Aung San Suu Kyi Ak Awiti Kawsaer Awmhlang Hue

Tlang thlangkhi eng maa bi unoeh ani kho ani rham, ani mi anik thlang ani hunnak u ce, Rhoepnak kong Doerdapnak (Peace Talk)oeh Aung San Suu Kyi eng tlang thlangkhi ani huhnakkhi ak qoen ce kawsaer hamna awm soeih hue.

Awilung honak awm a long a lam lonha hlue bet laek huenum ti hue nueng. Ani ngah ngah ak yoeina hu hlue hue nueng ti unoeh ni tinak anglak oeh "Ani ngah awm soe huhlan unoeh ak thoehkhi ni" ni ti mantoe ammak thuem hlue bet vik huvoei num?

Chin tive Zomi na Ploeh Hoh Tangnoeh Aw?

Ve ni teok soe Kachin, Kaya, Karen, (Chin amom) Zomi, Mon, Burman, Rakhine, moe Shan tinoeh mueihlip ani tai uve ikoe mueihna num poeknak a awm hue. A takna toe Zomi ti ve Pacaphom, Paphom ti ni, thlangbaok (English) awina toe Clan ti ni. Pacaphom (clan) ve toe thlangphun amninoeh thlangphun matkhui oehkoe Pa mat a caakhi ak chon ce ni. Ace mueihna Pa mat a caakhi ak chon boeih ang cunnak a kung soeih ce thlangphun na awm hue.

Mon Pyine Chief Minister Ikoe Mueihna Num NLD A Tinak

NLD a coyah eng a bibi khui oehkoe eng anik consak u Mon rham Chief Minister ikoe mueihna num NLD xuikungkhi ani tinakkhi hue teok lor lah. Ave mueihna anih eng awi a tinak ak cam eng a u ak ahkhi awm amlawha unoeh ang mueih ang yawkkhina awmna mueih unoeh ni. 

Chin Rham-uknak Kong Tengtumnak (Chin Political Dialogue) 

February 27 oehkoe eng March 1 doe Chin Political Dialogue ce Thantlang mlueh oeh pohna awm hlue hoh hue. Ace ani poh oeh xuikungkhi moe ikoe num anik qoen ani teng hlue ti ve teok ak ngah boeih ahamna teok thana awm hue. 

Dairamtlang Oeh Chin National Day 

Thlangkhi khawrhamna Chin thlangphun Heup (Chin National Day) ani ti moe ani honak doeng doeng ni hunoeh Facebook oeh ni tainoeh ni teng usoe, ka mik nam mrhi khinglik hoh hue. Tuhtoe ni Dai khawmdek oeh Chin National Day honak a kong ni teng lah ve u. 

Tuhhi kum ve ak cueknak soeihna ni Dai khawmdek khui oehkoe Huem Kho na  Chin National Day hona hue u ti ce ning ya hue. Aveve ak cueknak soeih Dai Khawmdek oeh Chin National Day honakna awm hue. Ace Chin National Day oeh ce thlangmi 900 thuum thanoeh ak naom soeihna hohnakna awm hue. Nimoeh Dai thlang a thuumna laamnakkhi poh unoeh hona hue u. 

Lohboet moe Hailam doena ave mueihna Chin Thlangphun Heup ve poh hoeihhoeih ahamna ak lookhi boeih eng hatlakna hue u. Huem kho mlueh a huhnak ahamna thlangmi 450 ak lookhi eng teng unoeh hatlaknak ta hue u. Ref. Phil Shweling Dattui 

Teok Lor Lah Veve A Xong Num A Taak Num

A xong a taak num ve mueih papana ca ani yawk u ka huh oeh Myanmar rham ve hailam a pannak ahamna kho amsava hue. Veve thlangcueikhi eng ani huhna a tlak mantoe ikoe mueihna num chah a awm hue ti ce amsim unoeh ni. Ave ak ca eng thlangphun, thlangmi mhanak a mueihna awm hue. 

Chin National Day oeh President U Htin Kyaw Moe A Yu

Tuhhi kum 69 nak Chin National Day February (20) Falam mlueh oeh ani honak hlue oehtoe Myanmar rham ukkung President U Htin Kyaw moe a yu eng ni hona pueikhi hue. Ace mueihna Falam na ceh ahamna ak cet eng Tedim mlueh moe Tongzang mlueh ce lut pah soe Tedim thlangkhi eng Tedim mlueh ve khayaing (Tedim District) huh ahamna thoeh hue u. 

Panglong Awiqxoepnak (The Panglong Agreement) 

Shan rham panglong kho oeh Khawceng Mva (English), Mva moe tlang thlangkhi (Shan, Chin, Kachin) tloek ikoe mueihna num hatlaknak anina taak u, ikoe awi num anina qxoep u ti ve teok lor lah. Ave mueihna ak laek soeihna awi qxoep unoeh hatlaknak anina poh ve tuh-oeh Mva eng ammak hu ammang ya rhoe a mueihna ani awm taakkhi ni poek oeh kawpoek naa soeih hue. 

