Dai Community in Malaysia

Malaysia na ak awmkhi Dai thlangkhi cunboemnak ani poh ce kum xa (10) a kuep hlue hoh a dawngoeh ngoihcunnak (Meeting) ce March 25, 2017 ak pha lo hlue kum oeh ce taakna awm hlue hue.

Ace mueihna kum xa a cupnak ani poh hlue a dawngoeh khochang rhamchangna ak awmkhi Dai thlang boeih eng poeknak lam oeh ni seh, tangka lam tung oeh ni seh nani poh tha khui oeh nani peuinak hamna yaksaknak ta law hue u. Ref: Yawng Yawnghung Thang

Yangon Dai Christmas Poh Hoh Hue U

Tuhngoi December 17, 2016 oeh ce Batu Mlueh tung oehkoe Yangon na ak awmkhi nimoeh Dai thlangkhi eng Merry Christmas ce ak naomna pohna awm hoh hue. Christmas ce Shwe Mya Ya Prayer Mountain, Hmawbi, Yangon oeh ce hona hue u. 

Ace Christmas oeh ce Yangon Mluehnu oeh ak awm nimoeh Dai thlang, thlangmi 100 hla cun tha unoeh Khawmdek khan a lungnak aih uet oeh a Capa a paek ce uem doena omhlue thoeihya eng mkueihcah hue u. 

Yangon Dai thlang eng Christmas ani honak oeh ce Saya Kee Tun eng Khawsa awithang, Capa paekna a awmnak a konglam ce qoenna awm hue. 

Tuh-oeh ani poh Yangon na, Matupi Myone Dai Christmas ve a thumvoeinakna awm hue. Hailam doena ani pohnak qxoer qxoer a hamna Khawsa venna cuekcahnak eng ni sim puei rhip rhip ve u.

Jesuh Khrih A Thangnak Thingpai Rhopaikhi Eng Do Sup Sup Hoh Hue U

Teoklah, ni Boipa Jesuh Khrih a thangnak thingpai rhopaikhi eng awm omhluenak eng do sup sup hoh hue u. Rhompupai, Rhaithakpai, Tlangchuipai, Khawngvapai, Qxemrhupai, Khoituipai, Uiphlutpai,... moe ak chang changkhi eng om do hue u.

Rhompupai 

                                                           Rhaithakpai

Tlangchuipai

Licang Youth Fellowship Association 

Nimoeh tungna kum 1985 tluk oehkoe eng cutnoeh Batu na sengim ak kai boeih eng Licang Youth Fellowship ve ana poh law hoeih hoeih u nueng. Avoeh ve xuikungkhi toe Rev. Ling Ma, U Kuem Nai (thlangthi), Rev.Dr. Quem Hluei moe tlongthoh lam tung oeh xuikung a hamna Saya Koei Ceng ana awm law hue. 

Ace hui oehtoe Tangnga oehkoe eng cutnoeh tangxa doe Batu doeng doengna sengim kaihna a awm a dawngoeh nimoeh Dai thlang a awmnaak cacong-im ce tuh-oeh phungqi im anuk kaa lo oeh ce ang thongna thong pen pen hue. 

Ve mueihlip ve 1987 oehkoe mueihlipna awm hue. Ka omdam oeh ammak hukhi a hamna kak chan lo yap ni. 

Thlang nani sim a awm oehtoe haih ti law lah u boe

2016-17 Cacong Kum Oehkoe Tangxa Camingpoei Ani Phinak Hlue

Khawsa venna cuekcahnak eng ni sim puei rhip rhip ve u, tuhhi toe nik thlangkhi khawyah eng Tangxa camingpoei a ning aungnak a hamna, cuekcahnak eng koeh nim mhihnak hamna ni ngah nakkhi hue nueng.

Dai Thlang A Khawsaknaak 

Dai thlang eng ve mueihna va dueih oeh kho nina saa khoei soe. Dueih mat oeh Nukdoem, Pakdoem, Nutai, Patai, nim mcot nim cang a im awm soe, do a saer oeh awm mat moe mat ning teok ning khen rhunoeh kho ni saa hue. 

