USA President moe Kim Jong- un Xumnaak Hlue
US President Donald J. Trump engtoe North Korea xuikung Kim Jong-un moe June 12, oeh Singapore na xumnaak ahamna ca ve mueihna pat hue. "North Korea xuikung Kim Jong-un eng ve xum puei hamna a ngah taktakna a tlak oehtoe kak ca ve nim mhlat law tlah nga kom ti ce ngaih-u ham awmhue" ti hue.
Ang ngaih-u amueihna North Korea xuikung Kim Jing-un engtoe ca mhlat tlah tanghue. Ace ca ce Amerika White House Official engtoe qih ham thaem ak awm laek num ti unoeh ngaithuen, ak cerna teok khoen oeh kum 20 khuioeh ak cuek soeih North Korea rhanboi xuikung General Kim Yong Chol eng President Trump avenna pe hue.
North Korea xuikung Kim ak capat ve capat yap moe ammueih noeh xoi uepchak hue. Kim ak capat a huh khoen oehtoe Donald Trump eng June 12 oeh Singapore na aning xum hlue awi ce ceksak hue.
No comments:
Post a Comment