Mva eng ve Panglong hatlaknak ammani paekkhi toe ni kho ni rham hunnoeh ni mi nik thlang rhaeng soe amoeh eng hunkang vang tinak kawpoek eng tuhdoe ace mueihna amma ni paeknakkhina awm hue. 

၁၉၄၇ ခုႏွစ္ ပင္လုံစာခ်ဳပ္

▄▄▄▄▄▄▄▄▄▄▄▄▄▄

▲▲▲▲▲▲▲▲▲▲▲

ပင္လံု ၊ ေဖေဖာ္ဝါရီ ၁၂ ရက္ ၊ ၁၉၄၇ ခုႏွစ္။

ျမန္မာျပည္ဘုရင္ခံ၏ အမႈေဆာင္ေကာင္စီမွအဖြဲ႕ဝင္အခ်ဳိ႕ႏွင့္ စဝ္ဖလံုမ်ားအားလံုးတုိ႔အျပင္ ရွမ္းျပည္နယ္မ်ား၊ ကခ်င္ျပည္နယ္ ေတာင္တန္းေဒသမ်ားႏွင့္ ခ်င္းေတာင္တန္းေဒသတို႔မွ ကိုယ္စားလွယ္မ်ား တက္ေရာက္ေသာ ပင္လံုၿမိဳ႕တြင္ က်င္းပသည့္ အစည္းအေဝးႀကီးတစ္ရပ္တြင္ -

ၾကားျဖတ္ျမန္မာအစိုးရႏွင့္ ခ်က္ခ်င္းပူးေပါင္းျခင္းအားျဖင့္ ရွမ္းျပည္၊ ကခ်င္ႏွင့္ ခ်င္းတို႔သည္ လြတ္လပ္ေရးကို ပိုမိုလ်င္ျမန္စြာရရွိလိမ့္မည္ဟု အစည္းအေဝးတက္ေရာက္သူအဖြဲ႕ဝင္တုိ႔က ယံုၾကည္ၾကသည့္အတုိင္း အစည္းအေဝးတက္ေရာက္သူ အဖြဲ႕ဝင္တို႔သည္ ကန္႔ကြက္သူမရွိဘဲ ေအာက္ပါအတုိင္း သေဘာတူၾကေလသည္။

၁။ ေတာင္တန္းသားမ်ား စည္းလံုးညီၫြတ္ေရးအဖြဲ႕က(တစညဖ)၏ ႀကိဳးကိုင္အဖြဲ႕ကိုယ္စားလွယ္မ်ားက ေထာက္ခံခ်က္အရ ေတာင္တန္းသားမ်ား၏ ကိုယ္စားလွယ္တစ္ဦးကို ဘုရင္ခံက ေရြးခ်ယ္၍ နယ္စပ္ေဒသမ်ားကိစၥ ႏွင့္ပတ္သက္၍ ေဆာင္ရြက္ရန္အတြက္ ဘုရင္ခံ၏ အတုိင္ပင္ခံပုဂၢိဳလ္အျဖစ္ ခန္႔ထားရမည္။

၂။ ဤအတုိင္ပင္ခံပုဂၢိဳလ္ကို ဘုရင္ခံ၏ အမႈေဆာင္ေကာင္စီတြင္ ဌာနလက္ကိုင္မရွိ ေကာင္စီဝင္တစ္ဦးအျဖစ္ ခန္႔ထား၍ ကာကြယ္ေရးႏွင့္ ျပည္ပကိစၥရပ္မ်ားတြင္ ထံုးနည္းဥပေဒအရ အမႈေဆာင္ေကာင္စီ၏ အာဏာစက္ ေအာက္သို႔ ေရာက္ရွိသည့္နည္းတူ နယ္စပ္ေဒသကိစၥမ်ားကိုလည္း အမႈေဆာင္ေကာင္စီ၏ အာဏာေအာက္သို႔ ေရာက္ရွိေစရမည္။ ဤနည္းလမ္းမ်ားအတုိင္း နယ္စပ္ေဒသဆုိင္ရာ အတုိင္ပင္ခံပုဂၢိဳလ္အား အုပ္ခ်ဳပ္ခြင့္ အာဏာကို ေပးအပ္ရမည္။