Kawngma na maa ni aomnoeh nukdoem, pakdoem, Patai, Nutai, Ka Cii, Ka Naa, Kam Mcot Kam Cang ni tinoeh ninang khue rhu khoei hue. Buh a meh a awm, do a saer moe khin ak khaa a lo oeh awm ning bom ning cen rhu hue. 

Nukdoem Pakdoem a imna meh neeng usoe buh aanoeh, Na patai eng Sakkhi kap law soe Sakkhi sa aa noeh, Na Pakdoem a thaang oeh Vawmnga aok soe ani phuih lookhi ngai lor lah. Dueih (kho) mat oeh thlang mat eng buh a meh hunoeh a sun a kah oehtoe thlang boeih eng animoeh a koe rhoe amueihna ao a aa hah unoeh kho ani sak ka poek oeh Dai thlang a khawsak rhamsak ni ak awmxa soeih hoh hue ti hue nueng.

Tuh toe ngai lor lah!  Ka Nukdoem, Ka Pakdoem, Ka Nutai, Ka Patai, Ka Cii, Ka Naa, Kam Mcot kam cang,... ti ve amni hu tlah, muengtueng mangtangna khawvangvuena ni awmnoeh ikoe kho awm amningngai voen hoh hue. Pacaaxui, pacaphom matna khosaknaak hlue toe amom voen hue oe! 

Ni Dai thlang khawsak rhamsak ni ka poek oeh ak naom soeih, ak awmxa soeih, ak do soeih a mueihna ka poek hue. 

A Capa Tuhhi Tangxa Aungnoeh Siboi Am Mhi Hlue

Ka Capa Siboi (Doctor) am mhi hlue tinoeh Maa taang rhinoeh rheh quet soe, ikoe mueihna ca toe a teok a ii hlue huvoei num amsim hue nueng. Thlangkhi ace mueihna Maa taang rhi unoeh amma ni rheh awm anak aungkhi vamni tunum, hoe mueihna ce mueih papaana cu, ikoe mueihna a teok a ii hlue num?

Allah Eng Kum Thong-oet Doe Uknaak Ni Pe Hlue Hue Ak Ti Gambia Rham President Tuehnaak Sung Hue

Muslim thlang Allah ak uepna Yahya Jammeh eng Gambia rham uk a hamna Allah eng kum thawng-oet ni pe hlue hue tinoeh tuh oehkoe President tuehnaak oeh sung hue. Jammeh ve kum 22 khui oeh Gambia rham anak uk lona awm hue.

Tuh oehkoe tuehnaak oeh ve President Jammeh eng noeng kom tinoeh anina poek lo hla ni, u eng awm amma poek, noeng kom tinoeh amma ni poek Adama Barrow eng  noeng hue. Ace mueihna a noengnaak ve President Jammeh eng awm hatlakna hue.

Barrow ve Londonna Sengim ak kai matna awmnoeh a sengim kaih hui oeh thaemyawihnaak mat oeh security anak bi lona awm hue.

President Jammeh ce vote 36.7% hu soe Barrow eng vote 45.5% hunoeh  noeng hue. Ref: BBC News  

Amerika eng Myanmar Thlang Am Mrhuklu Sui Hui Hue U

Amerika rham Buffalo mlueh oeh Myanmar thlang mat mrhulu noeh ak cen ce Palik eng mtu a hamna sui huina awmnoeh ak huu boeih eng anik qoennak a hamna ni ngah nakkhi hue. 

Kum 32 ak thlang, pe 5' 8" sangnoeh a pum a rhih ce 155 pound lawnoeh ကိုရန္စိုး ani ti u ce Amerika Palikkhi eng sui hui hue u. Ace mueihna a thot puei ve a kum kum 17 ak kaa lamna awm hue. Ref: Burmese.DVB.No

Thlo Paem moe Cimca Ben Mah

Veve thlo paem ana ti hue u. Ikoe tinoeh Thlo Paem anina ti huvoei aw? Ak khyuem oehkoe eng phungrhaai (phunglong rhaai) tungna awmkhi eng ave ve anak bah law khoei hue u. Nimoeh Dai kho oeh ve Suntui Liksoi toe ave mueih amna honaak cer hue u. Cenamoe Xuengphawng, Kheng (Pengsawng) oehkoe eng cutnoeh ni Dai khokhi Loeicaa, Tuili, Msir (Saitu) Duk kho oehkoe eng Muem kho doena ave Thlo paem ve Cimcaa ben mahna anak bah unoeh a kue a saengna a nang ngai hue u. 

