Myanmar Rham President, Chief Minister  Moe MP Ak Bi Hlue Tha

Myanmar rhamkhui oeh ukkung ahamna President moe Parliament (MP) ak bi hlue ve kum iyah ak lo thlang engnum a bi hlue tha ti ve 2008 upade eng rhii ani cehpuei amueihna toe ve mueihna awm hue.

 President Ak Bi Ham - Kum 45

Myanmar rham ukkung thlang mat President moe Vice President ahamna toe thlang mat kum 45 ak lo doeng doeng eng ni a bi hlue tha hue.

* Ace ak thlang ce rham khuioeh bibi lohlohnoeh kum 20 ak awm ak thlang a nii ngah hue. Rhamchangna cehnak tha pe usoe ava awm vik oeh awm ace ce rham khuioeh ak awmna poek peena awm hlue hue.

(2008 upade S.59)

Chief Minister -Kum 45

Chief Minister ak bi ham thlang ve kum 35 ak lo hoh thlang eng ni a bi hlue tha hue.

*Ace ak thlang ce khawrham xuisoinak oeh kum 10 khui ak awm ak thlang a ni ngah hue. Rham eng ang hatlaknak amueihna rhamchangna a awm vik oehtoe ace ce rhamkhui oeh ak awmna poek peena awm hlue hue.

(2008 upade S.261/S.120)

Pyithu Hluttaw - Kum 25

Pyithu Hluttaw(MP) ak bi ham thlang ve kum 25 a lo ngah hue.

*Rham khuioeh bibi lohlohnak oeh kum 10 a yoi soeih a awm ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

(2008 Upade S.120)

Amyotha Hluttaw - Kum 30

Amyotha Hluttaw ak bi ham thlang ve kum 30 a lo ngah hue.

*Rham khuioeh kho a saknak kum 10 a yoi khuet a lo ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

(2008 Upade S.152/S.120)

Region or State Hluttaw - Kum 25

Pyine Hluttaw ak bi thlang mat ahamna kum 25 a lo ngah hue.

*Rham khuioeh bibi lohlohnak oeh kum 10 a yoi soeih a awm ngah hue. Ace ak thlang ce rham eng ang hatlaknak amueihna rhamchangna a awm oehtoe rhamchui oeh ak awm a mueihna poek peena awm hlue hue.

Chin Affiars Minister (CAM) - Kum 25 

*Pyine khui oehkoe eng tuehna awm hue.

(2008 Upade S.161 (b) (c)/ S.262 (a) (iv)/S.169/ S.120)

Khawboei - Kum 25

Khawboei ak bi hlue thlang ve kum 25 a lo ngah hue. Kho khuioeh kho a saknak kum 5 a lo ngah hue. Coyah bibi a nii oehtoe kum 2 ace a bibi oehkoe eng connoeh kho khuioeh a awm ngah hue.

(2008 Upade S.5)