၃။ အဆိုပါ အတိုင္ပင္ခံပုဂၢိဳလ္ကို ၎လူမ်ဳိးခ်င္းမတူေသာ ဒုတိယအတိုင္ပင္ခံပုဂၢိဳလ္ႏွစ္ဦးက ကူညီေစရမည္။ ေရွးဦးစြာ ဒုတိယအတုိင္ပင္ခံပုဂၢိဳလ္ႏွစ္ဦးတုိ႔သည္ ၎တို႔အသီးသီး သက္ဆုိင္သည့္ နယ္မ်ား၏ ကိစၥရပ္မ်ားကို ေဆာင္ရြက္ရန္ျဖစ္၍ အတုိင္ပင္ခံပုဂၢိဳလ္မွာ အျခားနယ္စပ္ေဒသအားလံုးတုိ႔၏ ကိစၥရပ္မ်ားကို ေဆာင္ရြက္ရန္လည္း ျဖစ္သည္။ ၎တို႔သည္ ထံုးနည္းဥပေဒအရ တြဲဖက္တာဝန္ယူရသည့္ မူအတုိင္းေဆာင္ရြက္ေစရမည္။

၄။ အတုိင္ပင္ခံပုဂၢိဳလ္သည္ အမႈေဆာင္ေကာင္စီတြင္ အဖြဲ႕ဝင္လူႀကီးအေနျဖင့္ နယ္စပ္ေဒသမ်ား၏ တစ္ဦးတည္းေသာ ကုိယ္စားလွယ္အျဖစ္ ပါဝင္ရမည္ျဖစ္ေသာ္လည္း ဒုတိယအတုိင္ပင္ခံပုဂၢိဳလ္မ်ားသည္ နယ္စပ္ေဒသမ်ားႏွင့္ သက္ဆိုင္ေသာ ကိစၥရပ္မ်ားကို ေဆြးေႏြးၾကသည့္အခါ အမႈေဆာင္ေကာင္စီတြင္ တက္ေရာက္ႏုိင္ ခြင့္ရွိေစရမည္။

၅။ အထက္တြင္ သေဘာတူညီၾကသည့္အတုိင္း ဘုရင္ခံ၏ အမႈေဆာင္ေကာင္စီကို တုိးခ်ဲ႕မည္ျဖစ္ေသာ္လည္း နယ္စပ္ေဒသမ်ား၏ နယ္တြင္းအုပ္ခ်ဳပ္ေရးတြင္ ယခုခံစားရေသာကုိယ္ပိုင္အုပ္ခ်ဳပ္ေရးကို မည္သည့္နည္းႏွင့္ မဆုိ တစ္စံုတစ္ရာ လက္လႊတ္ေစရန္ အဆုိပါေကာင္စီက ျပဳလုပ္ျခင္းမရွိေစရ။ နယ္စပ္ေဒသမ်ားအတြက္ နယ္တြင္းအုပ္ခ်ဳပ္ေရးတြင္ ကိုယ္ပိုင္အုပ္ခ်ဳပ္ေရးရာခိုင္ႏႈန္းအျပည့္ရွိေစရမည္ဟူေသာမူကို သေဘာတူၾကသည္။

၆။ ပူးေပါင္းထားၿပီးသည့္ ျမန္မာျပည္အတြင္း သီးသန္႔ကခ်င္ျပည္နယ္တစ္ခု နယ္နိမိတ္သတ္မွတ္၍ တည္ေထာင္ရန္ ျပႆနာမွာ တုိင္းျပဳျပည္ျပဳလႊတ္ေတာ္က ဆံုးျဖတ္ရန္ျဖစ္ေသာ္လည္း ဤကဲ့သို႔ သီးျခားျပည္နယ္တစ္ခု ထားရွိသင့္ေၾကာင္းကို သေဘာတူညီၾကသည္။ဤရည္ရြယ္ခ်က္ အထေျမာက္ရန္အလို႔ငွာ ပထမေျခလွမ္း အေနျဖင့္ ၁၉၃၅ ခုႏွစ္ ျမန္မာႏုိင္ငံေတာ္အစုိးရ အက္ဥပေဒအရ ေနာက္ဆက္တြဲစာရင္းအပိုင္း (၂) ေဒသမ်ား ကဲ့သို႔ ျမစ္ႀကီးနားႏွင့္ ဗန္းေမာ္ခ႐ုိင္တို႔၏ အုပ္ခ်ဳပ္ေရးတြင္ နယ္စပ္ေဒသ အတုိင္ပင္ခံပုဂၢိဳလ္ႏွင့္ ဒုတိယအတုိင္ပင္ခံပုဂၢိဳလ္တုိ႔အား ေဆြးေႏြးတုိင္ပင္ရမည္။

၇။ နယ္စပ္ေဒသမ်ား၏ နယ္သူ၊ နယ္သားတို႔သည္ ဒီမုိကေရစီႏုိင္ငံမ်ားတြင္ အေျခခံမ်ားအျဖစ္ အသိအမွတ္ျပဳထားေသာ အခြင့္အေရးတို႔ကို ခံစားႏုိင္ခြင့္ရွိေစရမည္။