Cimcaa ave mueihna mcak eng a taang ce yawp unoeh a meema ani poh ve ikoe naak oeh awm a koe soeihna poek hue u. Ave ve ak cuek oehtoe boi a mangkhi eng ni anik bah ana ti khoei hue u. Cenamoe a huna toe poh koeluep unoeh ak poh tha, ak thlaa tha boeih eng bah rhip thii hue u. 

Thlo ni ti toe Mva awina tuh-oeh Cho ani ti u, Muen thlangkhina awm hue u. Tuh toe animoeh Muen thlangkhi engtoe ningnih eng "thlo" tinoeh nik khue, Mva awina "Cho" ani ti ce "K'cho" ti unoeh yawk hue u. Ak tungna Muen thlangkhi ni. K'Cho/ Cho/ Thlo ti toe Muen awina awmnoeh a tingahnaak toe "tlang", "tlangtung" ti ngahnaak ni. Mindat tung, Kanpalet tung ak awmkhi eng ani honaak ni. Tlang thlang boeih Mizoram, Nagaland, Tripura, Manipur, Chittagong, Assam North doena moe Chin hill a culumna thlii ngahna hue. 

Kho Chikcaa Lawnoeh Oe Omdam Cu Kon Hue

Thlangkhi Happy Merry Christmas/ Happy Sweet December ti unoeh Haicauk (Facebook) khui oeh hlah pok pok usoe hangngai noeh soe ni Dai kho ka nuk poek oeh tlang tungna ning mang soe kho cii rhoeih rhoeih noeh ikoe eng awm amma nim mhlip hluekhi kom a mueihna ning ngai hue. Ace mueihna kho ak cii oehtoe hoetuek kon soeyom duem kho/ khawcui ammak awm hlue kom amueihna, hoetuek kon soeyom khongmaa eng khan ammakdah hlue kon amueihna nina poek hue. 

Ave mueih cikca eng va ammak omdam awm omdamsak noeh ammak kawsae hlue awm huhkhyuem/ kawnghu poeksak tlah noeh omdam sak hue. Pueipo mat moe mat hlah rhudam unoeh, ak cet hlue eng a puei a cehtaak damnak a tuemna awm hue. Nula cadawngrhoi eng khanna aisi keva ani hak teok oeh kho chang changna ak awmrhoi ace Aisi pihla oehtoe ni mik-hai  xum mah voe oe tinih noeh ana omdam khoei hue u ana ti hue u. 

Mcungnu tlangsangkhi, pung a peenkhi ni teok soe dang heu peng peng noeh, kho ak cii rhoeih rhoeih ve omdam phui ni ana ti hue u. 

Khoi Ak Luemna Toe Ve Mueih Hlue Ni

Ak khyuem oehtoe kho tloek ana luemna unoeh thingsona ak awm doeng amlo unoeh chengsona ang baangkhi ana lo heu kanglak hue u. Tuh oehtoe khoi loh hlue amom hlue voen na mueih hue.

Paletwa Mlueh Kum 140 A Kuepnaakna Uemnaak Poei Poh Hue U

Chin pyina khui oeh laung kaengna ak awm mlueh moe a rham ang xoi soeih Paletwa Mlueh eng, Paletwa mlueh ang dueihnaak kum 140 a kuepnaak ce tuhngoi November 30, 2016 oeh ce Tuicet ang duemnaak oehkoe Lam ce uemnaak poh doena Mlueh ang dueih cueknaak a cuna poh sih poehoei hue u. 

Ace uemnaak poei oeh ce Chin pyine Chief minister moe a xamcaakhi eng hona puei hue u. Ref:Tun Lin's Post

Nukdoem Su Su Ikoe Awm Poh Thawnglong Hlan Soe Rhankap Eng Uknaak Lo Vang Ti Hue

Nukdoem ve thawng a tlak a rhuet moe mee ang aung hlan tloek oehtoe thlang boeih eng mee ang aung amueih oeh a hoei a poh hlue boeih, Japan, Korea, Amerika rham amueihna ak awm toeih voeina nina poek rhip hue. Mee aung lawnoeh ang heup khum law keke, a hla boeih law keke soe ak cuen eng non law voeh voeh soe tuhdoe ikoe awm a poh tang ak cerna ni hu hlan hue. 

