Aw Mobile Phone

Mobile phone ve suen oehtoe u eng awm amma nang mueimangnak khoei hla ni, tuh oehtoe Dairamtlang doe doena Mobile phone bi law kalak usoe ning ngahna yawm kuei hue. Ni Dairam oeh Mobile phone ni holonak tha rhoe ka poek oeh Khawsa yawkdo paek tang tang ni tinoeh poek hue nueng.

Ak khyuem oeh thlang mat eng ni Dairam oeh mobile phone ni ta law hlue hue ana ti mantoe u eng awm amcangna hlue hue. Cenamoe tuh oehtoe ni Dai thlang eng ani imkhui, anik tapkaongna koe eng Mobile phone bi unoeh awi ani ti tha rhoe ka poek oeh jel ham awm chim hue.

Mobile phone ve a laeknak a awm a mueihna a saernak khawyah awm hue. Thlang boeih eng Mobile phone ni bi kalak noeh ni kaengsam oehkoe thlang awm amni cawkcan puei tha, amnik khyi amningko tha voel hoh hue. Mobile phone eng a hoengna amni hoengsakkhi voel hoh hue. 

Baekim na ak cet hlue eng awm a mobile phone ce Baibul naak oeh maasak noeh ceh puei hue. A hoei boeih naak oeh Mobile phone eng thlang am mlungko oeh huen lokang hue.

Ni Dairam oehkoe tlang sang soeih Licang tlangna koe doe doe eng Mobile phone ni bi noeh ning veok rhu tha hoh hue. Amerika, Europe, Austria, Norway, Denmark moe Khawmdek pum ak cawng ak keena koe eng na kaeng oeh ak awm a mueihna ni Dai kho oehkoe thlang ni veok tha ve kawpoekna kuei hue.