue ti hue u.
No comments:
Post a Comment