Mee ang aung hlan oehkoe moe tuh oeh thlang boeih a poeknaak ve lawha khinglik hoh hue.Ikoe mueih heu lang aw!

Tlang thlangkhi eng Pyinglong awi khyoepnaak amueihna ani huh ngah law ba u, ace mueihna a poh hlue num 2008 upade hak qih hoeh ba, 2008 upade a xer hlue num rhankap haih qih ba, ace amma xer oeh num tlang thlangkhi eng a kahna kap vong vong usoe Shan rham tung toe rhannuna tho hoh hue. 

Tuh doena Ta’ang National Liberation Army (TNLA), Myanmar National Democratic Alliance Army (MNDAA), Arakan Army (AA) moe Kachin Independence Army (KIA) tloek eng Sham rham tungna kap vong vong hue u. 

Yakhain rham tungna Rohingya moe ngcoh hue u. Ave mueih tlongna a awm hlue ve rhankap eng amngah law hue. Animoeh rhankap a uk oeh awm ave mueih cu ak lo ni ti unoeh.

"Tuh oehkoe amueihna a ning kah rhu bak bakna a tlak oehtoe rham khui oeh rhoepnaak amom hlue soe,2008 upade amueihna rhankap eng uknaak a loh tlah hamna awm hue" tinoeh rhankapboi Min Aung Hlaing eng National Defence College (NDC) oeh ce qoen hue. Min Aung Hlaing eng ave a kong ve hihvoei qoen hoh hue. 

Ace mueihna rhankap eng uknaak a loh tlahna a tlak oehtoe Myanmar rham ve ce ikoe mueih konna yawm amdo hlue voen hue. Mdekkhan a boet doena a kon a tang hlue hoh ni. 

Ref: The Irrawaddy 

Cuba Rham Ukkung Thi Soe Cubakhi Uemnaak Poei Poh Hue U

Thlangkhi ani rham ukkung a thih oehtoe kawsae unoeh mikphli hamcak eng awm usoe tuh oeh Cuba rham kum 60 khui oeh anak uk lo Fidel Castro, kum 90 ce November 25, 2016 oeh intestinal ailment natnaak ak cam eng thi soe Cuba thlangkhi uem unoeh laam unoeh awmhlue chim a lik hue u. Avang engtoe ukkung boi thi soe Khawsa ming am mkueihcah awm om hue. A rhawk ve heup 9 khui oeh rhawknaak hamna ti hue u.

Kum 50 tluk oeh Amerika moe pateng rhanna ana awm law nih noeh a kut khui oeh Cuba rham ce a ngah amueihna uknaak (dictator) ana ta hue. Cuba rham ve US oehkoe eng Meng 90 doeng caa ni a hla hue. Cuba rham ve US rham hunnak a hamna rham ak laek soeih matna awm hue. 1962 oeh Cuba ukkung boi Castro eng Russia ce a rham oeh Nuclear missile a taaksak a dawngoeh Amerika moe kap rhu pit hue u. 

Cuba rham ve Myanmar rham amueihna Latin Amerika rham khui oeh ak khuikha soeih rham matna awm hue. Myanmar rham Ne Win eng kum 26 ana uk lo amueihna Cuba ce uk hue. 

Cuba thlangkhi rhamchang ak phakhi boeih eng Cuba ukkung boi a thih a ning yaak oeh uem soeih unoeh uemnaak poei ani pohna awm hue. Kum 26 Myanmar rham anak uk lokung Ne Win a thih oeh Mvakhi thlangvang eng uemnaak ani poh amueihna ni a awm hue.

Cuba rham ve Communist rham matna awmnoeh khawmdek khan oeh Communist rham ve  Taluk, Vietnam, North Korea, Laos moe Cuba rham tloek ni ani awm hue u. Ref: CNN

Amerika Eng Myanmar Thlang Rhancenkhi Khue Hlue Bak Bak Hue

Tuh oehkoe eng 2017 September hla a pha hlan oeh Amerika acoyah eng Myanmar rhancen(Refugee) thlangmi 14,000 khue hlue bak bak hue. Amerika na ak awmkhi Myanmar Organization mat BACI a bi binaak ak cam eng Chin thlangkhi Malaysia na ak awmkhi ce 14,000 khue hamna October 1, 2016 oehkoe eng September 30, 2017 anglak oeh thlangmi 14, 000 ak khue hluena awm hue.