၈။ ဤစာခ်ဳပ္တြင္ သေဘာတူညီၾကသည့္ အစီအစဥ္တို႔မွာ ပေဒသရာဇ္ရွမ္းျပည္နယ္ေျမစုတြင္ ယခုအပ္ႏွင္း ထားၿပီးျဖစ္ေသာ ဘ႑ာေရးႏွင့္ပတ္သက္သည့္ ကိုယ္ပိုင္အုပ္ခ်ဳပ္ေရးကို ထိခိုက္ျခင္းမရွိေစရ။

၉။ ဤစာခ်ဳပ္တြင္ သေဘာတူညီၾကသည့္ အစီအစဥ္တို႔မွာ ျမန္မာျပည္အခြန္ေတာ္ေငြမ်ားမွ ကခ်င္ေတာင္တန္းနယ္မ်ားႏွင့္ ခ်င္းေတာင္တန္းနယ္မ်ားက ရသင့္ရထုိက္ေသာ ဘ႑ာေရးအကူအညီကို ထိခိုက္ျခင္းမရွိေစရ။ ျမန္မာျပည္ႏွင့္ ပေဒသရာဇ္ ရွမ္းျပည္နယ္ေျမစု၏ ဘ႑ာေရးအစီအစဥ္မ်ားကဲ့သို႔ ကခ်င္ေတာင္တန္းႏွင့္ ခ်င္းေတာင္တန္းမ်ားအတြက္ အလားတူအစီအစဥ္မ်ားကို ထားရိွက်င့္သံုးရန္ျဖစ္ႏိုင္မည္၊ မျဖစ္ႏုိင္မည္ကို ဘုရင္ခံ၏ အမႈေဆာင္ေကာင္စီက နယ္စပ္ေဒသမ်ား၏ အတုိင္ပင္ခံႏွင့္ ဒုတိယအတုိင္ပင္ခံပုဂၢိဳလ္တုိ႔ႏွင့္အတူ စစ္ေဆးၾကည့္႐ႈရမည္။

Chin National Day 

Tuhhi kum Chin National Day, February 20 toe mdekkhan pum oeh ak awmkhi Chin thlang boeih eng ak naomna honak ahamna pongcaanak ta hue u. Chin National Day ve Mindat oehkoe U Vom Tu Maung eng nina cut pueikhi noeh anina poh pueilhi ce tuh oehtoe a kue soeihna Chin thlang eng ni hona hue. Ace ce tuh-oeh Tedim tung Zomi ak tiikhi eng Chin ce Zomi na thlak ahamna caa hue u. Cenamoe thlang ak kuu eng Chin ti ve amhlah thana a awm a dawngoeh Chin ming eng ve thlangphun xing hlue poe hue tinak ni. 

Ni Kho Ni Rham Ikoe Mueih Num A Lo Huen

Ni kho ni rham, nimoeh Dai kho doeng amni soe Chin rham, Arakan rham, Kachin rham, Shan rham ni teok soe mluehna ammak awm Nasenkhi ve tuh doena ikoe mueihna num kho ani sak ti ve ni hutha hue. Ace mueihna kho ni sak huina a tlak oehtoe ikoe mueih kawpoek, poeknak, huhnak, yaknak rhir num ani pha u ti ve ang coeina ni hutha hue. 

Ace a dawngoeh ni kho ni rham eng ikoe mueih tlukna haipan pan hamna a ngah, ikoe num hailam ak pansak hlue, ikoe mueihna num hailam pan hlue hue ti ve poek hamna awm hue. 

Valentine's Day Ani ti U Ve Num?

Valentine's day ni ti unoeh nula cadawng eng aning ngaih-u moe xum hamna ani poeknak a khawngheup ve ikoe mueihna na poek? Philippine rhamna toe Valentine's Day ve ikoe mueihna num kum tuekuem oeh ani honak ti ve Valentine's Day a konglam ani honak ak thoepkhi engtoe ve mueihna qoen hue u.

Philippine rhamna Valentine's day a awm om oeh nula cadawng xum unoeh thla 2, thla 3 a lo oehtoe ak changchangna awm law usoe nulakhi toe ani phoen tawng soe u eng awm kai eng ni teok vang ak ti amomvoen soe khuikha hue u ti hue u. Ace a dawngoeh Philippine rhamna Valentine's day a awm ham ce thlang eng a sohna sohna khing hoh hue.

Tlang Thlangkhi(UNFC) moe State Counselor Aung San Suu Kyi Xum Hlue Hue U 

Tlang thlangkhi a bong mat UNFC moe Myanmar rham poeknak peekung(State Counselor) Aung San Suu Kyi ce February 23 oeh xumnak taak ahamna rhoepnak pohkhi eng khue hue u. UNFC xuikung a xamcaakhi ace hlan oeh xumcunnak pohmana awm hlue hue.

