Yakhai Rham A Konglam Qoel A Hamna Kofi Annan

Myanmar khui oeh thlangphun lam tung kueikanak a daanak mat toe Yakhai rhamna awm hue. Yakhai thlangkhi eng ani ngah ce UN moe Amerika eng amngah puei noeh, UN moe Amerika eng a ngah ce Mva moe Yakhai thlangkhi eng amngah hue u. Ace mueihna awmnoeh Yakhai thlang moe Kala (Bangali) thlangkhi ang lak oeh hoetuek soeyom ang rhoep rhoina amkawih hue. 

Cenamoe tuh-oeh Nukdoem Suu Kyi eng Yakhai rham a konglam ak laekna khopoek a hamna Poekpueikungkhi thlang tuek hlue hue. Ace thlang ak tueh oeh ce voeivang (Amerika or UN or Khawmdek pum) eng ani uepnak soeih thlang ce tuek hue. Anih ce UN General Secretary anak bii lo moe 2001 oeh Rhoepnak Nobel kutdonak anak hu lo, UN moe khawmdek khan rham eng ani tangyah moe ani uepnak ak thlang Kofi Annan ce Yakhai rham a konglam poek puei a hamna ta hue. Kofi Annan eng ak awi ti ve UN moe Amerika eng awm anik tangyahnak a hamna moe Khawmdek khan eng ani sim pueinak a hamna Nukdoem Suu Kyi eng ak tuehna awm hue. 

Ace mueihna Yakhai rham a konglam qoel hlue oeh ve poeknak peekungkhi thlangmi 9 tuehna awm hue. 

President:  UN General Secretary rhoepnak Nobel huukung Kofi Annan 

Acekkhi toe:Myanmar thlang 6, rhamchang thlang 3 tuehna awm hue u.

a). U Win Myint

b). Dr. Tha Hla Shwe

c). Mr. Gasan Lasam 

d). Mis. Lat Titi Vanda Asam 

e). U Aye Lwin

f). Dr. Myiat Hti Da

g). U Khin Maung Lay

h). Daw Saw Khin Thit

Avekkhi eng anik qoel moe ani khawpoek rhampainak boeih ve Myanmar rham poeknak peekung Nukdoem Suu Kyi avenna phasak usoe amoeh eng thlang boeih ang yakna qoelna awm hlue hue. Ace mueihna a bong anim mdueih coeng oeh kut-oet khui oeh Yakhai rham a konglam ang coeina teng a hamna caanak ta hue u.Ref: MSCO