Myanmar rhancen 14,000 khui oeh Malaysia na awm 8,000 tluk, Thailand na awmkhi 3,500 tluk moe India tung awmkhi 4,000 tluk khue a hamna caanaak awm huen hue tinoeh BACI Chairaman Dr. Pu Rodinga eng qoen hue. 

Amerika ceh hamna ang pongkhi a hamna toe ngaih-unaak awm huen hue.

Khristian Thlang 45 Him Hue U

Jesuh Khrih anik cangnaak a dawngoeh Khristian thlang 45 ce Afrika Mdeknu, Nigeria rhamna November 26,2016 him hue u. Veve Nigeria rham pyine  mat Kaura ani ti kho 5 oeh ce Muslim thlangchekhi Fulani Herdsmen ani ti ce lut unoeh November 13, 2016 oeh Khristian thlang 45 ani him unoeh Im 120 ce mai eng mdoi unoeh Baekim 8 awm mai eng mdoi sih hue u. 

Kaura pyine oehkoe kho pumhma toe Kigam, Kitakum, Unguwan, Ungunwan Rimi moe Kizipi kho tloek oeh Khristian thlangmi 2400 a awmnaak oeh  Muslim thlangchekhi eng phepphoeinaak naa soeih hue. 

Khawsa venna cuekcahnak eng ni sim rhip rhip ve u. Ref:  Christianheadlines.com 

Myanmar vs Malaysia

Myanmar moe Malaysia bolung msuihnaak oeh thlang boeih eng ikoe mueihna num Myanmar eng a noeng lah voei tinoeh teok usoe a boetnaak tung doe pha soe u eng om apchan kon kon soe thlang boeih ak kokhui oehkoe eng mat a hleng hleng eng chan nga nga voei tinoeh kawpoek ta hue u. 

A boetnaak tungna toe Mva eng ani sohnaak tang tang Chin pa David Thang eng mat haihchan xoer vik soe Mva awi a thona toe Shwe goal ani ti eng ce Myanmar eng Malaysia ce noeng hue. David Thang amma awm mantoe Mva toe dah bai hloe hla hue. Tuh toe Myanmar eng noeng hue ti unoeh oek rhu puei lor hla hue u.

Muemhla Hluek Mtukung

Khawsa ammani simnaak rham Yakhain, Maeletmuang kho oeh Khawsa eng Pastor Lian Cing Thang ce hona noeh tuhngoi  thlang khyuk (6) eng Baptisma hu hue tinoeh awithang yakna awm hue.

Ave mueihna Yakhain thlang ak kawpoek lung a thing a mueihna ak rhii eng Khawsa a sim tha ve Khawsa Amoeh a bi binak ak cam eng ni. Amoeh a boimangnak moe ang mingthangnakna awm seh.

Calvin Church, Matupi, Dairam Synod

Tuhtloek ve Dairam Synod khui oehkoe Calvin Church, Matupi mlueh oehkoe ce baekim sak huilina awm hue. Baekim ve Batu Mlueh anglung phek oeh ca channak im(Post office) ak choei oeh  awmnoeh ang thonna pupphli law hlue hue.

Tuhloek Calvin Church oehkoe a xamcaakhi Kalaymyo tungna awm huili hue u. Tuhngoi ngoichet oeh Canan khi oehkoe eng Khampat kho tungna cet hue u. A coeh ak cetkhi toe:

Rev. Hlo Poe (Calvin Church Pastor)

Upa Om Ngai (Calvin Church Upa)

Saya Ham Toe

Saya Rhing Long

Pa Laldingliana tloek ve pueipo a venna kutdonaak taak a hamna cet hue u.