Tuh-oeh xumcunnak ani taaktha oehtoe UNFC eng awitung 9 anik thoeh ce a taakna qoennak ta hlue hue u. UNFC eng awitung ak thoeh 9 kani huh boeih doengoeh ni  NCA ming ka thut hlue ti hue u. Ace mueihna UNFC eng ak thoeh awitung 9 ce ak kaana teok lor lah. Tuh-oeh UNFC ani culum eng ming ani thut oehtoe Panglong Conference ang hihvoeinak ce kai hlue tha hue u. Ace mueihna tuh anik teng hlue ammanik qxoep tha oehtoe UNFC a bong ce Panglong Conference oeh awm amkai tha ti kom u. 

Chin Pyine Oeh Mlueh Mat Paek Hamna 

Chin pyine rhamtung (Southern Chin) khuioeh mlueh mat paek ahamna awm hue tinoeh Chin pyine acoyah avenna koe eng awithang yakna awm hue. Ace mlueh paek ham toe Matupi mlueh, Paletwa mlueh, Kanpalet mlueh moe Mindat mlueh ang xumnak oehkoe kho Mkui-imnu (Makawiimnu) kho ve ni. 

Mkuiimnu kho ve mlueh eng a voetnak kho matna awmnoeh Mlueh pupphli ang xumnak oehkoe hlue kho matna a awm amueihna mlueh huh hamna tueng hue ti ce huhna awm hue. Mkuiimnu ve a kho kaeng oehkoe kho Kunglong kho, Thingpyung kho, Vueinu kho moe amoeh Mkuiimnu Kho acuna pupphlina nam pohna awm hlue hue. 

Chin Political Dialogue Poh Hlue Hue U

Chin politic tengtumnak hamna ni hulam oeh anik thoeh ce acoyah eng amni paekkhi hue ani ti u ce tuh toe acoyah eng CNF / Chin rham oeh uknak lamtungna Panglong Conference a pha hlan oeh poh hlue hue u. Ce hla hoetuek oeh num ani poh hlue ti toe singhlan hue. 

Ak Qxuem Oeh Chin Thlang Mingthangkhi

Chin rham khuioeh mingthangna anak awmkhi, Myanmar rham doena mingthang moe kho rham a laeknak ahamna bi anak biikhi ang ming ve teok lor lah.

1. U Htun Aung (Kanpalet)
2. U Kam Hauh (Teddim)
3. Thawng Cin Thang (Teddim)
4. Dr. Ngin Thuang (Teddim)
5. U Kim Lam (Teddim)
6. U Puam Za Mang (Tonzaang)
7. Rev. Bel Nan (Tonzaang)
8. Pu Van Kulh (Thantlang)
9. Rev. Van Lo (Thantlang)
10. Pu Lal Luai (Thantlang)
11. U Htat Hlaing (Paletwa)
12. U Aung Tar Ban (Paletwa)
13. U Hrang Thio (Falam)
14. U Za Hre Lian (Falam)
15. U Tuang Hmung (Falam)
16. San Ning (Matupi)
17. U Sen Thang (Mindat)
18. Bohmu Hung Ngai (Mindat)
19. Pu That Cin (Hakha)
20. Pu Thang Hliang (Hakha)
21. Pu Ral Chum (Hakha)
22. Pu Ai Ya (Hakha)
23. Pu Lian Thum (Hakha)
24. Pi Dawt Sung (Hakha)
25 Pi Tial Nawn (Hakha)
26. Pu Mang Tling (Sami)
27. U Vawm Tu Maung (Mindat)
28. Boci Thai Coeng (Matupi)
29. Pu Henry Van Thio (Vice President)
30. U Ma Buan (Lailenpi)
31. Dr. Paw Khua Min (Rezua)

Hakha Mluehnu Oeh Thaemyoihnak Moe Lam Ming Boeih ve Mva Cana Koeh Yawk Ham 

Hakha mluehnu oehkoe lam ang mingkhi, thaemyoihnak oehkoe ang mingkhi boeih ve Mva (Kon/ Kawl) cana yawk hamna koeh poek rhoe rhoe u. Signboard ca ani taikhi boeih ve Lai ca doengna yawk hamna awm hue tinoeh voei 21 nak Hakha City Master Planning Committee (HCMPC) eng February 11, ngoilam Chin rham khui oehkoe Sipin yung xumcunnak oeh ce Lam oeh Minister ak bi Pa Sui Thio eng ti hue.

Ace xumcunnak oeh ce ve mueihna awi qxoepnak ta hue u.

1. Hakha khokhui oeh lamyoi moe lamxoi  117 awm hue. Lam ang ming ak awm cee ce 55 awmnoeh ming ak awm hlan ce 62 awm hue. Lamxoi ve toe suennoeh Myanmar rham oeh xuikung mingthangna anak awm lo nimoeh Chin thlang ang ming sui hamna.

