Amerika President Ang Dangnaak Mawtaw Ikoe Mueih Num A Lo

Amerika President eng ang dangnaak mawtaw ce ikoe mueih tlukna num a do, u eng ikoe sim eng a poh huvoei num, ni teok lah ve u. 

1. US president dangnaak Mawtaw ce President ang dangnaak rhoe ahamna ani pohna awmnoeh "The Beast Cadillac One" tinoeh khue hue u.  

2. Mawtaw ce Pe 18 sangnoeh, ak dang ce pe 5' 10" law hue. 

3. Mawtaw hlalang ve inches 5' (130mm)  na sahnoeh thlang eng a kah oehtoe maalung eng amma pah pluk hluena awmhue. 

4. Mawtaw chawmkaeng ve inches 8' (200mm) na sah   noeh thlang yap eng mhmawng tha hlue amninoeh animoehkhi doengdoeng eng (Secret Service) doeng eng mhawng thana awmhue. 

5. Mawtaw kho na ce khahler(tires) hona moe usoenum ace tires akkaana ce thii(steel) (aluminum, titanium moe Ceramic) eng pohsihna awmnoeh Khahler se soeyom thii cu a ser hamna kuei noeh khawktluk oeh dawngouei hluehue.

6. Mawtaw kho kaeng oeh ce Set ak laek soeih ani taak adawngoeh bomb, moe qih ak cu ahoei ce sim hlue tlaang tlaang hue. 

7. Mawtaw hulam President a ngawihnaak oeh ce Satallite moe Pentagon veok rhunaak awmnoeh ace eng ce Preisident eng kueinaak a huh oehtoe ning yaksakkhi tlaang hue. 

8. President aham rhoena pohna a awm adawngoeh kueinaak, laembainaak, natnoinaak President eng a huh oeh ce President ahamna thii ce taak pena awmnoeh, Oxygen amoeh moe amoeh eng a paek hlue toeih, moe sii ak laek soeih soeihkhi ce taak sihna awmhue. 

9. Mawtaw a hulam moe a hailam oeh ce mikphli bonaak a khu (gas) moe mthan oeh huhnaak tha camera moe ce taak pe usoe a kaengsam oehkoekhi boeih ce lonoeh anna khoem hue. 

10. Mawtaw ce khan kahnaak (missiles) moe bomb eng amma hehnaak ahamna chemical ce taak pe hue u. 

11. Mawtaw ak mawngkung a pum oeh ce (Chips moe GPS) ani ti ce taak pena awmnoeh a pum vuetna ang ploeih hlan khui oehtoe President ce hoena yawm amcehpuei hlue tha konhue. 

 

Acece amdo soe laek num President ahamna ti unoeh ace naak oeh ak laek soeih ce tuh seh pe huina awmhue.