Ikoe Awm Ti Yap U, Veni Ka Ngah Hue

Hoena kho ni pha soeyom Mvakhi eng Vawksa anik toeih ni ka ngah soeih hue. Vawksa ve thlangkhi engtoe am-aa usoe kai a hamna toe aisa nak oeh ka ngah soiehna awm hue. Vawksa a nii oeh awm a thaa ni ka ngah hue. Vawksa a sakchen ka aanaak a han oehtoe Aisa, Soeisa ce ngah bet hue nueng. A thaa ka aa deng oeh ni Vawksa kak aa ni ka ti hue.

Thlang vang engtoe a sakchen aa unoeh vawksa kak aa ti hue u. Kai a hamna toe a sakchen cu vawksa a mueihna awm ampoek rhoe hue nueng. A thaa ka aa deng oeh ni kang ngah khuep a ti hue.

Ikoe Awm Ti Yap U, Veni Ka Ngah Hue

Hoena kho ni pha soeyom Mvakhi eng Vawksa anik toeih ni ka ngah soeih hue. Vawksa ve thlangkhi engtoe am-aa usoe kai a hamna toe aisa nak oeh ka ngah soiehna awm hue. Vawksa a nii oeh awm a thaa ni ka ngah hue. Vawksa a sakchen ka aanaak a han oehtoe Aisa, Soeisa ce ngah bet hue nueng. A thaa ka aa deng oeh ni Vawksa kak aa ni ka ti hue.

Thlang vang engtoe a sakchen aa unoeh vawksa kak aa ti hue u. Kai a hamna toe a sakchen cu vawksa a mueihna awm ampoek rhoe hue nueng. A thaa ka aa deng oeh ni kang ngah khuep a ti hue.

November 23 Oeh KIA,AA,MNDAA moe TNLA Tloek Ak Awi Qoen

November 20 oeh Shan rham a xing tungna KIA, AA, MNDAA moe TNLA tloek eng Myanmar rhankap ani awmnaak ce ani kah a dawngoeh thlang ak thi moe ak laembai khawyah awm hue. Ace ce ikoe mueihna awm soe ani kah num ti ce tuh oeh animoehkhi eng ani kahnaak a konglam ce ang coeina qoen hue u. Ref: Kachin News

KIA/KIO Xuikung Ein Ban Lah Ak Awiqoen

KIA xuikung Ein Ban Lah eng Myanmar rham oeh amoeh moeh oeh kah rhunaak a awm a dawngoeh ace mueihna kah rhu hluena a awm oehtoe kai awm amqih rhoe hue nueng tinoeh Mva rhanlapkhi ani yueihnaakkhi aw.Ref:Kachin News

Na Kueinaak Oeh Bomkung

India rham Delhi Mluehnu oeh nimoeh Dai thlang kho ak saa moe ak cet con eng kueinaak mat mat nani huhna a tlak oehtoe ve Paliknu (Police) khi eng anik  bom hamna a oepchoehna awm hue u. Ve mueihlip oeh ve Mizo Nula pakthum awmnoeh nimoeh tung thlang kueikanaak ak huukhi boeih ni bomkhi vang ti hue u. Cenamoe tangka toe amni noeh na kueinaak oeh do a saer na huh oehkoe bomnaak a hamna ni.

Kueinaak na huhna a tlak oehtoe ka venna messenger oehkoe eng ni veok tha huek te.

Mdekkhan Nuetna Ak Awm Chungvarhoi

Brazil rhamna mdekkhan oeh ak toi soeih rhoi tinoeh poekna ak awmrhoi  Paulo Gabriel da Silva moe Katyucia Lie Hoshino ce kum khawrhuet oeh lung rhuna nih noeh ikoe eng awm a ning lung rhunaak ce amning qeng rhoi tha hue ti ce ani sim lo oehtoe, a kuei a yoei oeh awm xingkhui oeh khawsak a hamna chungva huenih. Vek rhoi ve ani dueng toe 71.42 inches sang huenih tinoeh "Guiness Book of World Record" oeh ce dangsakna awm hue. 

 Vek rhoi eng anik chungvanaak eng ve lungnaak ve a pum xoi, a pum yoi moe a dueng sang, a dueng toi ti ve amom hue ti ce dangsak hue.

Cadawng Paulo moe Nula Katyucia  ve MSN messenger oehkoe eng veok rhu nih noeh a coeh koe eng kum 10 khui oeh pueilaek soeihna ana awm law huenih. 