2. Thaemyoihnak oeh ca ani tai Signboard ve Mva ca na koeh yawk unoeh Lai ca doengna yawk hamna tinoeh Pa Sui Thio eng hatlakna hue. 

3. Signboard ca lam ang ming ani tai ve Mva thlang eng ani simnak ahamna "Lam" 'Ang San lam' ti mueihna amninoeh, "Road" 'Aung San Road'ti mueihna yawk hamna ti hue u. 

4. Lamyoikhi toe paipai ang ming suina awm seh tinoeh qxoep hue u.

Ace mueihna lam ming pohnak ahamna ak ngah tangka awm soep hoh hue ti hue u. Ref. Chinland Daily News 

Khawxai Pha Lawnoeh Chuca Phacakhi Thingpai Rhopai Ao Law Hoh Ba Hue U

Thlang eng tuikung pan noeh Sakkhi Va-ai eng Sih pannoeh Chuca phaca eng thingpai rhopai kungna cet hue ana ti khoei lang una. Teok lah Phaca eng a tui xai ak dopnakna qoh pai a sam myon nam myon vik hue. 

Veve Chu ak pha, qxin ak qxum eng awm ang ngaih-u a tuem, thingpai rhopai a lumnak a tuemna awm hue. 

Khawsa Awithang A Lut Lo Oeh Ni Dai Thlang

Tuh oehtoe ni teok noeh ni thana yaanoeh a huhna ni husit hlue hue. Ak qxuem oehtoe ni Dai thlangkhi ve mueihna ni anina aomnaak khoei hue u. Ve pateng Mva lut lawnoeh ni hicim phung cehtaak hamna aning caa lo hohna awm hue.

Aning lak oeh avang dueilo Nu mat ce Missionary Upa C. Bukchuaka a yu ni,  ni Dai kho oeh Missionary ak cuek soeihna ak awmlona awm hue.

Khawsoei 

Ak qxuem oehtoe ni Dai khawmdek oeh Khawsoei ana pha law hoeihhoeih soe vaen unoeh ana kap hoeih hoeih hue u. Ace khawsoei ce hoenakoe eng num a lo lang huvoei soe Kho eng a paektaak ani ti thlang doeng doeng eng ni a kah ana ti hue u. Avang engtoe Kho (Khawsa) a tueih lo ni ana ti khoei hue u.

Panglong Peace Talk Poh Hlue Hue U

Shan rham Panglong kho oeh tlang thlangkhi moe state counsellor Aung San Suu kyi xumnak ta hlue hue u. Ace mueihna aning xumnak hlue toe Myanmar rham pum oeh pum-oetnak Heup(Union Day) kum 70 a kuepnak ce honak hluena awm hue. Ace ak cuen toe February 12, ngoilam 9:20 oeh doerdap rhunak ta kom usoe toe MRTV moe Myanmar State Counsellor FB page oeh ce Live na teok thana awm hlue hue. Ani pohnak hlue toe Boyoke Aung San eng ca a yawknak huet thingkung ak kaa oeh ce pohna awm hlue hue. 

Orlongna Ngoi Ani Poh Oehkoe Ngabaok Ak Tla

Orlong Ngoi poh usoe Ngabaok ngoi oeh ak tlaa ka poek oeh ngai kon hue nueng. Ave mueihna Ngoi ni pohnoeh nga nim mtu ve Dynamo moe Qxuco eng ni himnoeh nga nim mtunak ang lak oehtoe ak laek soeihna awm hue.

Qxu eng ve Nga a rhir ang xoi acuna thihsak noeh Dynamo eng awm ace mueihna thihsak hue. Cenamoe Ngoi, Qimkhop oehtoe ace khuioeh ak tlaa doeng ca ce nim mtuna awmnoeh do hue.

Tuh Oehkoe Nasen Moe Ak Qxuem Oehkoe Nasen A Lohanak 

Khawmdek khan khawsaknak ve ang sot toe sot tangak hue. Ak qxuem oehkoe khawsak moe tuh oehkoe khawsaknak ve ammueih voen hue. Ak qxuem oehtoe Nasenkhi eng Soei, Vawk, Ui ani him lo hlue oeh a put ve a nang cuh tangtang hue u. Unum a put ak lo hlue ti unoeh ani him hlan oeh anam mkang khoei hue u.

Vawksa, Aisa, Soeisa, Uisa nak oeh a put ce saersak tam unoeh a xiikhi venna anak thoeh sahsah khoei hue u.

Cenamoe tuh oehtoe Nasen eng a put ni haih ti soe amvang mang law voen u, noeikongna ang luenna ni ti soe ikoena yawm amngai voeh unoeh bawmpen, khedan, cauk eng a ning luen hlue ni ani poek hue u. Mlueh na ak awm Nasenkhi ni teok soe ang luem amom voen, Computer, phone tloek eng ni a ning luem hue u. Veve ak qxuem oehkoe luemnak moe tuh oehkoe luemnak a lohanakna awm hue.

