Myanmar Rham Eng Laeknak Pan Hue: Peace Talk

Yanoeh Myanmar rham rhoepnak a kong anik qoen toe ka poek oeh hailam pannak moe a donak hlue Federal uknak hlue lam pan hue ti ce huhthana awm hue. Ave mueihna ani poh tang oehtoe ni kho ni rham eng hailam pannoeh laek law hlue bet nganga hue ti ce ngaih-unak awm hue.

Myanmar rham khuioeh Pyine qxih (7) eng animoehkhi moe animoehkhi pyine ahamna upade ce animoehkhi rhoe eng ani pohnak ahamna Myanmar rham rhoepnak qoenkung a bawng UPDJC eng hatlaknak ta hue.Ace mueihna a ning hatlaknak toe Mva moe tlang thlangkhi ning mueihnak ahamna ni ti hue u.

Ace tengtumnak oeh Pa-oh National Party oehkoe Bohmuci Khun Ukka eng "Pyine eng upade poh thanak ani paekkhi ve nimoeh moe nimoeh uknak tha ani paekkhi ni" ti hue. Tuh Pyine eng upade poh thanak ani paekkhi ve ammanak awm khoei moe ak cueknak Myanmar rham oeh ani paekkhi ni ti hue. 

UPDJC eng ngoilam anik qoen u toe khorham uknak a konglam oeh mueihnak rhip, nimoeh moe nimoeh poh thanak, Federal pyine mdueihnak, Democracy party ak laek ang dueihnak ahamna teng hue u. 

Ace mueihna upade ani poh ce 2008 upade moe koeh ak lengkah kawihna ani pohnak aham, a lenkah hlue oehtoe Myanmar rham pum oehkoe upade akkai oeh ani honak ahamna hatlaknak ta hue u tinoeh Khui Ukka engtoe qoen hue. 

Pyine khui oeh ani poh upade moe ang mueihna bi ani bi, Pyine coyah, pyine hluttaw, Pyine awiceknakkhi boeih ve pyine eng uknak ani poh amueihna a ning uk rhu ve Myanmar rham pum coyah eng amcor tha hue ti unoeh hatlakna hue u. 

Ace mueihna pyine khui oeh moeh moe moeh uknak tha upade poh ahamna ani teng oeh ce rhankap eng koengqengnak ham"“ခွဲမထွက်ရ” ti ce, Myanmar rham khui oehkoe eng koeh anik connak ahamna awilung ak consak ve Bohmuci Khui Ukka engtoe "ang mueih ang tehna khosaknak ti ve Myanmar rham khui oehkoe eng connak amninoeh, con u ti soe toe hoena ikoe pohna kanik con hluekhi num, con u ti soetoe u hoena ak con hlue num ti hue. 

Myanmar rham ang ming awm hailam oehtoe Federal Pyithawngsuh Myanmar tina awm lawnoeh Rhankap ve toe Pyithawngsuh Rhankap tina ni a awm hlue toeng toeng hue.