Mizoram Na Thlang Mrhuk-aa

Cadawng mat imkhuina mrhu vang tinoeh ana hangkai soe imkung eng hunoeh qumlaw tlah hlah tina soe kak kai hoh cu tinoeh mat lam tungna con kong tinoeh hangkai bak bak soe, ak conaak hlue chomkaeng ce ana khaih peek khoep usoe ak con hlue um-aak noeh imkhuina awm hue.

Ak pung tungna ak awmkhi eng haa rhah usoe "ni veuk law mat kong" tinoeh ni yueikhi hue.

Ang Thawng Rhu Hlue Mom Momrhoi

Tuhngoi muelam oeh November 20, 2016 05:16 GMT oeh WWE Brock Lesnar moe Bill Goldberg thawng rhu hlue mom mom huenih. A ningnih ve ni hulam 2004 oeh WrestleMania 20 oeh a nang thawng rhu nih noeh, tuh a ning thawng rhu hlue mom mom ve thih thih xing xing, thih oeh thih, xing oeh xing ti nih noeh ang thawng rhu hlue rhoina awm hue.

Tuh a ning thawng rhunaak hlue mom mom ve a huen toe Air Canada Centre Toronto Ontario oeh ni. Ak teok ak ngah a hamna Myanmar rham khawnoek ve Canada 5:16 pm oeh Myanmar khawnoek khawngoi ngoilam 7:30 am na awm hlue hue. Thawng rhu teoknaak hlue>>>http://www.ibtimes.co.uk/wwe-survivor-series-2016-live-stream-goldberg-returns-after-12-years-fight-brock-lesnar-rematch-1592470

Taluk A Awmh-ih Hoeih Hoeih Toe

Ni hulam oeh India tangka ₹1000 moe ₹500 thi hue ti unoeh thlang boeih eng bankna tangka lo rhip rhip usoe, ace mueihna tangka 1000 moe 500 thi soe ak thai ani poh yani animoeh India thlangkhi eng ak cer ak marna yawm hu khueng hlan usoe, ani tangka ak thai Rs. 1000 moe Rs. 500 ang mueihlip ce lonoeh Taluk eng tangka channaak a bawm ce pohnoeh India rham tungna Moreh moe Champhai thaemyawihnaakna nu taang boehloek hue. 

Ace ce ani poek oeh India engtoe ikoe mueih tlukna num Taluk eng thaem a suitha hue ti ve anik kawpoekna kuei hue. Animoehkhi India thlang pateng ikoe poh hlue awm simhlan usoe ace mueih tlukna thaem a poh ve Aw Taluk!

Taluk A Awmh-ih Hoeih Hoeih Toe

Ni hulam oeh India tangka ₹1000 moe ₹500 thi hue ti unoeh thlang boeih eng bankna tangka lo rhip rhip usoe, ace mueihna tangka 1000 moe 500 thi soe ak thai ani poh yani animoeh India thlangkhi eng ak cer ak marna yawm hu khueng hlan usoe, ani tangka ak thai Rs. 1000 moe Rs. 500 ang mueihlip ce lonoeh Taluk eng tangka channaak a bawm ce pohnoeh India rham tungna Moreh moe Champhai thaemyawihnaakna nu taang boehloek hue. 

Ace ce ani poek oeh India engtoe ikoe mueih tlukna num Taluk eng thaem a suitha hue ti ve anik kawpoekna kuei hue. Animoehkhi India thlang pateng ikoe poh hlue awm simhlan usoe ace mueih tlukna thaem a poh ve Aw Taluk!

Nasen Ak Awmthai Ang Xoi Soeih

Edward Memorial Hospital oeh Naa ak awmthai ve khawmdek khan oeh Naa ak awmthai anglak oeh ang xoi soeihna ce Siboikhi moe Nursekhi eng qoen hue u. 

Naacaa ve a awm cuek oeh pound 40 na rhihnoeh Kg 18 lawnoeh, Nasen a Nu ve pound 400 na rhih hue. Australia Khawtlak lamtungna awithang ak yawkkhi engtoe ve Nasen ve mdekkhan oeh ang xoi soeih ni ti hue u. A Nu pum beo unoeh naa ve lohna awm hue.