Tinbaw Thah Eng Phu A Taaknak

Tinbaw thah ve ak taui soeih matna a awmnak a dawngoeh thlang ak kuu engtoe ngah soe thlang vang engtoe a bo qxim hue tinoeh amngah hue. Ave Tinbaw thah ni ai oeh ikoe num ni pum ahamna a laeknak a awm ni ti oehtoe:

1. Ni pumsa, ni vuem laeksak hue.

2. Pum yaangnak ni paekkhi hue.

3. Nik phoen ahamna laek hue.

4. Haiquk (ဝက္ျခံ) rhengsak tha hue.

5. Khawrhoei eng anik choekkhi, ni sa ani qxongkhi oeh ni aa oehtoe dipnak ni. 

6. Tha-omnak ak laek soeih matna awm hue.

7. Nik phoennu natnak amma awmnak ahamna laek hue.

8.Tb natnak, Husanat moe Coop natnak ahamna laek hue. 

Veve muengoi ak aakhi ahamna toe ani pumsa, ani vuen a do doeng amkhoek soe sadipnak ahamna ak laek soeihna awm hue. 

Kawpoekna Kuei Law hoh Ba Hue

Vetoe ikoe mueih vik ba num, Khristian num ka ti Chekthlungkhi ngoi puhpuh vik, hicim phung num ka ti Banlamtaitung va awm law, nupa yusuk num ka ti Khawsa awithang ak qoen tloek amueih vang duei law ba, ikoe mueihna ka ti hlue awm lucing havenna awm hue.

1996 kum oeh Khawsa awithang qoenna ceknoeh Nampai kho na heuphma awithang qoen nueng soe ani Anglican Pastor pa toe kho changna koe eng Nampai kho na ang sot lo hluena awm soe ani hlahnakna kumthum Yu luh unoeh aok puei plak cancan usoe ti usoe kang yak.

Chin National Political Dialogue Coyah Eng Amni Pohsakkhi Hue

Union Peace Conference ani ti u ang hihvoeinak Panglong Conference ce ak lo hlue February 28 oeh pohna awm hlue hue. Ace conference oeh ce  thlangmi 700 tluk thuum hlue ti hue u.

Ace mueihna Panglong Conference ani pohnak hlue oeh ce NCA (Rhoeknak Mingdeknak) oeh ak thuum hlankhi awm ani thumnak ahamna qoen pe huina awm hue. Ace Panglong Conference oehkoe hamna Shan rham, Bago taan, moe Hicim thlangkhi venna awi doernak ce huenthum oeh ta hlue hue u. Ace mueihna awi doernak oehkoe ak con lo ce Panglong Conference oeh lut pueina awm hlue hue.

Ave mueihna Chin thlang eng Chin National Political Dialogue poh ahamna anik thoeh toe coyah eng amni paekkhi soe Chin rham xuikungkhi ani ko sae hue. Ace a dawngoeh thlang vang engtoe Panglong Conference ve Chin thlang eng koeh ni kai useh tinoeh poeknak ak ta awm hue. Cenamoe amni kaih tanglang oehtoe Zomi ak tiikhi eng kai unoeh a lukcingna awi qoen hlue ba hue u, ikoe mueihna awm soeyom kaih hamna awm hue ti ce thlang vang eng toe poek ba hue.

Acoyah eng Chin National Political Dialogue poh ahamna ammani ngahnakkhi toe kaw-oet kawm u ti ce a poek a dawngoeh oeh ni tinoeh thlang vang engtoe poek hue.

Nang engtoe ikoe mueihna na poeknak lor.

Haiku Bird Ani Ti U Ve Nak Hukhoei Aw

Veve ikoe mueih ak qxin huvoei num Nepal rhamna tlang ang sangnak doengna ni a awm ti usoe, ni Dai kho tungna toe nanik hukhoei lorkhi num, ak awm ak ii huvoei num! Ang ming toe Haiku Bird ti usoe a pum toe Maapai ani ti mueih chet lawnoeh Licang tlangna koe Sathoei ani ti mueih awm law hue. 

Chin Rham Ukkungkhi Huvoei Aw, Phungqi Ak Baekkhi

Khawsa awithang Baibun eng ani congpueikhi ni huh oehtoe "Kai kana Khawsa chang koeh baek, Levitikas 26:1; Exodas 20:5; 23:24; ..., moe ak changchangkhi oeh ti soe Daniel a xingnak oeh ni huh oeh awm kutseh thaem moe ak chang khawsa hai oeh a baek hlue amna ngah hue.

Tuh voeh ni huh President Henry Van Thio moe a xuikhi ve phungqi baeknak huvoei aw? Ni haihhuh amueihna toe phungqi haioeh baek kanglak hoh hue u. Liberal ideology/ Pluralism / pluralist na num ni awm kang hoh huvoei ti ve amsim tha hue nueng.