Ave hlan oeh Nasen ak awmcuek ang xoi soeih anina ti u toe pound 38 (17.2 kg) na ak rhih ce kum 1839 oeh South Africa na ana thang law hue.

Franklin Graham A Konglam(Franklin Graham Biography)

Khawsa awithang qoen mingthang Billy Graham a Capa Franklin Graham ve ikoe mueih hahpa num ti ce a konglam ak sim ak ngah a hamna a bet voeh ve teok thana awm hue. 

A Thangnaak (Born): July 14, 1952 in Asheville, N.C.

A Nupa (Parents): William Franklin “Billy” Graham Jr. and the late Ruth Bell Graham

A Yu (Married): Jane Austin Cunningham Graham, 1974

A Caakhi (Children): William Franklin “Will” Graham IV, 1975; Roy Austin Graham, 1977; Edward Bell Graham, 1979; Jane Austin “Cissie” Graham Lynch, 1986

Grandchildren: Ten

Ak Ca Congnaak (Education): Montreat College, (A.S.), 1974; Appalachian State University, (B.A.), 1978

Ordained: Grace Community Church, Tempe, Ariz., 1982

A Bi Binaak (Ministries):
Chairman, President, and CEO, Samaritan’s Purse (International Christian Relief Organization)
Chairman, President, and CEO, Billy Graham Evangelistic Association

Ak Ca Yawk (Author):
Operation Christmas Child: A Story of Simple Gifts (B&H Publishing, 2013)
The Sower: Finding Yourself in the Parables of Jesus (Worthy, 2012)
Billy Graham in Quotes (Thomas Nelson, 2011)
A Wing and a Prayer (Tommy Nelson, 2005)
All for Jesus (coauthored with Ross Rhoads, Thomas Nelson, 2003)
Kids Praying for Kids (Thomas Nelson, 2003)
The Name (Thomas Nelson, 2002)
Living Beyond the Limits: A Life in Sync with God (Thomas Nelson, 1998)
Rebel with a Cause: Finally Comfortable Being Graham (Autobiography, Thomas Nelson, 1995)
Miracle in a Shoe Box (Thomas Nelson, 1995)
Bob Pierce: This One Thing I Do (Word, 1983)

Mkueihcahnaak A Huhkhi (Honors):
Honorary Chairman, 2010 National Day of Prayer
William Booth Award, presented by the Salvation Army
1999 “Tar Heel of the Year” by The News & Observer (Raleigh, N.C.)
2002 “Daniel of the Year” by World magazine
2014 “Watchman Award,” Family Research Council

Mkueihcahnaak Doctor a huhkhi (Honorary Doctorates):
Whitworth College
Toccoa Falls College
LeTourneau University
Lees-McRae College
National University
Liberty University, Ref: Samaritan's Purse

Franklin Graham Eng Khawsa Awithang Ak Qoennaak

Franklin Graham eng Myanmar rham a hamna Khawsa awithang kho heupthuum November 18, 19, 20 doe ak khuepuei oeh thlang ang ngaikhi, Mva thlang Khristian ni seh, Bukda ni seh, nimoeh Khristian na ak awm ceekhi a culumna thlangmi 46,000 hlaa eng Myanmar Convention Center(MCC) oeh ce ngai hue u.

Khawsa eng Myanmar rham yoeksang vang tinoeh ak thlang a tueih lona awmna mueih hue. 

Myanmar Convention Center (MCC) Awithang Qoennaak

Dr. Billy Graham a capa Rev. Franklin Graham, Billy Graham Evangelistic Association xuikung eng tuh a hla, November 18, 19, 20 doe Khawsa awithang ak qoen oeh ce ikoe mueihna num thlang eng Khawsa awithanglaek tui a mueihna xainoeh ani pan u ti ve mueihlip ni teok oeh ni hu tha hue.

Myanmar Convention Center (MCC) Awithang Qoennaak

Dr. Billy Graham a capa Rev. Franklin Graham, Billy Graham Evangelistic Association xuikung eng tuh a hla, November 18, 19, 20 doe Khawsa awithang ak qoen oeh ce ikoe mueihna num thlang eng Khawsa awithanglaek tui a mueihna xainoeh ani pan u ti ve mueihlip ni teok oeh ni hu tha hue.