Vice President Pa Henry Van Thio Eng Chin Rham Hakha Xim Hue

Myanmar rham ukkung, Vice President Pa Henry Van Thio ce Chin rham xip hamna Kalaymyo ce February 3, Ninga ngoilam oeh pha hue. Ace mueihna a lo oeh ce Myanmar rham ukkungkhi minister thlang 10 moe a Yu Dr.Anna Sui Hluan moe Amoeh Vice President Pa Henry Van Thio a cuna toe thlang 12 eng Hakha mlueh ce pha hue u. 

Kalay oehkoe ukkung a xamkhi moe a ning xum coengoeh Falam tungna ceh soe Falam mlueh oeh Coyah lam xuikungkhi moe ngawihhahnak ta unoeh Hakha tungna ceh hue. 

Hakha mluehnu oeh ce Hakha University, moe huen changchangkhi xim hue. 

Upade Xuikung U Ko Ni Ang Yueng 

NLD uknak oeh Upade lam tungna anik xuikhikung U Ko Ni eng peok kana ni rheng takkhi soe anih ang yuengna ve U Ko Ni a sangya U Ung Maung tuehna awm hlue hue tinoeh awithang yakna awm hue.

ကိုနီ ေနရာမွာ အစားထိုးမယ့္ ဦးအုန္းေမာင္ လို႔သိရပါတယ္ . . 

သူဟာ ကိုနီ ရဲ႕ဆရာလို႔လည္း သိရပါတယ္, Ref. Chit Ko Ko, Facebook

Taluk Rhamna Khawsa Awithanglaek

Khawsa awithanglaek ve Asia rham oeh cut unoeh anik khuepuei ce khawtlak rham tungna va hiinnoeh tuhtoe Asia rham tungna hlat law tlah hoh hue. Jesuh Amoeh rhoe ve Asia rham oeh thangnoeh Asia rham oeh a xinglu phum soe Khawtlak rham tungna ak awmkhi, Europe, Amerika,... thlangkhi eng awithanglaek anina do maa a dawngoeh kum khawrhuet oeh Khawsa awithanglaek ce khawtlak rham thlangkhi eng anak qoen unoeh ana lungna hue u. 

Ace mueihna Khawsa awithanglaek ana do maa unoeh ani lungnak amueihna ani rham ani mii anik thlang eng yawkdonak ana huhna hue u. 

Tuhtoe teok lor lah! Europe rham, Amerika rham tungna ak awmkhi eng Khawsa awithanglaek nak oeh pumsa lam tungna ani taui ani hlim lonha a dawngoeh Khawsa awithanglaek eng Asia rham pan law tlah hoh hue. 

Aktungna Taluk rham, Taluk ve Mdekkhan oeh thlangmi ak doem soeihna awmnoeh tuhtoe Taluk Khristian thlangmi ve ni noer kang mantoe Amerika khristian thlangmi nak oeh doem hlue bet hue ti hue u. Taluk rhamna ve tuhdoe khristiankhi phekphoeina awm moesoenum muengoi oeh thlang eng Jesuh Khrih ve a thawngkung Boi moe a xingnakna ak cangna amsava hue. Hailam oehtoe Taluk ve Khawsa awithanglaek lam tungna ak thamah soeih matna awm hlue hue ti unoeh qoen hue u.

Aihluei Ak Kii Mah

A xong a tak num amsim hue nueng, teok lor lah u ikoe mueih a ui a aai  hue ak kii mah cu amkana huhkhoei. Mizoram tungna Tuikuk thlangkhi a Aai ni ti hue u. Umueih a Aai na awm soeyom ikoe mueih Aai ak kii mah cu ak awm huvoei num.

Amerika President Donald Trump Eng Amerika Voong Hlue Cang Hue

Donald Trump va Amerika moe Mexico anglak Voong (Wall) eng kak chung hlue ni ti soe, a ti yap laek num ti unoeh rhah sasa usoe tuh toe President bi law cangnoeh ak awikam amueihna Mexico moe Amerika rham aning lak ce Voong khoep vang ti soe, ikoe mueihna ang saitaina rham mat cu chung khoep vang ak ti tarha vik num ti unoeh anik kawpoekna kueisak hue u.

Tuh awm kak Amerika moe Mexico anglak kang voong hlue rhicing ni ti soe thlangvang eng amngah usoe thlangvang bai engtoe ngah hue u. Ace mueihna ang voong phu ce Amerika eng a paek hlue amninoeh Mexico eng a paek hlue ni ti hue. 

Mexico thlangkhi toe anik kawpoekna kuei soe ikoe mueih a Trump hue a rham chung khoep vang ak ti lo tang vik num ti hue u.